ادخلوو الله يجزاكم خير

يكلبشونك ويحذفونك ورا الحديد ولا يسألون عليـك تصـبر سنه ويفرجها الله .

بنسبه لسواقه عادي سق ومارس حياتك بس لاتبعد ويكون سواقتك قريبه من بيتكم يعني بحاره مقاضي 

والافضل تنتظر سنه علشان تطلع تصريح  الى سوق وتعلم مافيها شي علشان اذا انشاء الله اذا تعلمت وبعد سنه اختبرت يكون عندك خبره بسواقه 

ابد سلامتك مو صاير شي
كل ما انمسكت بتفتيش بيصقعك قسيمه عدم حمل رخصه
وبتتراكم عليك القسايم وبما انك للحين طالب ما راح تسدد وكلها بتصير على الحد الاعلى
وبالنهاية اذا جيت تشتري سيارة ولا تطلع جواز ولا تطلع رخصه تلقى القسايم ذي كلها بوجهك عتد حلها كيف بتسدد وقتها

عدم وجود رخصه 500 ريال عدم حمل 300 والله مامرست حياتي بسوواقه الی يوم توظفت كان وقتها عمر 21 وقتها نضجت قبلها كنت ماطلع من الحي اقضي اغراض البيت اصبر سنه تهون بذن الله خلك  حول الحي لاتبعد

انا عارف انه بيعطوني قسايم ف كل تفتيش بس قصدي لاسمح الله سويت حادث ايش العقاب ؟

العقاب بالخازوق تعرفه حق الدوله العثمانيه يصلبونك و.....






















امزح معك يارجل وش عقاب حسستني وين عايش لوصارحادث وتنازل الطرف الثاني تنتهي المشكله امالوماتنازل الله يعينك تصلح سيارته من جيبك بس وخلاص يارجال سوق ماعليك سقنا سيارات واعمارنا 14و 13 والحمدلله عمري 34سنه وماسويت حادث بفضل رب العالمين

ههههه طيب لو ماعندي ولا رياال طفراااان 

حسب ما صار مع ابني لو مثلا انت مواليد شهر 3 لازم يعدي 6 او 5 شهور عشان تكون 17 بالهجري

تروح التوقيف لين تدفع 

والله بلشه اجل بتسوق ومامعك رخصه وبتصدم سيارات خلق الله ومامعك فلوس لايرحم امك خللك بالبيت هههههههههههههههههههههه امزح معك

اجل اكتب ورقه وحطها بالقزاز الخلفي السائق تحت التدريب ومامعه رخصه ولاتامين ومطفر من الأخير ابعدو عني الله يجزاكم بالخير

و الله العظيم من طلعت الرخصه ما قد طلبوها مني لي سنه مطلعها ههههههههههههههههههههههههههههه اذا جيت تطلع من البيت توكل الله و ان شاء الله ما يصير لك الا كل خير

شوف اذا مشاويرك قريبه سوق عادي ولا تسوق الا وانت محتاج شغله مقاضي وكذا مب على الفره من حي الى حي لين تطيح بتفتيش 

اولا لو صار اللي صار حتى لو احد غلطان 
يكون الغلط عليك .. 
وترا رسوم التصريح اغلى من الرخصه 
اصبر ايش وراك الا لازم تسوق يعني ؟
واذا مره لازم خل مشاويرك مدرسه ومقاضي 

انت وين ساكن اذا وسط مدينة لاتسوق بدون رخصة وتأمين اما اذا في قرية والا حارة فاضية مافيها زحام سوق عادي

يالحبي سوق وعيش ﻻكن فيه امور لازم تلتزم فيها 
ﻻ تشبه نفسك 
وﻻ تسرع 
ةﻻ تفحط 
وخلق عاقل وخلي عقلك اكبر من سنك واركد 
طبعا اذا طبيت بتفتيش بيقلولك وين الرخصه قله ما معي بكل برود بيطلعلك ورقه ويسلخك والحوادث 
الكﻻم اللي كتبته لك فوق بيكون منجي لك بعد الله وخلك معا احد من اهلك (النساء) عساكر دولتنا يستوحوا يكلموك ومع اهلك 

يا حبيبي 

اذا مضطر تسوق عشان اهلك سق عادي بس شرط موترك مهب شبهه ولا انت بعد يعني لا اقبلت على تفتيش اربط الحزام وتسذا 

وما قلت لنا تسان مطول وتصير 17 لا تسوق واذا شهر شهرين ثلاثةة شهور سق لمين تصير 17

بالنسبةة للمخالفات فيه شي 300 وشي 500 

ونصيحةة ابيك تقوله للي يمسكك 

انا من اهل بريدة اول ما عطان ابوي سيارة صرت اضلل واهجول وحالي حالة وصرت اخذ مخالفتين وحده ضليل والرخصة 
لمين جمعت حول 11000 ريال مخالفات 
ولا قدرت اسدد لان الوالد توفى وتمرمطت لمين قدر ادبرهن وعقبه حرمت اضلل واعتدلت بسواقتي والتفاتيش يشوفونن صغير يوقفونن واعلمهم بحالي ووضعي واني مضطر عشان اهلي 

لكن وانا اخوك نصيحتي انك تعدل سواقك واذا مسك عسكري قله ان ابوك بمكة وانت هنا ما عند اهلك احد الا انت وتقدر مثلا تقول للعسكري اذا مسكك يكلم ابوك ويفهمه السالفة 


بالنسبة للحجز ادخل موقع وزارة الداخلية وشف المخالفات الي يلزم الحجز له مثل قطع اشارة ولا عكس سير ولا تضليل القزازة الاماميةة

اتمنى اني خدمتكك  

اخ صالح باسنبل الحمدلله مني حق تفحيط وسرعة وهجولة ولله الحمد ولا اشوف اصلا في فايدة ف التضليل (:
اخ ابو خالد القصيم شكرا لك ع نصايحك واسال الله ان يرحم والدك  ان يرحم جميع اهالي المسلمين 
ولله الحمد ماحب اصلا اقطع اشارة وانا ماراح اسوق ف شوارع عامة لين مايختبرني قريبي ويقولي سواقتك ممتازة مليون ١٠٠٪
وانا الصراحة بدون ماحد يزعل مني اشوف الهجولة مالها اي دااعي تتحمس تاخذ عيال وبعدين تسرع ولا سمح الله يصير حادث تروح شربة !

انا ابا اسوق عشان فقط اقضي مشاويري المهمة واستخدم السيارة وسيلة عشان تنقلني فقطط مابا 
تفحيط وسرعة وتضليل وقطع اشارات !!! نسال الله الهداية