اللي عنده خبرة في تجارة السيارات المصدومة

إن كان تبي الرزق الحلال وان الله يفتحها بوجهك

إذا شريت سياره مصدومه وصلحتها

صور ( الصدمه )

وسو لك الاعلان , وحط صور قبل الاصلاح ( يوم كانت مصدومه )

وصور بعد الاصلاح

صدقني راح الله يفتحها بوجهك لانك ذكرتها بكل ذمه وضمير ويجيك بركه في فلوسها

واما بخصوص البيع والشراء في السيارات المصدومه والمصلحه يعتمد على قوة الصدمه

واغلب الناس سارت تشتري مصدوم وتبيعه على حالته , يطلع له 2000 ريال او 3000 حقت الاتعاب

افضل له من الاصلاح ويبيعها على حالتها ويبري ذمته , ولا يتعب بالفحص

لكن اذا ناوي تشتري وتصلح

فخذلك سيارات شائعه , وقطعها رخيصه , مثل تويوتا , هونداي , وفي سيارات اخرى شائعه لكن قطعها غاليه مثل الهوندا ( اكورد بالاصح )

وايضا حاول تتجنب الصدوم بالوجهيه

خذلك سيارة تكون صدمتها في الخلف او الجوانب وتكون خفيفه

عشان تنباع لك بسرعه

والله يوفقك يا غالي ويفتحها عليك

نصيحه للك اذاتبغى تتكسب في السيارات المصدومه اشتر وبيع السيارات الي الناس ترغبها وتصلحها
واولها جيوب التايوتا فيها خير كثير اشتر وبيع وهي مصدومه  كوم حديد وارتاح الي يشتري قله مادري ابيعك كوم حديد وترتاح لايدخل بذمتك اي شي باذن الله

اماالتجاره في السيارات المصدومه ماتنفع ابدا بتاكلك تقعد تصلح تصلح ويمكن ماتزبط
حاله وحده اقوللك تاجربالسيارات المصدومه المصلحه اذاعندك ورش سمكره وتشليح وعمال بتعين خير 

التجارة بسيارات مصدومة فيها خير
بس مو بتصليحها ... التصليح يخسرك ما يكسبك
الا اذا بتصلح تلفيق وتجاري وغش وتدليس ممكن تكسب
لأن اي سيارة مصدومة بتصلحها أصلي وبذمه بتكلفك مبلغ وقدرة ولا جاء وقت البيع بسبب الصدمه سعرها بيكون أقل من اللي ما انصدمت ولو كانت حالتها تعبانه مقارنة بسيارتك

وعندك الباكستانيه بجدة والغربية عموما ترى طايحين تصليح وبيع طبعا كله تلقيق بتلفيق معروفين بالسوق
لكن بتستفيد من المصدوم شلحه
واحد من الشباب اعرفه شخصيا باع كامري مقلوبه لواحد بتشليح ب 16 الف
يقول جيته بعد اسبوع ادور مكينه لكامري واحد من خوياي خبطت مكينته
يقول باعلي مكينة سيارتي بتسعه الاف
عاد ذي المكينة بس ما بالك بالقير والظفيره والمقاعد والكومبريسر بيطلع قيمتها وزياده

متااااااااااااااااااااااابع 

انا شغال كذا 
بس اذا تبي مكاسب جامده لازم يكون عندك ورشه سمكرة وبويه 
انا عند ورش وتشليح وسطحه السياره الي ماتتصلح ابيعها تشليح والي تتصلح اصلحها وارميها بمعرض الوالد 
واي احد جاي يشتري اقله انها مسمكره ومرشوشه واعلمه بجودة القطع المركبه 
السيارات الي يمشي سوقها تويوتا بأنواعه بعض السيارات الفخمه مثل مرسيدس والهونداي بعضه
السيارات الي ماهي مرغوبه الي يطيح سعرها واجد الهوندا قطعها غاليه جدا 
طبعاً انا كل يوم اكون فاضي انزل الحجز والسيارات الي للبيع اشريها ولي معارفي فالمرور يمشون الوضع