أضف سؤال أو موضوع جديد          

هل التفويض لازم في التأمين ؟

up 2 down 0
fares1000 3
قبل 7 سنه و 6 شهر



السلام عليكم 

اخواني صار علي حادث والحمدلله على كل حال
واللي صقعني الغلط عليه 100% 
ومعه تامين شامل . 
المهم رحت للتأمين وعطيتهم اوراقي وقالو بعد 15 يوم تستلم الشيك . 
جيتهم بعد 15 يوم قالو الموظف غلط وماحط كروكي لموقع الحادث . 
قالو استنى يومين بعد . قلت طيب وش اجيب معي اشياء عشان استلم الشيك عشان ماتتعذرون بشئ ؟ 
قال بطاقة احوال الوالد *لان السيارة باسم الوالد* وتفويض انك تسوقها 
بس ابوي ماسواللي تفويض الا الحين . يعني بعد الحادث . 
هل التفويض ضروري  ؟ لدرجة انه يروح حقي ؟ وهل ينفع التفويض اللي سويته بعد الحادث . ؟ 
يعطيكم العافية . 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما يروح حقك خاصه لو معك رخصه حتى لو السياره بإسم جارك 
ما يحتاج تفويض ولا شيء لكن هذا عذر عشان يتهربون من دفع حقك
خصوصا ان الغلط على الطرف الثاني 100 %


up 0 down 1
أبـو عبدالعـزيز -141
قبل 7 سنه و 6 شهر



لا ما يحق لهم المطالبة بالتفويض

اذا ماطلو معاك اشتكي لوزارة التجارة 


up 0 down 0
tareq_talli1 1539
قبل 7 سنه و 6 شهر



اذا بناخذها بالنظام ، لازم يكون معك تفويض يعطيك الشرعية ، لان اقل غلط
الرد انت 
لاتمثل مالك السيارة 

لكن الي فوووووق النظام ، بالخلاق تاخذ كل حقوقك.....
معوض خير ان شاء الله ، 


up 0 down 0
aziz..747.. 2421
قبل 7 سنه و 6 شهر



عزيز ما اعتقد
انا مالي تجربه معهم ولكن حسب ما فهمت من عقد سابق مع البنك الاهلي
انه بحالة حصل حادث والغلط على سائق السياره نفسه ما يشمله التأمين لانه غير مفوض
ولكن لو الغلط على الطرف الاخر ما يحتاج تفويض
هذا حسب ما فهمت من العقد السابق 


up 1 down 0
أبـو عبدالعـزيز -141
قبل 7 سنه و 6 شهر



التفويض تصور بطاقة الاحوال للوالد ويكتب عليها ، السادة شركة التامين
لامانع من توكيل ابني لانهاء اجراءت حادث سيارتي رقم للوحتها ... التوقيع 



up 0 down 0
aziz..747.. 2421
قبل 7 سنه و 6 شهر



تفويض استلام الشيك ، عشان مو صاحب السيارة الي بيستلم
هذا المقصود من الموظف


up 0 down 0
aziz..747.. 2421
قبل 7 سنه و 6 شهر



نظاما مايشترط يكون سائق السيارة هو مالك السيارة
المهم انه يملك رخصة قيادة

كما أن الخطأ على الطرف الثاني يعني مالهم دخل حتى لو مامعاك رخصة حتى


up 0 down 0
سلطان4040 1237
قبل 7 سنه و 6 شهر



السيارة الخصوصي مايحتاج تفويض نهائياً
اما التأجير والاقساط لازم تفويض لحظة الحادث

والتفويض الي طلبوه لاستلام الشيك فقط


up 0 down 0
YASSER505 4174
قبل 7 سنه و 6 شهر



يكتب على صوره بطاقه الاحوال تفويض انك تستلم الشيك فقط ماله دخل تفويض قياده المركبه ، شوف عيني يسوونها كثير


up 0 down 0
r.7.g 47
قبل 7 سنه و 6 شهر



اخوي لو مامعي رخصه يشملني التامين والغلط علی اللي صدمني ؟؟


up 0 down 0
فهد4950 2543
قبل 7 سنه و 6 شهر



حراميه كلهم انا صارلي حادث والخطاأ على اللي صدمني حتى مرور مسجل 100%100 عليه ورحت لـ تامين وقالوا بنعطيك 15 بالميةة عشان موترك انعدم وهاذا دليل انك مسرع َ !!! نقصوا 3 الاف :( . وموتري اندعمم الله يعوضناا .....كل شركات التامئين يدرون عليك ثغرهه بسسيطه عشان يمسكونها عليككك بس بنشوف اخرتها معاهمم ....


up 0 down 0
محمد القحطاني 94
قبل 7 سنه و 6 شهر



الله يعطيكم العافية جميعاً ماقصرتو . 
فعلاً كلامكم صحيح . طلع الموظف يقصد تفويض استلام الشيك . 
جزاكم الله خير ويعوضنا ويعوضكم يارب . 


up 0 down 0
fares1000 3
قبل 7 سنه و 6 شهر



يعطيكم العافيه حبيت أسألكم عن التفويض عندي وسويت حادث وجاء المرور وقالي راجع مرور الشمال


up 1 down 0
عبدالكريم الشلاحي 1
قبل 5 سنه و 7 شهر



سلام عليكم ورحمة
حبيت اعرف ما نوع التفويض لاستلام تعويض المطالبة
بدلأن عن المالك
لان المالك لايملك حساب في البنك


up 0 down 0
عضو 537877
قبل سنه و 10 شهر