أضف سؤال أو موضوع جديد          

تجربتي لكذب اصحاب الورش وتصليح سيارتي بنفسي

up 47 down 10
جيت بنتحر قالوا عوائل 27
قبل 4 سنه و 9 شهر



سلام عليكم هذي قصه لواحد اعرفه وبنقلها لكم على اساس انه انا !!




والله احترت مدري وش اسميه هو نصب والا جهل من العماله لكن:








قبل فتره كان معي موستنج علقت انواره الاماميه فجأه صارت ما تطفي الا لما اقفل السويتش واستمرت ع هالحاله اسبوع وبعدها بدأت تسوء حالتها لدرجه ان جميع انوار السياره لا تعمل نهائياً ومريت فيها ع اكثر من كهربائي وكلهم قالوا تحتاج فحص كمبيوتر ..فحصتها كمبيوتر ولا بين معي شي ..




بعدها خربت عندي العدادات صارت ما تشتغل ابداً والتركشن صار يشبك ويفصل من نفسه والمسجل احيانا يشتغل من كيفه بدون ما المسه وبرضو المكيف صار مرات يفصل ويشبك بدون ما المسه..!!




واحياناً السياره بكبرها ما تشتغل بالمرة لدجه اني جبت لها سطحه ووديتها لورشه كبيره عمالتها فلبينيين كشفوا عليها يومين وعجزوا عنها اخر شيء يبون الفكه منها قالوا ودها للوكاله سيارتك تحتاج برمجه ..!




المهم السياره جننتني وجابت لي الصمرقع وديتها لورشه ثانيه ونفس الحكايه برمجه ..!




دلوني على كهربائي سوري الكل يمدحه لدرجه انك تأخذ موعد قبل تجيب سيارتك من كثر الزحمه عنده ..




رحت لهالسوري شرحت له المشكله قال جبها بعد 3 ايام ..والله واجيبها له بعد 3ايام قال خلاص نزلها وانا اتصل عليك قلت لا اشتغل فيها وانا ع راسك ابشوف وش تسوي المهم انا مسوي فيها ذيب ووالله لو غير مكينه سيارتي قدامي ما دريت عنه من قوه الفهاوه  




طلعت من عنده وجيته ثاني يوم ولا سوا فها شيء ..اليوم الثالث قال انه جالس يشتغل فيها اليوم الرابع مريته قال هاي بدها فك طبلون وشغله طويله عريضه لانوو اللي عندك التماس بالظفيره لازم اعرف اياتنو سلك ووين مكانو بالضبط :$




قلت طيب خلاص اشتغل فيها ..قال والله ابن عمي ما بحسن اشتغلك فيها ..! قلت ليش؟؟




قال شغلتها بتأخذ وقت وانت متل منت شايف مزحوم لحد راسي ..




بديت اتحايله واتنخي فيه وتكفى ترى ما فيه غيرك يقدر يصلحها داخل ع الله ثم عليك ما بقي الا اجيب شيخ القبيله يتوسط لي عنده ...لمنه رفض يصلحها..








وفريت فيها الورش فررررر واغلبهم يرفض من الاساس يشتغل فيها 








وواحد من الشباب دلني ع سوري قال هذا هوا البروفشنول اذا هذا ما صلحها لك حتى الوكاله ما تقدر تصلحها 




رحت له وبعد ما شاف السياره قال خلاص بس ترى بدها شغل كتير كتير ممكن تطول لحد الشهر ..!! لأني مضطر افك الطبلون والداخليه كلها منشان ادور لك ع الالتماس ..ووقتها كنت مطفر ووقت عيد الاضحى قلت خلاص بجيبها لك بعد العيد ..




المهم يوم عيد الاضحى بعد ما ضحينا وحلقنا وعينا من الله خير ..جمعت العده والسكاريب واسمي بسيارتي بديت بعلبه الفيوزات وكان فيه حرق بسيط بعلبه الفيوزات شيكت ع الاسلاك بالكبوت والطبلون ادور مكان حرق او ابي اشتم ريحه حرق ولكن ما طلع معي شيء فكيت الكميوترات الثنين اللي عند رجول السايق نظفتهم ورجعت ركبتهم ولا تغير شيء ..








