أضف سؤال أو موضوع جديد          

لكل شخص اطارات سياته تحبل او الجنط ينعفط بشكل مستمر الحل هنا

up 7 down 6
mrx15 237
قبل 6 سنه و 3 شهر



الاخوه الافاضل
هي معلومه مهمه لكل من يستبدل اطارات او جنوط السياره العاديه الى جنوط اكبر حجم وبالتالي تغير الاطارات من ارتفاع مقاس اكثر من 50 الى ارتفاع اقل من 50 المشاكل التي تواجه صاحب هذا النوع من التعديل هي
تحبيل الكفر او عفط في الجنط مع الحفر 
السبب ضغط الهواء الي يستخدمه 35 حتى الوكاله تحطه 35 وهذا خطاء
الاطارات المنخفضه التي تسمى رياضيه او للجنوط الكبيره 22 مثلا للسيارات الكبيره وهي التي يكون الارتفاع فيها 50 او 45 او 40 او 35 او 30 هذي الاطارات يجب رفع ضغط الهواء فيها ولكن ماهو المقاس المناسب
اي اطار تشتريه مكتوب عليه اعلى ضغط تحمل على نفس الكفر MAX 52 مثلا وهذا يعني اعلى ضغط يتحمله الكفر في درجه البروده وليس بعد الاستخدام هي 52 
ايضا يجي على ابواب السياره بالعاده الضغط المناسب مع كفرات الوكاله الاصليه مثلا 35 او 38 الكفرات العاديه 
تجمع الرقمين هذي والنتجيه تقسمها على 2 ويطلع لك الضغط المناسب الي لازم تضبط اطارات سيارتك عليه في الصباح 

مثال

الي مكتوب على الكفر مثلا Max 52
تجمعه مع 
الي يجي مكتوب على باب السياره مثلا 38
وتقسمه على 2
الناتج هو ضغط الكفر الي لازم تحطه لسيارتك يعني 

52+38 = 90
90 ÷ 2 = 45

يعني ضغط الكفر في هذي الحاله فقط 45 مثلا كل سياره لها ضغط مختلف وكل كفر له ضغط مختلف
بعد ما ترفع ضغط الهواء راح تشوف فرق في الرساوه وخف الازعاج وايضا التضرر من الحفر وراح يختفي التحبيل معك ان شاء الله 


المعلومات هذي وجدتها بعد بحث مطول على المواقع الاجنبيه وايضا من وكيل تويو في مخرج 17 حيث اني خذيت كفرات من عندهم وحبلت وبعدين وضح لي الفلبيني الي شغال عندهم السبب 

احببنا افاده الجميع 

شكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاااك الله خيير وجعلها بموازين حسناتك

صحيح الكفر اذا كان حار يتوزع الهواء بشكل اكثر قبل فتره كنت بسافر المهم اول ماشغلت السيارة شيكت على الهواء بالشاشة حصلته مكتوب ٢٣٠ كل الكفرات استغبرت انها ناقصه شوي اخبرها ٢٥٠ المهم مشيت قبل المحطة قلت بعبي السيارة عواء واناظر الا هي ٢٥٠ ؟ وانا اخليهن المهم بالخط ومع السرعه وصل ضغط الهواء ٢٩٠ 

طبعا هواء الكفرات كلهن ٣٣ لكن شاشة السيارة تستخدم معيار ثاني وللحين ماني فاهم ولاعرفت وشو ههههههه


up 0 down 0
أبو ناصر 61
قبل 6 سنه و 3 شهر



سيارتك امريكي والضغط الي تشوفه هذا اسمه KPA يستخدمونه الامريكان الي هو 241 يعني 35 تقريبا له اله حاسبه تحسبه

ضغطنا الي نستخدمه اسمه PSI الي هو 35 مثلا 

مع بدايه تحرك السياره وارتفاع الحراره تزيد حراره الهواء داخل الاطار وبالتالي يزيد الضغط داخل الاطار علشان كذا احسن وقت للتعبيه الصباح بدري والسياره واقفه والكفرات بارده

شف هذي الاله تعطيك الحسبه حط الرقم الي تبيه 35 مثلا وتعطيك الرقم الي يطلع لك في الشاشه

http://www.asknumbers.com/psi-to-kilopascal.aspx




up 4 down 0
mrx15 237
قبل 6 سنه و 3 شهر



صحيح
كلامك
من
يوم
مصرت
اعبي
الهواء
40
انتهت
المشكله
عندي


up 2 down 1
العمري للعقارآت 352
قبل 6 سنه و 3 شهر



معليش ياشباب المسافه خربت في الرد الاول 


up 2 down 0
العمري للعقارآت 352
قبل 6 سنه و 3 شهر



كلامك صحيح بس انا رجال بغير كفرات سيارتي مو معقوله بحط ضغط الكفر 45 او 50 على مااضن انت عارف شوارعنا الباريسيه وش تسوي في السياره ترج السياره وترج السيارات الي جنبها رج 


up 1 down 1
سكودر 14929
قبل 6 سنه و 3 شهر



صح المفروض تظل على الكفرات العاديه مو النحيفه علشان تفتك من هذي المشكله

هذي المشكله للي عندهم كفرات نحيفه اصلا من الوكاله مثل الماكسيما واللكزس والبي ام والمرسيدس و الكدلك والازيرا الي تجي كفرات نحيفه من الوكاله وبعد فتره بسيطه تندمر بهذا السبب

