قصتي مع مكتب التأجير

السيارة وكال وانت اول مستخدم يعني 250 اشوفها حلوه <وجههة نظري
وبالنسبة للعداد ما تقدر تعرف حسب علمي لكن تقدر تحكم عليها من النظافة

تعديل : وكالة

اذا انت اول مستخدم فـ 250 مكسب لك لانها احتمال تكلف اكثر وخصوصا انها جديده

السيره المغير عدادها ما تعرف الا باستهلاك قطعها وخصوا القديمه ما فيها كمبيوتر يحسب

+1 لايك للجميع

اذا الكابرس نظيف وكلش شغال فيه وكويس خذه بس اهتم فيه حبتين  موقف ان شاءالله 

يا اخوان الحكة حجمها ثلاث اصابع فقط ولون السيارة بين الازرق والابيض 

اخوي انا انصحك انت والشباب وخصوصا مكاتب التاجير ياشباب المكاتب كلاب اكرمكم الله يعطيك تامين ضد الغير ( اتكلم على المحلات العادية وليس الشركات المعروفة ) ولو سالته ابغى شامل تتفاجئ الفرق 10 او 15 ريال !!!! واللي يبي يتاكد يروح المطار ويسال مكاتب التاجير مايتكلمون عشان لو صدمت تدفع كل شي انت تصليح احذروووو ياجماعة الخير 

بالنسبة لك عزيزي زين 250 السيارات الصغيرة ان انفكت كلبساتها ووزنية صدامها عليها السلااااااام واسال مجرب معاي اكسنت 2013 ماعاد يرجع الصدام وزنية بلاده ابد 

الكلبسات موجودة وراكبة لكن الصدام يبغاله وزنيه فقط وش رايك ؟

الاهم اذا بغيت تستاجر ثاني مرة لاتاخذ وكالة واصفار 
كلها كم يوم ومرجعها .. 
خذ نظيفة ومحكوكة من كل جهة

اللحين المكتب اخذ الفلوس وسلمت السياره وخلاص وش له داعي تنزل موضوع

بالنسبة للكابرس سواء ماشي 180 صحيح او ملعوب فيه عليك من نظافة السياره
سياره بالموديل القديم هذا ركز بالنظافه ويستاهل او لا ما عليك من العداد ما بيفيدك بشيء

معقول 250 ريال ....والعوض من الله
فيصل فهد واضح انه خبير تأجير واعطاك الزبدة ههه
إذا تبي تستاجر أخذ وحدة حالتها وسط ههههه عشان أي دقشة ما حد يدقق
عوافي ...

كان صلحة السياره قبل ورقعتها قبل ماتوديها
والشي الثاني باين انهم نصابين بدليل انه نقص نص قيمة التعويض فهذا يعني انهم جالسين يتلاعبون

بخصوص الكابريس التسعاوي لاتهتم فالعداد حقه لان مديله
اهم  محركات نظيفه وبعدها اشتر وامش فالشارع وبترتاح من المتهورين لانه محد يفكر يسقط عليك ولا يعابط معك سياراتهم كلها بلاستك
وانا بعد افكر في كابرس قديم بخليه داخل المدينه وافتك منهم اللي بيخش فيني حياه الله

بالنسبة للمبلغ 250 ممتاز لو كان بيصلحها 

لكن أنا متأكد 100% أنه راح يحطها في جيبه لأن الحكة بسيطة على كلامك 3 أصابع والدليل على ذلك أنه نزلك من 500 إلى 250 ؟؟؟

لكن صدقني لو نشبلك إلا تصلحها فتراها راح تكلف أكثر لأن الصدام كذا ولا كذا كله كلبسات لازم يتغير كامل واللون لازم يرش فرن من جديد 

وتدخل في دوامة جديدة 

عموماً زين سويت 250 حلوة جداً ..


(لإثبات كلامي مر على المكتب بعد فترة وشف السيارة أتحداك لو صلحها)

250 دفاعة بلا عنك ان شاء الله ، انا من ناحيتي اشوفها زين صحيح انك تقول ان الحكة ثلاث اصابع والصدام يبي له وزن لكن لاتنسى انها 2015 وانت اول مستخدم لها ولو بيجيبها بالقانون بيطالبونك برش صدام وكلبسات كاملة غير شغل يد الورشة

ف قل الحمدلله على كل حال

بالنسبة للكابرس مستحيل بتعرف ممشاه الحقيقة بالظبط ، لكن افحص مكينته وقيره اذا هي نظيفة ولا فيه تنقيص ولا تهريب ترى مايضره الممشى اهم شي النظافة معنا واحد اذا ماخاب ضني انها الحين صفق المليون بدون مبالغة له 21 سنة معنا وموديله 85 بس مشكلة عداد عشانه امريكي انه يجي 99 الف كيلو متر مربع او شي زي كذا ويقلب يعني ماندري كم قلب من مررة هههههههههههههههههههههههههههههههه


ولين الحين ماشاء الله تبارك الله لو تبي حائل وداك مكينته لاتدخن ولا شي ولا ينقص حتى بس مشكلته بوكس مهب سيدان

تقبل مروري