وثلاث ايام العيد الله وكيلكم مغير افارس الماخوذه فك وربط ع عماها 




وقبل لا اوديها للسوري قلت بفك الكمبيوتر اللي عند رجول الراكب مدري هو كميوتر ولا علبه فيوزات لان فيه فيوزات وكتاوت راكبه فيه.. فكيته وانا مدري وش وظيفته اساساً ..لقيت اثار مويه داخله بوسطه فكيت الاطار الحامي له بعد ما طلعت الفيوزات والكتاوت بعدها حصلته من داخل ملطخ بالملح ع الشريحه الالكترونيه قلت بس مسكت الخيط الاول من الجريمه ههههههه اشتريت بخاخ مخصص لتنظيف الاجهزه الدقيقه ونظفت الشريحه او اللوح الالكتروني لكن بعد ما ركبته ما تغير شيء ...








وديتها للسوري وعلمته عن الكمبيوتر والملح اللي حصلته داخله قال ايييييه ابن عمي انا كنت عارف انوو هاد اللوح له علاقه بالمشكله بس هذا جزء منها الملح ما بيخرب اللوح اللي خرب الكمبيوتر عندك التماس ..!




قلت طيب وش اللي تحتاجه اللحين ؟؟








قال بدك تجيب كمبيوتر جديد لان القديم اللي جايه ملح محروق




وبدك تجيب طرمبه بنزين لانوو عداد البانيزين عندك عطلان ..قلت له المشكله جت دفعت وحده يعني ممكن الخراب واحد ليش اجيب طرمبه قال الالتماس بيخرب عليك كل شيء..




طيب يا حبيبنا كم حقك ..؟؟








شغل يدي 1200 ريال 




البرمجه 500 ريال




يعني كلوو 1700 ريال 




قلت اعوذ بالله وش بتسوي انت ع هالمبلغ والله لو انك بتأسس كهربها من جديد ما كلف هالكثر ..!!!




قال بكيفك اجل دورلك احد يشتغل فيها ..<*****هو عارف اني فريت الصناعيه قبل اجيه ولا حصلت احد يشتغل فيها








قلت لا لا يا زلمه والله ابيعها تشليح ما صلحتها بهالكثر ...انا كل اللي معي 800 ريال 




المهم بعدها با اسبوع قلت بغير الكمبيوتر اللي حصلت عليه ملح واشوف يتغير شيء ولا لا ..








مريت الوكاله حصلته ب2400 ريال قلت سلام عليكم




رحت للكويت ع سيارتي واشتريت نفس الكمبيوتر اللي فيها ب50 دينار كويتي يعني حول ال680 ريال 




سميت بالله وركبته بنفسي عند التشليح ودقيت سلف الا والسياره ترجع مثلها قبل واحسن كل شيء اشتغل من انوار ومسجل ومكيف وقزاز وعدادات رجعت السياره طبيعيه ...








وبلا برمجه بلا فك طبلون بلا 1700 








واعذروني ع الاطاله












الخلاصه احذروا احذروا من الورش بالذات بعض الجنسيات يحاول يقنعك بكبر المشكله ويخليك تثق فيه وتسلمه سيارتك ويحوس ويلعب فيها وفوق هذا يلهف من وراك مبلغ وقدره ع شيء ما يستاهل ..والله يا بعضهم يقمرونك وتعطيهم وانت ما تحس بنفسك







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احلى لايك + 


مشكور ع الموضوع 


up 2 down 1
h7h7k 1
قبل 4 سنه و 9 شهر



خاصه اذا قالك مافيه غيري يسويها هذا اسحب عليه 
اعرف ان نصاب


up 4 down 3
i6rb_ 161
قبل 4 سنه و 9 شهر



انا كانت معي كورولا وجننتني تجنيييييييين ؟ ( تخيل كورولا ) مب سياره ألمانيه او أمريكيه كهربها معقد  

بالبداية كانت السياره تطفى كذا بدون اي سبب ؟ ركبت بطاريه جديده ومانفع ؟ كشفت بالكمبيوتر ماافادني بشي

ايضا الدينمو طلع سليم ..  قلت اكيد الكمبيوتر خربان بس الموتر يدق سلف ويشتغل ويمشي لكن يطفى فجأه ؟ دام الموتر يشتغل اكيد الخراب مب من الكمبيوتر

