شاركنا تجربتك فالسفر بالنقل الجماعي

انا سافرت أكثر من مره .
من ناحية الباص :
التكييف : ممتاز جداً
الراحة : جيد جداً 
دورة مياه موجودة أكرمكم الله 
في الليل انوار جميله تعطيك اجواء .
ومن اهم الاشياء يصير معك خوي للرحلة . 
اتمنى لكم ايام حلوة بطاعة الله 

بالنسبة لي سافرت اكثر من 20 مرة بالنقل الجماعي وانطباعي بشكل عام سيئ 
احد المرات كنت راكب الباص من القصيم للرياض وكان يمر ساجر وشقراء والباص متهالك وقديم لدرجة
انه ارضية الباص او الصاجة المستطيلة الطويلة الي بين المقاعد منفكة ومع الهواء ترتفع شوي واشوف الزفلت ؟؟؟؟

غالبا الرحلات بين المدن الكبيرة يكون الباص فخم وحديث أما الي يمر القرى يكون قديم ومتهالك

وأكبر عيب في النقل الجماعي كثرة الوقفات في المحطات وكل وقفة ساعه او اكثر 
والعيب الثاني السرعه معقول باص يمشي 80 او 100 شيئ لا يطاق وأذكر باصات حملات العمرة من الدمام لين مكة ما ينزل عن ال150 



أفضل شيئ جربتة خدمة VIB  من النقل الجماعي وحسب علمي فقط بين الرياض والشرقية والشرقية والبحرين 
طبعا مكتبهم بشارع العليا بعد مكتبة جرير ب200 متر على اليمين 
المبلغ 110 (العادي 60 ريال) 
فكرتة انه ما يوقف ابدا في محطة ويعطلك يكون معبي ديزل وخالص ومتوفر فيه دورة مياة نظيفة 
وتصميم الباص من الداخل فخم والكراسي مب متوازية زي الباصات العادية الكرسيين الي جنبك
يكون يا مقدم او متأخر عنك 30 سم علشان الخصوصية
 والركاب جدا قليل وفيه عدد ثلاث أشخاص لخدمة الركاب 
ومتوفر وجبات وشاهي وقهوة ونسكافية وفاكهه وكل ما تبي طوال فترة الرحلة بدون رسوم 
والي شغالين فيه جدا محترمين وخلوقين 
وهذي أفضل تجربة للنقل الجماعي