ماهو معنى الصور في سيارتي

الصورة الاوله

هذا عزل حرارة المكينه والصوت عن الغماره

اما بالنسبه للصوره الاخيره ماهي واضحه لكن ماهي اي بي اس الفرامل

اتوقع ان هذا الكمبيوتر

الاول قصدير هذا عازل حراري   الثاني هذا كمبيوتر سياره 

وش هالتصميم الغبي!
الاقزوست جهة الغمارة!!
لا ومكلفين على انفسهم بالعزل هههههههه

طيب كيف اعرف لو فيها اي بس اس ؟
وايش معنى mivce في الصورة الاولى

هذي حروف اختصار لتقنية مسجلة تجاريا ماتهمك كمستخدم
Mitsubishi Innovative Valve timing Electronic Control system
نظام ميتسوبيشي المبتكر للتحكم الالكتروني بتوقيت الصمام

1- mivc نظام توقيت الصمامات ويساعد في توفير الوقود
2- هذا عازل عشان الحرارة ماتدخل لداخل السيارة بسبب ان الاكزوست من الداخل بعكس بعض السيارات يجي جهة الرديتر
3- نظام التحكم في المحرك ( الكمبيوتر)

اذا بغيت تعرف السياره فيها اي بي اس دق السلف لين تشتغل انوار الطبلون اذا طلع لك لمبه صفراء مكتوب فيها ABS 
معناه ان النضام موجود وشغال

mivic
هذي تقنية عند ميتسوبيشي اعتقد بخصوص حقن الوقود 
الصورة الاخيرة تقريبا كمبيوتر السيارة

شغلت ماولعت لمبة الا بي اس !!
لكن في رموز كثير طافية. ومنها اي بي اس اوف ؟
معقول مقفل !  معنو فراملها جدا تمسك حتى في الموية

صور علبة الفرامل من بعيد شوي حتى اشوف اذا فيه abs او لا 

badalfa
أغلب سيارات الدفع الأمامي تعتمد هالطريقة مخارج العادم في جهة المقصورة.


لتعرف هل سيارتك تحتوي فرامل ABS فيه طرق عديدة منها:
- سؤال الوكيل بالهاتف.
- سؤال فني متخصص في اللانسر بالهاتف.
- المرور على أي ورشة فاهمة والطلب منهم التأكد من وجودها.
- مراجعة كتالوج السيارة.
- مراجعة دليل مستخدم السيارة.

أما الطرق الفنية فهي:

- البحث عن قطعة معدنية متصل بها مربعة أو مستطيلة متصل بها 4 إلى 6 أنابيب معدنية مثل هذا:
http://www.nawiseh.com/science/ABS/anti-lock-brake2.jpg

وللأسف لا يوجد فرامل ABS في سيارتك، لأن جهاز ABS في سيارتك يكون موقعه بين القصدير العازل اللي سألت عنه، وبين المساعد الأيمن، وهو واضح جداً وطالع منه 5 أو 6 أنابيب معدنية.
وهذه صورة نفس سيارتك وفيها فرامل ABS :

http://images.gtcarlot.com/pictures/70319711.jpg

وهذه:

http://www.auto-sprint.com/wp-content/gallery/calle/mitsubishi-lancer/mitsubishi-lancer-motor.jpg


بالنسبة لقير CVT كيف رياضي ؟! ما قصدك بالضبط ؟!
القير مجرد قير وبدون نمر، ما فيه أي نمرة، مجرد مخروطين يوصل بينهم سير لتوصيل الحركة.
النمر اللي تحس بها أو مبينه عندك تحت العصا هي مجرد إيهام بوجود نمر، بينما الحقيقة لا يوجد.
لإيهامك بالنمر يتم تحريك المخروط المتحرك والسير بشكل سريع وفجائي ويتغير ضغط المكينة بشكل كأنه نمرة قير اوتو.

غلطان ياوليد.
هذي حالة شاذة واغلب سيارات الدفع الامامي تستخدم الطريقة السليمة منطقيا..الاقزوز جهة الرديتر.
ابحث وعطنا نتائج,
حسب علمي واطلاعي هوندا وهيونداي وتويوتا وشيفرلوية كل مكاينها الدفع الامامي الاقزوز جهة الرديتر.

يا وليد قير اللانسر الرياضيه يجيك cvt ب6نمر

مدري كيف سووها بس يسموه كذا

badalfa
هلا بك أخي
بحثت عن كل الماركات اللي ذكرت.
تويوتا كورولا ويارس القزوز جهة المقصورة.
أفالون وكامري قزوزها جهة المقدمة.

هايونداي أكسنت وألنترا كانت القزوز بالمقدمة بالاجيال السابقة والان بجهة المقصورة.
سوناتا وأزيرا قزوزها جهة المقدمة.

هوندا سيتي وأكورد كلها قزوزها جهة المقدمة كل الأجيال.

شفرولية كروز قزوزها جهة المقصورة.
ماليبو قزوزها للمقدمة.
إمبالا للمقدمة.

بشكل عام السيارات الوسط وأعلى تكون قزوزها بالمقدمة، والسيارات الصغيرة وبين صغيرة ووسط تكون جهة المقصورة.

أعتقد موضوع وضع القزوز جهة المقصورة متعلق بشكل أساسي بتخفيض تكاليف التصنيع، لذلك تحولت له أغلب السيارات الصغيرة وفوق الصغيرة عدا هوندا ما زالت مستمرة بالقزوز بمقدمة السيارة.

شكرا لك, لكن متفقين على ان هذا التصميم غير صحيح.

وضع القزوز في جهة المقصورة في نظري فكرة غير عملية ولا أعرف إن كان هناك فائدة تذكر 
لكن أغلب السيارات بشكل عام يجي القزوز في المقدمة وهو أفضل بكثير