اقساط هونداي و جيلي

الجيلي ليست عملية
الجيلي رخيصة

الاكسنت والالنترا ممتازة جداً واثبتت جدارتها بالسوق المحلي والعالمي 

وانا جربت الالنترا بخط سفر واعجبت فيها كثير خاصتا ميزة eco  اللي يطلع بالطببون وهو ميزة توفير الرقود بالخطوط الطويله 

 طبعا كسيارة اقتصاديه لاتبحث عن الراحه والفخامه الا بالمعقول وعلى قد قيمتها 

الجيلي ماجربتها لكن اللي جربوها مدحوها كثير 

ههههههههه اي والله صدقت مالنا ومال الفشخره الله يخلي لي لومينا احس انها اليخت بنظري  وانصحك بالاكسنت بتوفيق  

معي فورد قروشني
و لي سنه كل يوم اقول بطلع موتر
بس الاكسنتت مره موب عاجبتني
و النترا سياحي مدري احصل قصد
بسيطط و لا لا

لاتقرب الجلي نصيحه

شووووووووف الاكسنت افضل عمليه وممتازه وقطع غيار رخيصه ومعروفه وبالبيع ماتبلش فيها انحش عن الجلي سياره مشبوهه

مايبي لها يا الغالي اكيد الهونداي سواءن اكسنت او الالنترا افضل انا بقول لك ومن واقع تجربة وكلام واقعي مهب تجارب وتخيلات

1- اولا ان الهونداي او الاكسنت قطعها متوفرة في كل مكان ، بعكس الجيلي اللي اغلب قطعها ماتحصلها الا في الوكالة نفسها يعني خوينا كان يمتلك 2012 جيلي ec7 اظاهر مدري وش اسمها الصغيرة اللي تجي هاتش باك جاء بيغير الفحمات ماحصل وراح للوكالة وطلبوها وجلست يومين واقفه عندهم ولا سوو اي شي وكلها فحمات

2- ان موتره بعناه قبل ثلاث شهور طبعا بعد ماطفش الاشكاليات اللي طلعت له وهي مامشت الا 30 الف اولا الموتر نفضته واضحه يعني كراسي المكينة او عزل المكينة تعبان مررة من طلعها وكالة وانا اركب معه ماتحس انها مثل الاكسنت والسيارات هذي صحيح ان فئتها عايدي لكن بصراحة تنفض بشكل ملحوظ وتحس المكينة تشتغل تحتك بدون مبالغة وايضا بايعينها مامشت الا 30 الف وفيها تهريب في صدر المكينة بتقول لي يمكن خويك ماجنها ولا مايحافظ اقول لك خويي ان تعدا 80 الزين لانها يالله تمشي وهو مايعرف يسوق مررة ودايم مهدي

وثانيا مع احترامي انا جربتها سيئة جدا حتى وانت داعس لها تحن وقيرها cvt يعني تخوف بصراحة وماتحس انها اعتمادية مثل الاكسنت

3- ان ديكورتها بصراحة مستخدمين اقل الانواع عشان تطلع بأقل الاسعار وفوق كذا سعرها حول الاكسنت يعني ديكورها سيئة ماتحس انهم مشتغلين عليه او من نوعية اقل شي متوسطة

هذي من ناحية تجربتي للجيلي ، انا ما اقول اني ضدها بالعكس انا امنيتي انها تشتغل على نفسها هالشركة وتبدأ تنافس مثل ما الهونداي الآن دخل المنافسة وبقوة والجيلي جاي دوره لكن بعد فترات وبيضرب السوق


تقبل مروري

لاهنتو ي شبابب

والله حتى انا اقول كذا مدام الجلي قسطها
قريب من الاكسنت فخذ الاكسنت وضعك في السليم
وسياره ثقه 

لكن يربع ما اقدر اطلع النترا اقساط
اقل من الف ؟
سياحي اقل فئه موبب مشكله