لان اصحاب هذي الكفرات اذا رفع الضغط خفت عنده الرجه والاحساس بالحفر والمطبات 


up 1 down 0
mrx15 237
قبل 6 سنه و 3 شهر



مااعتقد ان هل الكلام منطقي ولوزدت بالهواء بيطلع الكفر محجر هواء 

ويمكن مع ادنى ضربه يعدم لك الموتر من تحت ولاتنسى بيصير الموتر قاسي بالمطبات 

خلنا نحلل الموضوع دايم اشبه السياره بالانسان 

تخيل انت تركض وقدامك حفره ولاانتبهت لها وطحت فيها هل تتاثر رجلك ام لا 

السياره مثل كذا 

صانعي السيارات يصممون كفرات مناسبه لبلدانهم لان ماعندهم حفر وجفر 

لان اي حفره عندهم يعالجوها على طول ويعوضون صاحب السياره لو حصل 

وطاح بحفره يحاسبون الشركه المصلحه للشارع 

اما عندنا الشارع بنفسه يرقل تلقى الشارع مزفلت وتلقى الزفلته اعلى من مساواة الشارع

الموضوع هذا مطول ولاكن للاختصار دامك عايش بالسعوديه 

مايعيش الاالجيوب والونيتات وارتاح من التحبيل 




up 3 down 1
amear 1347
قبل 6 سنه و 3 شهر



كلامك صحيح اخ amear 
لكن هذا ماله دخل في الموضوع الي انا كاتبه 


up 1 down 0
mrx15 237
قبل 6 سنه و 3 شهر



هذي المشكله لاكن تفهم مين ؟؟؟؟
اقول لااكثر من شخص 35 ماينفع يقول انت ماتفهم شئ مالي ومال وجع الراس في حريقه انت وكفراتك .


up 0 down 0
Abu Tariq 16 1086
قبل 6 سنه و 3 شهر



جنط 15 كم اعبيه 


up 0 down 0
almartki 251
قبل 6 سنه و 3 شهر



كفرات سيارتي 225 - 50 - 17
وضغط الاطار التي تنصح به الشركة الصانعة هو 32 ( مكتوب على الباب )


up 1 down 2
سلطان4040 1237
قبل 6 سنه و 3 شهر



انا عندي 15 الجنط مخليها 25 ولا احلى مع شوارعنا المكسره ومره خليتها 35 حسيت الديكور بيطيح ونقصته وبالعقل خلني اخسر كفرات ولا اخسر سياره 


up 2 down 1
ابو راكان 2002 280
قبل 6 سنه و 3 شهر



لو كلامك صحيح جزاك الله خير , جربت انواع من الكفرات عن طريق الوكيل الى درجة كرهت السيارة

جربت يوكوهاما , دانلوب , تويو , هانوك انواع التحبيل بذات الكفرات الامامية تعبت من جد

مقاس الكفرات 225/45/18 ,, راح اجرب نصيحتك و ان شاءلله تفيد

من يومي وانا احط هواء الكفرات 30..32 حسب معلومات الباب ولاكن سويت طريقتك وطلع معاي 41 وراح ازبطها وارجع للموضوع بعد تجربة وشكرا لك


up 1 down 1
blackmatel 57
قبل 6 سنه و 3 شهر



اخوي سلطان وش الماكس علا الكفر طيب علشان اقول لك كم تحط الضغط

الاخ بلاك متل اذا كفراتك مابعد حبلت راح تنفع معك انشاءالله اما كانها حبلت ماراح تنفع الطريقه تمنع التحبيل قبل يصير


up 1 down 0
mrx15 237
قبل 6 سنه و 3 شهر



جنط 15 بالعاده مايحتاج لهالنصيحه يعني هو المقاس الستاندرد جنط 15



up 0 down 0
mrx15 237
قبل 6 سنه و 3 شهر



حطيت الهواء 41 تقريبا..للاسف حسيت السيارة بتتفجر على عيون البس !! جدا قاسيه والدركسون سار ثقيل شوي و عزم السياره تغير

حتى شكل الكفرات تنفخ !! للعلم المقياس تبعي مو تبع البنشري يعني تمام القياس..راح ارجع ل32 افضل


up 1 down 0
blackmatel 57
قبل 6 سنه و 3 شهر



MAX PRESS  KPA 350 - PSI 51 

مقاس الكفر 225 - 50 - 17

ميشلان انيرجي تايلندي

ضغط الهواء مخليه 32 حسب المكتوب على الباب
صار لي على نفس الكفرات سنتين ونصف وبالكيلو 130 الف والحمد لله ماحبلت الكفرات ولاجاها اي شيء ولازالت بحالة 
احسن من الجيدة



up 0 down 0
سلطان4040 1237
قبل 6 سنه و 3 شهر



يا اخوان الي ماعنده مشكله تحبيل الكفرات ولا الجنط ينعفط لا يعدل شي يقعد على ماهو عليه لا يغير شي اما الي عندهم المشكله يبدون يعدلون ضغط الهواء 

شوفو هذا المقطع للتوضيح

http://www.youtube.com/watch?v=WHOEmti4ejs


up 0 down 0
mrx15 237
قبل 6 سنه و 3 شهر



الله يوفقك  اخوي  وجزاك الله خير


up 0 down 0
ابومحمد عثمان 9
قبل 6 سنه و 3 شهر