أضف سؤال أو موضوع جديد          

صدق المثل ارضى بقردك ليجيك اقرد منه ادخل

up 6 down 3
tareq_talli1 1504
قبل 3 سنه و 2 شهر



السلام عليكم يا اخوان

اليوم الصباح كنت مبسوط ومروق وقلت خلني اسوي صيانه لسيارتي الافيو لاني من يوم شريتها ما صلحت شي فيها

مريت ام الحمام بالرياض ومريت محل قطع وشريت ما يلي
£صفاية بنزين
£بواجي
£فلتر هوا
£صوف عكوس
 ومريت لورشة وركبت القطع ونظفلي البوابة( الثروتل) وغير كل القطع قدامي

وانا راجع للبيت صرت اذا شلت رجلي عن البنزين تطفا السيارة! حتى لو ماسك خط

يعني سبحان الله اسويلها صيانه تقوم تخرب وتتدلع!

اللي عنده حل او يعرف المشكلة يفيدني علما اني رجعت فلتر الاول ولا استفدت شي

صدق المثل ارضى بقردك ليجيك اقرد منه


اخوكم طارق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المشكلة بالثروتل ومنظم الهواء ومشكلة بسيطه ان شاء الله


up 3 down 0
محمد فورد 508
قبل 3 سنه و 2 شهر



هههههههههههه

بعض الجروح اذا حركتها تكبر.



up 19 down 0
العمري عبدالمحسن 238
قبل 3 سنه و 2 شهر



عند تنظيف البوابة فصلت البطارية ام لا .. اذا ما فصلت البطارية احتمال كبير السبب منها تكون برمجة الكمبيوتر حصل فيها لخبطة ،، أو استخدم منظف غير متوافق مع حساسات البوابة وتضررت الحساسات ،، كل شكوكي تدور حول البوابة راجع شيك عليها ،، لان كل القطع الاخرى اللي قلتها قطع استهلاكية ولا تسبب المشاكل اللي ذكرتها


up 3 down 0
king.king 772
قبل 3 سنه و 2 شهر



بالعكس الاكسنت والافيو والياريس والسيارات الصغيره لو تغير زيت تشوف فيها فرق للافضل
بالغالب المشكله من شغل الفني ما ضبطه ارجعله وخليه يعدل شغله


up 1 down 0
als7aimy 1158
قبل 3 سنه و 2 شهر



انا اتوقع من الثروتل اذا نظفه وهو بسياره مافكه ارجعله وخله يفكه وينظفه وبعدين يركبه هذا توقعي 


up 3 down 1
شفر-وبس 26
قبل 3 سنه و 2 شهر



شغلتك بسيطه جدا 
علي وصفك السياره تطفي
اولا افتح الكبوت شاهد علي يسارك بزاويه خرطوش اسود موصل بين الفلتر و  البوابة الدعسه
خلف الخرطوش يوجود سلك كهرب المكانيكي اكيد ماركبه او مفصول شيك عليه هذا منظم الهواء الداخل للثلاجه
هذا يسبب طفيه السياره وتختلف الدعسه وتسبب كتمه 
.
.


http://store1.up-00.com/Jul10/FKY53288.bmp



.


up 7 down 1
ماجد المطلق 10585
قبل 3 سنه و 2 شهر



حياكم الله يا اخوان،،،،فيش الايرماس راكب كويس

الثروتل بخ فيه بخة صغيرة جدا ،،،،مريت احد الورش اللي اثق فيها وقالي هذا شي عادي،،،امشي عليها فترة وبتضبط الامور،،،هل كلامه صحيح ولا قاعد يصرفني؟


up 0 down 1
tareq_talli1 1504
قبل 3 سنه و 2 شهر



اذا راكب ممتاز عبي بنزين وامسك خط بمسافه 80 كيلو رايح وجاي
حتي الماده المنظف تروح ويصفي الماكينه او استخدمها 4 ايام داخل المدينه باذن الله تروح
والافضل امسك خط دعسه واحد ثبت الموتر علي 120


up 0 down 1
ماجد المطلق 10585
قبل 3 سنه و 2 شهر



لمبة الشيك انجن شغاله عندك او لا ؟


up 1 down 1
cap2001ss 3
قبل 3 سنه و 2 شهر



هذه برمجه السياره
وكلام الميكانيكي صحيح. السياره جالسه تبرمج نفسها ومع الاستخدام ترجع طبيعي او اتركها شغاله لفتره طويله 


up 0 down 1
majed112345 856
قبل 3 سنه و 2 شهر



ياغالي سألتك بالله 
وش جنسية اللي سوالك الشغل

و في ذمتي لا اقولك سبب الخراب الصحيح لما تجاوبني


up 2 down 1
as187 -25
قبل 3 سنه و 2 شهر



وعليكم السلام ...
ياخي يوم السيارة الحمدلله ماشية معاك تمام و ما فيها شي ليه تروح تخترع اشياء و تخسر نفسك فلوس ؟
هذا درس لك لا تغير شي الا لمن يطلع لك منه صوت او تلاحظ انه لازم يتيغر....

و موفق ان شاء الله


up 1 down 0
the son of the kingdom 912
قبل 3 سنه و 2 شهر



بالنسبة لتجربتي في هالخصوص
دائماً عند تنظيف الثروتل افصل البطارية 
لان بعد التنظيف الريس الطبيعي يرتفع فوق الطبيعي ويظل معلق فوق فصل البطارية يعيد البرمجة
لاني اول كنت غشيم للامانة ونظفت الثروتل والعامل قالي ترى بيرتفع الريس يومين وينزل وطلع للاسف سبيكة ولازم يفصل البطارية قبل يشتغل (: 
لكن يلا كل دقه بتعليمه

موفق


up 1 down 0
fx2y -182
قبل 3 سنه و 2 شهر



العمري مثالك اليييييييم :) ههههههههههههه


up 1 down 0
YASSER505 4155
قبل 3 سنه و 2 شهر



اتوقع تحتاج برمجه  لنه نظف لك ثروتيل ومافصل بطاريه 


up 0 down 2
سكودر 14870
قبل 3 سنه و 2 شهر



مشكورين يا اخوان،،،،ابشركم مشيت ١٥٠ كيلو واختفت المشكلة،،،ان شاء الله بسيطة

اخوي مطلق ودي اثبت السرعه بس ماعندي مثبت ههههههه


up 1 down 0
tareq_talli1 1504
قبل 3 سنه و 2 شهر