أضف سؤال أو موضوع جديد          

عروض الوكالات وبيجو 508

up 2 down 1
theadaaq 287
قبل 7 سنه و 5 شهر



السلام عليكم ورحمة الله وبركاته

اخواني بغيت اسال هل فيه عروض نهاية العام عند وكالات السيارات؟

اذا ايه.. متى تبدأ؟ ووين القى الاعلانات؟

السؤال الثاني

ادور عن سيارة بحدود ال90 وتحت

وعجبتني البيجو 508 وش رايكم فيها؟

شكرا للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السيارات الاوربية عامة راسية في الخط و مواصفاتها جبارة لكن عندنا مظلومة والناس ما ترغبها.. اذا تبيها للاستخدام طويل الاجل انصحك فيها وبشدة لكن اذا بتستخدم وتبيع ما انصحك لانو سعرها يطيح ودام انها جديدة ما اعتقد تواجهك مشكلة في قطع الغيار او الصيانة لانها بتكون على الضمان مع العلم انو قطعها خارج الوكالة نادرة وقليل من الميكانيكية من يفهم فيها.. لازم تحط في بالك هذي الاشياء قبل تشتريها.. 


up 5 down 0
king.king 833
قبل 7 سنه و 5 شهر



ايه استخدام طويل الاجل ان شاء الله

وردك كافي ووافي تسلم

طيب اخوي وش فيه سيارات من نفس فخامتها والسعر اذا ما عليك امر؟


up 0 down 0
theadaaq 287
قبل 7 سنه و 5 شهر



البيجو يبيلها رجال "قاضوبة"

بمعنى يشتريها جديدة ويعض عليها خمس أو ست سنين ويبيعها ولا يسأل عن خسارته 
باختصار سيارة غثيثة بيعتها وزبونها قليل جدا 

يعني حط في بالك متى ما احتديت تبيع لأي سبب كان بتتبهذل في بيعتها

لكنها سيارة خدومة وكل الاوروبي ممتاز بس يعيبه نقطة اعادة البيع سيئة جدا جدا في هالناحية عندنا 

اذا ما تهتم لهالنقطة توكل على الله 


up 2 down 0
naac 2 2722
قبل 7 سنه و 5 شهر



لا ناوي ابيعها بعد اكثر من 6 سنوات باذن الله


up 0 down 0
theadaaq 287
قبل 7 سنه و 5 شهر



سيارات بيجو سيارات ممتازه واعتماديه وقيادتها ممتعه لكن يعيب عليها بصفه عامه ضعف المحركات ومشاكل الجيربوكس والكهرباء ووعدم توفر قطع غيارها بسهوله وصيانتها صعبه وماتلقى مراكز صيانه او ورش تفهم في صيانتها 

 كما ان رينو الفرنسيه اثبتت فشلها   في تسارعها البطيئ وعزمها الضعيف مع العلم انها v6 

عندك خيارات متعدده غير بيجو  زي سوبارو ليجاسي مازدا 6  نيسان التيما تويوتا كامري 


up 1 down 2
سكودر 14928
قبل 7 سنه و 5 شهر



ياهلا بالجميع علي طاري ال رينو واحد من جيراني شرا وحده وكاله اخذت معه تقريبا ست شهور وشغت السياره واقفه لها أكثر من شهر حبيت أسأله عن سيارته ليش واقفه كل هالمده بحكم الميانه الي بيننا وجيران 15 سنه عادي يعني 
قالي انا شريت السياره وغلطت عمري شريتها بلشت بصيانتها ولا أحد يعرف لها حتي لو أحد يعرف لها بياخذ مبلغ جامد لأن نادر الي يشتغلونها وكلتش السياره خرب لأنها قير عادي وطلبت من الوكالة ولي أكثر من شهر احتري قطعه للكلتش 
نصيحه أبعد عن السيارات هذي لانها بجد نكبه بالقطع 
عندك خيارات ثاني ونفس حجمها عندك كامري عند سوناتا عندك ازيرا أوبتيما أبعد عن ال مكسيما والاتيما عندك التورس انا مجربه سياره بجد بالخطوط ماتحس فيها عندك الجمس تاهو موديل 2012 علي 90 و 95 أسعارها 
ارشح لك الازيرا سياره حلوه صراحه انا مجرب الازيرا 2012 طلعت من جده ولا وقفت إلا بالرياض امشي 200 طول الخط مالقيت عليها أي ملاحظات والتورس من الرياض لين دبي امشي 160 لين 180 مالقيت عليها أي ملاحظات غير النور بس والله يسهل أمورك يارب ولا تنسى صلاة الاستخارة وبتوفيق يارب


up 1 down 0
تركي بن خلف -58
قبل 7 سنه و 5 شهر



الرينو بعد التدقيق فيها طلعت محركات نيسان ووضعها ملخبط شوي

البيجو كان مع ولد عمي بصراحه موتر كفو واقتصادي بشكل رهيب
اذا تضمن الوكيل فالقطع والصيانه خذه


نصيحة أخ أبععععد عنها 

خذ بال90 هوندا أكورد أي فئة والله سيارة عملييية جدا وقطعها الميكانيكية متوسطة لكن قطع البودي مرتفعة حالها حال التويوتا اﻵن كلها مرتفعة 
لكن وكيل هوندا أفضل من بيجو 


up 0 down 2
أبو أحمد 1300 133
قبل 7 سنه و 5 شهر



بصراحه سياره عزمها ضعيف وفي نوع منها مافيه تيربو اول مره أشوف سياره بحجمها من غير تيربو


up 0 down 1
احمد محارب -1
قبل 7 سنه و 5 شهر