أحوال الردود في منتدى حراج للسيارات

كلامك صحيح غير انه اصبح الناس متعصبين للسيارات نفس الكوره 
حتى بعد ماتشتري سياره ويشوفها معك يجيك ويقول ياخي انت غلطان تشتريها !!!!!!!
طيب ليه ماتقول الله يعيط خيرها ويكفيك شرها ليه الواحد يعيب ؟؟؟؟

صح كلامكـ أخي العزيز أصبح التعصب أعمى جداً

لك لايكـ عزيزي

بعض الاخوان مايحدد يجي ويقول ميزانيتي كذا وابي سيارة بالمواصفات كذا وكذا
طبيعي يصير الموضوع حوسه واقتراحات وتعصب

بعضهم يقول محتار بين سيارتين
هذا ما تقدر تقترح عليه سيارة خارج عن اختياراته لأنه محدد من الاول

المفروض الواحد قبل يستفسر يصير محدد له خيارين على الاقل ويصير داير في السوق وشايف ومصفي خياراته عشان ما يصير موضوعه سرد واقتراحات زايدة

يجي ويقول ابي هالسيارة بعد ما جربت وشفت

أما الي مايدري وش يشتري يوضح طبيعة استخدامه ومتطلباته عشان نقدر نفيده

فيه بعض المواضيع يجيك واحد يقول محتار بين ددسن وكرولا !!
يعني ما ادري وش اقول بس

^^^
هنا تكمن المشكلة عزيزي NAAC 2
الواحد يدعمر هنا ويحد خيارات كل خيار بعيد عن الثاني وليس له صلة بالاخر
الله المستعان اسعدني تواجدكـ

الواحد ياخذ ويعطي وصدقت بعضهم مايوضح لك تحس انك بعد ماتنزل الموضوع وتقرا تعليقات ودك تقول  اشوف لي شخص يملك نفس السياره واساله لن الناس اذواق وكل واحد يمشي على حسب مزاجه 

زي الي اشترا بانوراما وباعها واشترا النترا ويقعد يسب فيها  ومايمدحها طيب انت ركبت سياره فخمه ونزلت نفسك خلاص تحمل الي يجيك 

تصدق يابو يارا ان الموضوع بخاطري اليوم وفكرت انزل عنه .. لكنك سبقتني ماشاء الله عليك .. عالعموم انا بتكلم عن نقطتين اشوفها تتكرر بالمنتدى كثيرررر عند اي استفسار ينزل عن السيارات تقريبا 

1/ بعض الناس عنده عقده وتلقاه يكره شركه معينه بالكامل ؟ ومستحيل يعترف نهائيا ان هالشركه تنزل اي سياره ناجحه ؟ ولو تفكر انت فيها تلقى هالشركه ذي تنتج 10 سيارات عالاقل .. طيب بالعقل ممكن اصدق ان وحده او اثنتين من هالسيارات فاشله اما كلها مستححححححيل  

والمضحك المبكي تلقاه ماعمره جرب اي سياره من انتاج هالشركة نهائيا .. وجايك وآخذ مقلب بنفسه وكأن هالشركه تنزل كل سنه موديل جديد عشان تاخذ رايه ويحكم عليها بالفشل ؟ يابوي هالشركه مادرت عنك ولا عن مليون واحد مثلك 

2/ يجيك واحد منزل استفسار عن سيارتين ويبي مقارنه بينهم .. ماتدري الا وجايك واحد ومعلق ( اختر السيارة A ولاتاخذ السياره B لان الاولى يابانيه والثانيه كوريه ) شكرا لك يامحقق كونان على المعلومه الخطيرة بصراحه كنت احسب السيارتين تصنع ببنقلادش هههههههههههههههه

ياخي جب لي مقارنه زي الاوادم ؟ تكلم عن العزم + الراحة + الرساوة + صرفية البنزين + الوكيل + الصيانه + أسعار قطع الغيار + مواصفات الامان + السعر عند اعادة البيع + التحمل + الاعتمادية وغيرها الكثير .. اما سالفه كوري وياباني وامريكي وهندي واندونيسي وصيني هذا خلها لك 

ههههههههههههه 
صح كلامك كل واحد يدخل يفتي الا من رحم ربي 

عزيزي
انت طلبت استشارة وكل واحد يقول لك وجهة نظره مو شرط يتفق معك فيها
وانت لك الخيار الأولى والأخير
فيه ناس عندها خبرة وتقول رايها بكل صراحة
وفيه ناس مهايطية مايدري وش السالفة بس جاي يدردش هنا
وفيه ناس طايحة بنفس النوع من السيارة بس مو نظيفة وتاعبتهم وعشان كذا يقول لك تجربته
وفيه ناس تدعي لك وهذا الي قدرت عليه
وفيه ناس مالها شغل اصلا لا ترد ولا تنصح
والامر لك وأولا وأخيرا لا تعتمد على النت
رح للورش واسأل ميكانيكيا وناس مختصين بنفسك

