ناس تقول نحاسات القير وناس تقول كلتش ......

2 1

لايمكنك التصويت حتى الحصول على 20 نقطة على الأقل
إضغط هنا للإخفاء

ابو سعود629 4707
قبل 9 سنه و 3 شهر

السلام عليكم ورحمة الله وبركاته , اسعد الله مسآآآكم بكل خير .. 


المهم مالكم بالطويلة سيارتي الجميله اكسنت ههههههههههههه لمن اعشق اول وامشي ماقدر ارجع القير للثاني الا لمن اخفف سرعتي قريب الوقوف وقتها تعشق معي .. كانت المشكلة بالنمره الاولى حاليا صارت بالاولى والثانيه يعني لمن اعشق بثاني ماقدر اعشقها بثالث وانا امشي الا لمن اخفف سرعتي  اما وهي واقفه تعشق من الاول للخامس بكل سلاسه



قالوا لي وزنية كلتش وزنته وبرضو نفس المشكلة .. طرحت موضوع قبل اربعة اياام وماقصروا الشباب .. لكن نفس المشكله ماحصلت فايده ..  رحت اليوم للصناعية .. وفيه عدة ورش قالت لي نحاسات القير .. والورش الثانيه قالوا لي صحن وفحمة ودسك ..




واحد يقول لي كذا وواحد يقول كذا واحترت مادري اصدق مين فيهم , لان مالي خبره كبيره خاصه بهالأمور ..


عموما علشان يتضح الامر :


1- السياره تعشيقها حليو ومافيه مشكله لكن احسه احيانا مايلقم صح رغم انه عشق لكن افضيه وارجع اعشقه ..


2- السياره احيانا اذا جيت اقومها بالأول وخاصه عند الاشاره ترج معي المكينه .. طبعا مو دايم لكن في بعض الاوقات وخاصه اذا مسكت بها مشوار طويل .

3- الريوس وخاصه الصبح مايعشق معي , لازم اعشق بأول وانا واقف بعدين اعشق ريوس ويلقم على طول 

4-السياره عزمها حليو لكن احسها مكتومه حتى لو دعست بنزين بقوه تتسارع لكن صوتها اعلى من تسارعها 


5- قبل 6 شهور تقريبا فيه تفويت وانا امشي مثلا انا ماشي وسرعتي 60 وهي معشقه بالثالث لمن ادعس بنزين بقوه ابتجاوز عداد ال RPM ينقز فوق والسياره بنفس سرعتها , طبعا هالحركه صار لها تقريبا 6 شهور مالاحظتها ابدا  .. 




عارف اني طولت لكن والله اني اكلت خابور من سوري الله لايوفقه قبل سنه ونص تقريبا وعلشان كذا ما اصلح شيء الا لمن اشاور .. 




والله ينطيكم العافيه :)

إبلاغ

الردود