حتى فحصت طرمبة البنزين وطلعت سليمه لا حووووووووووووول ؟؟؟ آخر شي طلع من علبه الفيوزات ذي الله لايعيدها جاها إلتماس وصارت تسحب كهرب بس ماتطلع كهرب وهذا السبب اللي يخليها تسحب البطاريه 


up 3 down 1
ابو هيثم 7 2248
قبل 4 سنه و 9 شهر



اخوي انا مسسكتت معي سوري ههههههههههههههههههههههههههههههههههه     (:


up 2 down 5
amr 07 70
قبل 4 سنه و 9 شهر



انت كبتن واحي الاخوان اللي مثلك وانا في من اصرارك بس انت اطلق واحسن عزيمة الله يوفقك


up 3 down 2
سيب2010سيب 91
قبل 4 سنه و 9 شهر



نفس مشكلتك صارت معي بالفكتوريا

اذا خليتها يوم ما شغلتها   تطفا خلاص لازم اشحنها

المهم انه بهذلني

الاشتراك في السيت الامامي مايفارقني واذا جيت اوقف الموتر  اوقفه بالريوس عشان يكون جاهز للشحن والاشتراك

غيرت 4 ديموات
غيرت بطاريات
سويت كل شي ولا في فايده وكل ما احطها عند واحد يقولي فيها التماس  خلها يومين وبكشف عليها وبعدين اقولك  ومن هالخرااابيط

الين خبطت مكينة موتري هههه

وركبت مكينه من الشتليح امريكيه وشرطت عليه انه يفط المكينه مثل ماهي  ويحطها مثل ماهي بالدينمو بعلبه الباور بالضفيره بكل شي

والحمد لله انحلت المشكله


up 4 down 2
شكلين مابحكي 3159
قبل 4 سنه و 9 شهر



يرجال لاجاك قال برمجه   اسححححححب عليه اعرف انه  يدور الدراهم ع الفاضي 

بعض المشاكل المعقده يبيله صبر  < وكاسه حبق ماتضر <3 

لان انا صارت مشكله بالكهرب دفعت حوالي 2500 ولا في فايده   < كنك يازيد ماغزيت 

بالنهايه طلع سلك   مرخي   

لاكن الحمد لله ع كل حال


up 4 down 1
fawaz__11 534
قبل 4 سنه و 9 شهر



سبحان الله كل تاخيره فيها خيره
لو وقتها كانت معااك فلوس كان فك الطبلون ولعب لك بالاسلاك لعب ...



up 3 down 0
الجهني2013 357
قبل 4 سنه و 9 شهر



نصيحه لا تقولون لهم مافي غيرك يصلحها يشوف نفسه وبيذلك عالتصليح 


up 3 down 0
md_771 54
قبل 4 سنه و 9 شهر



اهنيك ولو لي قدرة حبيت راسك 

لو فيه منك بس 20% بمجتمعنا كان ننسا النصب والخداع والتدليس 


up 2 down 2
شرقااااااوي 653
قبل 4 سنه و 9 شهر



ههههه مثلي معي مرسيدس وعندي فتحتين فتحه للمكيف فتح اليسار تبرد وفتح الايمين حار وديته عند سوووري قال لي خلهد عندنا وبنفحصها قلت طيب وش خرابه بالضبط قال لي ممكن يبيله برمجه واسحب عليه اقرب محل باكستاني وانا متعاون معه من زمان حق مكيفات فضى الهواء الاول وعب هواء غااز اصلي امريكي وطلع التبريد احلى من اووول وعسل .... السورنه اعوذ بالله يهوديه ياكللونك باللي هي ويستغلونك باللي هي 


up 6 down 1
سلطان 2009 314
قبل 4 سنه و 9 شهر



بعض الجنسيات ما تخاف الله
والمشكلة انهم كلهم يتعلموا من بعض
السوريين ولة اليمنيين
هذي اسوأ جنسيتين بالصيانة بالنسبة لي
لان ممكن الفلبيني او الهندي أو الجنسيات هذي تطمع فيك
لكن ما توصل للدرجة هذي
والمشكلة ان بعض الناس لو خرب عليه لمبة يوديها لكهربائي
ويقلك ما اعرف اركبها
طيب جرب ما تخسر شي
وبعد ما تروح كهربائي اعرف كيف تتركب
مستقبلا تفيدك



