أضف سؤال أو موضوع جديد          

ما هو سبب غلاء صيانة السيارات ؟؟

up 4 down 0
moathyaseen 1393
قبل 6 سنه و 11 شهر



السلام عليكم جميعا
اخواني لاحظت خصوصا عندنا في السعودية الاسعاااااااار نااااااااار في صيانة السيارات
مع العلم ان أسعار السيارات رخيصة جدا بالنسبة للدول الاخرى
وحتى بعض القطع تحصلها ب 100 ريال من الوكالة مثلا ، وتروح حقين التركيب يقلك بركبها ب 150 ريال
وكل شغلها ما ياخذ ربع ساعة
رحت قبل فترة شتريت مساعدات لسيارتي
ورحت اركبها رحت العضيب يقلي 300 ريال
رحت الصناعية واحد قلي 250 وواحد 200
واقل واحد قبل على 150 ريال ( طيب ليش التفاوت بالسعر )
ورحت بعاير الفرامل الخلفية أقل واحد طلب 80 ريال فقط عيار بدون فك وتركيب
ومسامير التوازن طلب عليهم 150 ريال بعد المفاصلة
بالنسبة لي اعتبر الصيانة غالية جدا
مع العلم انه الميكانيكي ما عليه تكلفه ولا ريال
فقط يفك القطعة ويركب قطعة ثانية
التكلفة عليه فقط ايجار المحل
الزبدة حنا ينظحك علينا من الميكانية ولازم نشوف حل
وانا أنتظر تعليقاتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مو بس السيارات للاسف الشديد يتم استغلالنا في كل شي ويحسبون السعودي بنك متحرك ..خذ عندك مثلا نقلت شقه جديده وجبت حق التكييف يفك مكيفاتي من الشقه الاولى ويركبها في الثانيه والمسافه مو بعيد وكان حسابه 300 ريال..

وجبت كهربائي معه دريل وفكك الثريات وركبها وعلق لي كم لوحه بميه وخمسين ريال..

والحلاق يحلق لك ويركب سكسوكه وياخذ عشرين ريال ..

وحق بنده يدف اغراضك وياخذ العربيه واذا صكيت الشنطه تلقاه ينتظرك تعطيه خمسه ريال..والجرسون حق المطعم ما يخليك في حالك انت واهلك كل شوي ناقز لك تبي شي وكله تمام وقلق وقروشه عشان تعطيه الباقي لما تحاسب ..


حتى الشحات تعطيه ريالين تحس ما تعجبه واحيان يشفق عليك ويمكن يرجعها لك ويزيدك ..





up 5 down 1
العمري عبدالمحسن 238
قبل 6 سنه و 11 شهر



ما خذين مقلب ان السعوودي شبعااان هههههه 


up 1 down 0
سلطان 2009 315
قبل 6 سنه و 11 شهر



والله الغبنه مو هنا
الغبنه كلهم تعلموا بسياراتنا ..يعني والله لو واحد مهندس فاهم ودارس يستاهل الفلوس لانه لا قال لك كذا خربان خلاص تنتهي المشكلة
اما المقرفين ذول جرب كذا وجرب كذا وعلى حسابك واخرتها ؟ يبغى شغل يد ..يشيخ المفروض انا اشتكيك واطلب تعويض عن المصخرة ذي


up 1 down 0
الباحث1 135
قبل 6 سنه و 11 شهر



باي صناعية الورش الي تروحها؟؟لان اسعارها مبالغ فيها 
انا عاينت الفرامل الامامية + الخلفية مع تنظيف الهوب وصنفرة الفحمات ب 20 ريال وعند التغيير قال لي 80 ريال و 120 مع الخرط كلها الامامية والخلفية


up 0 down 0
ahoh 178
قبل 6 سنه و 11 شهر



ترا ما يقبل بهذي الأجور المتدنية الا الهنود الي عندنا


اختار أي دولة نفس مستوى الدخل عندنا وشوف كيف الاسعار وعندك الخليج اكبر مثال

حتى في أمريكا وأوروبا ما تشوف عندهم مواضيع كثير كيف تسوي وكيف تسوي عشان اليد العاملة غااالية فعلياً 

واذا تقول ماعليه تكلفة كلامك غير صحيح ابدا

يعني الفني ما وراه مصاريف عيال وبيت ووووو

ولا ايجار محل و رسوم بلدية ولوحات ووزارات واقامات و مصاريف صاحب العمل والكفيل

يؤدي عمل من حقه يأخذ اتعاب مافيه شي مجاني وممكن يوم يطلع 300 والثاني مايجي له ريال 


تفاوت الاسعار حسب تفاوت المركز يعني محل مصدي مقربع ما راح يكون مثل العضيب مع ضمان ومركز نظيف على مستوى 