صحيح 
خذ اقرب مثال. معني مااقد اشتريت كوري 
يجي واحد يستشير يقلولو يارجاااال سنتين ثلاث وتتفكفك 
معاكم من ناحية البودي ضعيف 
ليه يوم اسال اصحابها واشوف كيف كارفينها 
واشوف الممشى الجبار والعملية وماشتكو منها 
ونفس الشي مع تويوتا كلللللناااا عارفين التلفيق 
لكن مع ذا بعض اذا مااكان كل منافس لهونداي ونيسان
ومع ذا ناس تحط مبالغ هائلة فيه 
ومع كذا تسمع ناس ماستخدمت وتقلك ابعد عن تويوتا 
لانو سمع كم هائل وفعلا لاحضنا الجودة الي مش ولابد 
لكن ليه لمن نسأل اصحابها يقولو خدمتني 
الي بوصلو. الرد لازم يكون واضح 
يعني عندي قريبي معاه تيدا ٢٠١١ الدركسون متقشر 
مساعدات مفقعه 
العضلات مفكفكة 
حساس الجربكس خرب 
مكيف خرب 
التكاية اتشققت 
اصوات مزعجة 
واجهة مرتين وخلفية مرتين 
والخ مايذكرني 
ولاااي اهتمام 
طيب؟ ايش حيقلي بنفسو يقلي تعبانة التيدا تتفكفك 
واحد من العيال معاه ٢٠١٠ ماشتكى منها شي 
يعني مهم واحد يوضح ايش خلاه يمدح او يذم 
عندي واحد من اخوياي كان يدم ااكوري ويقول 
تعبان. والعام طلع سوناتا كرت 
وعندي قريبي نفس الشي ومن اسبوعين طلع النترا
يعني المسالة هي توضيح عشان نتثقف زيادة
وسامحوني لو ازعجت احد او ضايقتو ههههههه

سكودر

هههههههههه الله يرضى عليك
كلامكـ 100% سليم

ابو هيثم 7
انا أو أنت كلنا نريد الوصل لحل واحد في مثل هذه المواضيع
وأفضل الردود مثل ماذكرت أخوي ولك أفضل لايكـ

توسان 2011
شاكر لك مروركـ

نبيل 110
انا ماطلبت استشارة وانما كان الموضوع عن بعض مواضيع الاعضاء وكانت الردود خارج الموضوع فقط لاغير
ولكن ضع رد عن تجربة او عن طريق قريب او صاحب تكون بدراية بسواقته مو يجيك واحد لاعن اوم الشاص ومهربد ابوهـ ويقول لك ماينفع للمكدة والنقل .؟ هذا قصدي

ابو أماني
صح كلامكـ 100% رجل عن رجل تفرق في دعسة البنزين وانسان عن انسان يفرق في محافضته على السيارة
تجربتي للسيارات :
اثنين من اخواني كابرس 2006 موديل السنة خارج وكلها تمام والحمدالله
اخوي الثالث لومينا 2033 موديل السنة والحمدالله للأن معه
اخوي كبير العيلة على قولتهم يوكن 2009 وللحين معاه اخو الجديد مايفرق عنه شيء لو جاه شوي غبار على سقف السيارة انواع الغسيل والتمسيح وانا كل سنة بسيارة لاني ما اعرف احافظ على اي سيارة لا امريكي ولا كوري ولاياباني وكذا الاختلاف بين واحد وواحد في الاستخدام


فاللي ينصح عن تجربة يقول طريقته في استخدام الموتر

للجميع أحلى لايكـ لاثراء الموضوع بالردود والمناقشة

موضوع جميل والاسوا اللي يخش باحاديث جانبية مالها دخل بالموضوع زي لللي مين شاف ابو خليل ولا مدري مين تبيه دق عليه تسال عنه في موضوع ماله صلة ليييه ؟؟ احترمو صاحب الموضوع اللي تعب بتنزيل الافكار وترتيبها

^^
شاكر لك المرور

المشكله ان البعض يحدد المبلغ ويختار السيارتين ولكن مايحدد هدفه من استخدام السياره  هل هي سياره رسميه للمشاوير الطويله والسفريات او للاستخدام اليومي 
وهذ السبب بكثير من الردود اللي لاحظتها يكون التركيز على المبلغ على سبيل المثال يختار ازيرا وكادينزا والميزانيه حدود الميه  الرد بيكون انت صاحي تحط ميه بكوري خذلك مرسيدس مركب الشيوخ 
وهنا المشكله المرسيدس من افضل السيارات مافيه اختلاف لكن ماتنفع للاستخدام اليومي وسياره لازم تكون جنبها سياره تخدمها 
فما بالك يوم يكون طالب المشوره حاطلك خيارين مافيه مجال مقارنه بينهم مثل جيب وسياره سيدان 
والنقطه الاهم ان كثير من الردود واضح فيها التعصب لنوع معين 

^^
ششاكر لك الاضافة المميزة هنا
احلى لايك

يارجل ارحم نفسكـ اليوم جاي تحط ديس لايك لكل مواضيعي ههههههههههههههههههه على زق حبيبي انت والديس لايك