up 3 down 0
moathyaseen 1391
قبل 4 سنه و 9 شهر



باقي حاجة وحده
الماء اللي وصل للاول ( كيف وصل )
لا
يوصل للثاني


up 0 down 0
abamuhand 294
قبل 4 سنه و 9 شهر



ليه طيب الدس لايك والله ناس بعد ما تطلع الروح يجمع لايكات وانتو تعطونه دس لايك 


ليه طيب با تعطيه لايك ولا خلاص


up 1 down 1
amr 07 70
قبل 4 سنه و 9 شهر



تمام ما شاء الله والله تعجبني .. الله يقلع النصابين ذول

بس لا تنسى تبحث عن مصدر الماء عشان لا ترجع المشكلة


up 0 down 0
الباحث1 135
قبل 4 سنه و 9 شهر



قرأت العنوان فقط بدون الموضوع وجيت طااااير اشرح لكم قصتي بإختصار شديد..قبل اسبوعين وانا بمقر عملي بجده نزل مطر 
شبه غزير وإستأذنت من العمل وتوكلت على الله ومشيت بسيارتي (هونداي تراجيت) أثناء نزول المطر 
في منتصف الطريق بدأت السيارة تنتع وضعف عزمها بشكل كبير جداً جداً ومشيت عليها لين وصلت البيت بسلام ولله الحمد
طفيتها وتركتها مايقارب 9 ساعات وشغلتها قلت يمكن بيتغير الوضع او ان سبب المشكله المويه ويمديها نشفت بس مثل ماهي وأردى
ضعف بالعزم ورجه بالمكينه..وديتها ورشة بشارع الحج بمكه قالي البواجي ! غيرتها وكأنك يا ابو زيد ماغزيت !
رحت لغيره قالي لازم فحص كمبيوتر وقلت له افحص قال يكلفك 100 ريال ! توكلت على الله وفحصت قال لي المشكلة (صعبه)
وما اعرف لها تحتاج لكهربائي (الكتروني) اول مره اعرف ان فيه كهربائي عادي وكهربائي الكتروني ! المهم حوله واحد يمني يقاله 
ابو احمد شفت عنده زحمممممممه بشكل ما تتخيلونه قلت بس دام كل هالخليقه عنده معانتها كهربائي ممتاز.
عرضت عليه المشكله قال يا بواجي يا كويلات ..قلت توي مغير البواجي وحالتها مثل ماهي..قال أجل الكويلات ..كل هالكلام 
اللي دار قبل مايفحص اصلاً ! رحت شريت الكويلات وركبها والحال مثل ماهو ..وش السواة يا ابو احمد قال الكمبيوتر مضروب
قلت مايتصلح ؟ قال لا لازم جديد او مستعمل..رحت دورت بالتشاليح وهو بعد جالس يدور (حسب كلامه) وماحصلت شي
لدرجه اني سألت واحد هنا بالموقع صاحب تشليح بغى يغشني بكمبيوتر قيمته 3000 !!!
مليت من الوضع وآخذ السيارة من عنده ونيتي ارميها عند البيت بس بالصدفه لقيت كهربائي في زاوية مظلمه وماحوله احد
قلت خلني اوقف عنده والله و أوقف واطرح له المشكله طلعت من الكويلات..اخونا في الله ابو يمن مركبها غلط وعدلها لي بعشرة
اريل وطلعت من احسسسن مايكون ولله الحمد والفضل...
^^
هذا اللي بيطرح قصته بإختصار هاه ض1


up 1 down 0
خافر ضبط 7
قبل 4 سنه و 9 شهر



مشكوور على هذا التحذير وتستااهل مليووووون لايك / لكن عندي سؤال الموستنق كم موديلها؟


up 0 down 0
وليد202 103
قبل 4 سنه و 9 شهر



قبل تروح للورشه شف صيانه الجزء الذي تريد في اليوتيوب اذا فهمت طريقه الصيانه وكان الخلل سهل صلحه انت مع ملاحظه
لازم يكون مقطع اليوتيوب صاحبه (الفني) متخصص اوصاحب خبره اترك مقاطع الناس الجاهله


up 0 down 0
0541428261 18
قبل سنه و 5 شهر