كل واحد يروح حسب دخله فاللي يروحوا العضيب و الوكالة ما يقدروا يتعاملوا مع أصحاب الورش المشي الحال


up 1 down 0
albroker99 742
قبل 6 سنه و 11 شهر



حبيبي   

هما حاطيين قاعده في بالهم انه اي سياره تدخل عندهم واي تشييك لازم ياخذ منك اقل شي 150 ريال  وانت طالع

انا اجممع المشاكل واروح اسويها مره وحده

المشكله حنا اللي عطيناهم وجه يستغفلوننا بحجة انه مزحووم ومو فاضي وجبها بعدين فلو قالك بيصلحها ب 350   بتوافق  بسررعه

انا شوري من راسي  ولله الحمد مافي مشكله جتني وماعرفت وشنهي منه  ف شي طبيعي اسأل منا ومنا وادور ارخص سعر واشوف الفرق واحاجهم اليين اقتنع بمحل

وفي نهاية الامر  قبل مايحط يده فيها اقوله اكييد من هذا مشكله ؟  واجرب السياره واشوف اذا مو منها ترا باخذ الفلوس


تو قبل يومين  رحت محل بنشري وشرحت ان عندي رجه بعد ال 60  فقالي ترصيص  فقلت له بكم قالي ب 100 ريال  قلت له ب 80 كل كفر ب 20

المهم وشرطت عليه انه تروح الرجه لو ماراحت باخذ فلوسي 
وفعلاً   سويت الترصيص  وعطيته فلوسه ومشيت

ولا راحت الرجه   رجعت له مره ثانيه وقلت له تعال شف ماراحت 

فقاالي اجل لازم تسوي تصيص ارضي  والترصيص الارضي ب 190 ؟ ههه

قلت له اجل الله لا يهينك  جب المبلغ اللي دفعته ولا تسوي لي ترصيص ولا شي كلمه منا وكلمه منا

وفي الاخيير سوا لي ترصيص ارضي  بمبلغ 100  مو 190 


up 1 down 1
شكلين مابحكي 3159
قبل 6 سنه و 11 شهر



الاجابة يمتلكها السيد الباش مهندس فقيه للدواجن.-
ماذا جنينا من رسوم الاقامات غير الغلاء 
وماذا جنوا سعادتهم غير زيادة الاغتناء 


up 2 down 1
سعيد ابواحمد 135
قبل 6 سنه و 11 شهر



الله يكفينا الناموس ابو ديس لايك 
ولاتزعل المهندس فقيه ..بدون دواجن ):


up 2 down 0
سعيد ابواحمد 135
قبل 6 سنه و 11 شهر



ههههههههه بدون دواجن 
انتبه من النامس ملغم المنتدى 


up 1 down 0
azdi99 58
قبل 6 سنه و 11 شهر



يارجال مجرد موظف وضعته دولتنا الرشيدة لتسهيل امور المواطنين
وليس لتعقيدها وهذا مايحدث للاسف ..
ونسال الله الامن والامان والعزه لبلادنا وحكامنا 
لكن يوجد هناك مايتعسنا والله يزينها 


up 1 down 1
سعيد ابواحمد 135
قبل 6 سنه و 11 شهر



شكلين ما بحكي
المفروض ما عطيته ولا ريال المرة الثانية.
هذا يتعلم عليك ويكسب منك !


up 0 down 0
وليد م ع الدخيِّل 490
قبل 6 سنه و 11 شهر



شكلين مابحكي

الترصيص بـ 40 ريال اربع كفرات وليس 80 ريال يالغلا


up 0 down 0
أبو يارآ 491
قبل 6 سنه و 11 شهر



مو قصة انهم يفكروا ان السعودي شبعان ....
حنا السبب ..لدينا بيوت متكاملة ومع ذلك نأكل من المطاعم ونغسل بالمغاسل
وأيضا السيارات ...
مثال ...
انا غيرت اصابع البطارية ودفعت 20 ريال مع وجود العدة في السيارة ..لكن دفعت
حتي لا اوسخ ايديني واغسلها 

بالنسبة لقطع الغيار ..انا اردت ان اصلح سيارتي في العضيب المشهور وكانت تكلفة القطع فقط ..3000 آلاف ريال بحيث ان احدى القطع
هي ( عكس خلفي تجاري امريكي بسعر 800 وحاجة)

خرجت للمحلات الاخرى ..واشتريت جميع القطع بتكلفة 1500 ريال وطبعا كلها الاصلية وقد كان
سعر العكس الخلفي الاصلي 640 ريال.


up 0 down 0
triple-h 12
قبل 6 سنه و 11 شهر