أضف سؤال أو موضوع جديد          

جاتني مخالفه مرورية وبستشيركم

up 1 down 0
acoordian2005 358
قبل 7 سنه و 5 شهر



السلام عليكم

جاتني رساله على جوالي بتاريخ 18/2/1436 انه تم قيد مخالفه اجراء تعديل بهيكل المركبه وتاريخ المخالفه 10/1/1436 يعني تاريخ المخالفه قبل شهر و8 ايام قبل لاتجيني الرساله

المصيبة ان السيارة من رمضان 30/9/1435 الى 27/21436 واقفه قدام البيت الدنمو عطلان والسيارة مستحيل تشتغل حتى باشتراك والمفتاح معي ماتحركت
دخلت على موقع الداخليه على خدمه الاعتراض يقول المخالفه لها اكثر من شهر لايمكن الاعتراض عليها 
وش السواة 
قيمة المخالفه 300 ريال حسبي الله ونعم الوكيل 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لمدة ٧ أيام رح تزيد المخالفات بشكل كبير ، والسبب معروف 

ههههه امزح 

والله ياخوي انا رايي لاتعترض عن طريق النت ، اترك النت وبكرة الصباح روح لقسم فصل المخالفات واشرح له القصة 

وباذن الله يتجاوب معك


up 5 down 0
أبو يزن ٩٩ 3182
قبل 7 سنه و 5 شهر



هل سبق ان اخذت أي مخالفة قبل شهر


up 0 down 0
الجوابر 749
قبل 7 سنه و 5 شهر



هلا ابو يزن الله يعين على الغثا بمرهم بكرة ان شاء الله 

اخوي الجوابر اخر مخالفه اخذتها قبل سنتين


up 0 down 0
acoordian2005 358
قبل 7 سنه و 5 شهر



هذا اللي مسوي واسطه في المرور ويشيل المخالفات عن الاصحاب والاحباب ويحولها على الشعب اللي هو سلة المهملات في نظره 


up 1 down 1
abdulaziz al-malki 981
قبل 7 سنه و 5 شهر



عبدالعزيز مع كامل احترامي لك .. 
لكن كلامك هذا مايدخل ولا يقنع اي طفل في عمر الرابعة !! 
وتقولي الدعوه سايبه كلن يرمي مخالفات على الثاني!!
ترى مو كل شيء تسمعه تصدقه وانا اخوك وكلامك ذا انت محاسب عليه 
لانك ترمي التهم على الناس جزافاً .. بدون اي دليل فاتق الله 


up 1 down 4
fx2y -207
قبل 7 سنه و 5 شهر



طيب هل عندك سيارة ثانية مسجلة بأسمك ؟؟؟

هل الرسالة اللي جتك مسجل فيها لوحة سيارتك اللي تقول انها عطلانه ؟؟؟

هل فيه احد حاول انه ياخذها يصلحها او شي ؟؟؟

اذا كانت كل الاجابات لا ومتاكد انها ماتحركت طول هالفترة مثل ما انت متأكد من اسمك ومتأكد مافيه موتر ثاني تحت اسمك اذن رح لهيئة الفصل في المخالفات واطلب الصورة وتأكد

يمكن يمكن مع اني ما اعتقد وهذي نسبة ضئيلة لكن اقولها احتمال يمكن احد لاقدر الله فك لوحاتك يوم واستعملها على نفس السيارة وجت عليه مخالفة يعني بصراحة موضوعك غرريب شوي

او انه فيه خطا من المرور

تقبل مروري


up 1 down 0
a.ibrahem 3169
قبل 7 سنه و 5 شهر



نفس الحكاية جاتني رسالة (تباطؤ سير) مدري من متى أحب أطلع بالزحمة عشان أسبب زحمة :"( 

المشكلة طلعت وماجات رسالة، ولا أي تنبيه، بالصدفة دخلت على خدمة "أبشر" المخالفات لقيتها هناك 
وكان باقي عليها يومين وتدبل، والمشكلة الثانية حاولت أسددها بالبنك مو راضي؟ 

وحاولت من هنا ومن هنا ومن هنا وخلص اليوم وتدبلت وصارت 150 وبرضو أحاول أسددها ما تبغى 

شكلها ملفقه والله المستعان والله يعيني ويعينك شكلي بنطلق للقسم الخاص بالمخالفات مثل ماقالو الشباب .. موفق اخوي 


up 0 down 0
محمد عبدالله عمر 635
قبل 7 سنه و 5 شهر