أضف سؤال أو موضوع جديد          

معلومة مهمة لسيارات التقسيط المسترجعة

up 10 down 3
moathyaseen 1393
قبل 6 سنه و 11 شهر



السلام عليكم جميعا
بالنسبة يا اخواني لسيارات التقسيط المسترجعة
معلومة مهمة جدا لاحظتها في شراء السيارات المستعملة وان شاء الله اتوفق في كتابة الموضوع حتى توصلكم المعلومة صح ...
بعض السيارات ننغش فيها وهناك حسبة ممكن نسويها عشان نعرف اذا كان سعر السيارة مناسبة ام لا
بعطيكم مثال ونجلس نطبق عليه :
مثلا سيارة مديل 2013 والرجال ماخذها لمدة 5سنوات (60شهر) ، الدفعة الاولى 50 ألف ريال ، والقسط الشهري 1000ريال ، ودفعة اخيرة 25000ريال ، والرجال دافع لمدة 25 شهر
وصاحب السيارة يبي الدفعة الاولى ، أو قيمة 40 ألف ريال
السؤال الي يطرح نفسة ، أنا كيف اعرف اذا كان السعر مناسب أو لا
------------------------------------------------------------------------
طيب نبدأ
اجمالي سعر السيارة الي هي (50000 +(1000*60)+25000) = 135000 ريال
الرجال دافع من قيمة السيارة (الدفعة الاولى 50ألف +(25شهر * 1000 القسط الشهري)) = 75000 ريال
طيب المتبقي من السيارة 135000-75000=60 ألف ريال
طيب حسبتنا الافتراضية هي : سعر السيارة 135000ريال نقسمها على 60 شهر = 2250 ريال
يعني هو لازم يدفع كل شهر 2250 ريال ، وهو يدفع بالحقيقة 1000 ريال فقط
طيب نضرب ال2250 ريال * 25شهر (الي هو دافعهم) = 56250 ريال
يعني لازم يكون دافع مبلغ 56 ألف ريال
------------------------------------------------
الرجال دافع مثل ما حسبنا فوق 75 ألف نطرح منها ال 56 الف = 19 ألف
يعني المبلغ الي لازم انه يطالب فيه 19 ألف ريال
يعني سعر السيارة غالي نوعا ما اذا كان طالب 50 ألف
وارجوا ان تكون المعلومة وصلتكم صح
واي استفسار انا جاهز







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا اشوفها بنظره مختلفة شوي
يعتمد على نوع السياره
تجي لسيارات مثل كاديلاك مثلا مالها سوق
وتجي لسياره هوندا او فورد مثلا سوقها ماشي

لو حصلت كاديلاك المتبقي من الاقساط نفس قيمة الهوندا اكيد الهوندا افضل
لان الهوندا سعرها مستخدم عند البيع افضل من الكاديلاك

يعني سعر الكاديلاك مثلا جديد 150 الف
المتبقي من الاقساط 100 الف لكن تجي تبيعها ما تجيب 60 الف

مثلا جمس بسعر 150 الف جديد
المتبقي من الاقساط 100 الف
لكن تجي تبيعه يجيب لك 75 الف او اكثر

عشان كذا نوع السياره يختلف من سياره لسياره


up 2 down 4
أبـو عبدالعـزيز -141
قبل 6 سنه و 11 شهر



معلومات جدا مهمه وممتازه ونشكرك على هذا الموظوع المفترض انه يثبت بالخط الاحمررر

وعندي استفسار طبعا كما افدت انه دفع اولى50 الف ولاكن انت سجلت بالحسبه انه دافع 60 الف هل هناك خطا بالحسبه غير مقصوده او كيف الطريقه وتشكر وتستاهل لايك ودبل 3






up 1 down 0
امير الاصيل 1714
قبل 6 سنه و 11 شهر



أنا معاك... بافتراض ان السيارة عمرها الافتراضي 5 سنوات، وان ما بعد ذلك ممكن نتجاهله لأنه  بيكون متعب في الاعطال و مكلف في الصيانه


ولكن لا تنطبق على سيارات الجيب مثل الجمس واللاند كروزر لأن دي سيارات عمرها الافتراضي 12 سنه

ولا سيارات فخمة وتعيش مثل اللكزس و الافالون...


up 1 down 1
rashidy 354
قبل 6 سنه و 11 شهر



الجمس واللاندكرورزر عمرها الافتراضي 12 سنه ؟؟
يعني موديل 2003 اللحين خلاص بالتشليح


up 0 down 7
أبـو عبدالعـزيز -141
قبل 6 سنه و 11 شهر



الاخ امير الاصيل
معلش صار خطأ بالموضوع وتم تصحيحه
ابو عبد العزيز و rashidiy
كلامكl صحيح 100% ، لان في سيارات مرغوبة وبعد فترة تيجي تبيعها كاش تجبلك سعر اكثر من بعض السيارات


up 2 down 0
moathyaseen 1393
قبل 6 سنه و 11 شهر



نعم صدقت اخى

اللى بيدفع دفعة اولى كبيرة همه الاساسى تقليل قيمة الايجار الشهرى
وهكذا اذا استخدمها سنتيين تكون خسارته بسيطة جدا جدا


up 2 down 0
raouf1 335
قبل 6 سنه و 11 شهر



الشراء بالايجار مخسر وقلق وشركات جشعة لا ترضى بالقليل 
ابعدنا الله واياكم عنه


up 1 down 0
iTalal 152
قبل 6 سنه و 11 شهر



raouf1
هذي المعلومة الي كنت بوصلها
وانت اختصرتها بجمل
مشكور


up 0 down 0
moathyaseen 1393
قبل 6 سنه و 11 شهر



حسبه ممتازه
قمت بحساب بعض السيارات المعروضه لتنازل بالموقع وصراحه حسبه ممتازه وطبعا بعض السيارات يكون فيها صدمات تنزل من المبلغ المطلوب وايضا بعض السيارات غير مرغوبه تنزل من المبلغ وبعض السيارات بدل ماتدفع القيمه له وتاخذ مستعمله تقول بدفعها لشركه او الراجحي وتاخذ موتر جديد وكاله ع يدك وقسط اقل لان عبدالطيف جميل قسطه اعلى من الراجحي ولاكن ابو جميل تامينه ممتازه وعلى 4 سنوات ام االراحجي 5 سنوات شكررررررررر


up 0 down 0
امير الاصيل 1714
قبل 6 سنه و 11 شهر



ابو عبد العزيز... دا مجرد افتراض ... لأن ما بعد ذلك تحتاج السياره لصيانات مكلفة ... وجودة السيارة تقل كثيرا

ولو 12 قليل خليها 15 ولايهمك


up 1 down 0
rashidy 354
قبل 6 سنه و 11 شهر



اذا انا ادفع ٥٠ الف و انت تدفع ١٥ وتروح ٣٥ بكل برود 

هذا في حاله ان السياره من الصدام للصدام وكاله مافيها ملاحظه

يعني يكون دفع عنك جزء من الدفعه الاولى 

زين انا بطلع سياره تعال ادفع عني الدفعه الاولى 
انا بستخدمها سنه وادفع اقساطها كامله واشيك عليها مسمار مسمار 
بالوكاله مع كل صيانه 

وبعد سنه تعال استلمها ووكمل اقساطها شرايك


up 0 down 1
xpoldx 1432
قبل 6 سنه و 11 شهر



طيب

انت دفعت دفعة أولى 50 الف وصار قسطك 1000 ريال يعني خلال شهرين تكون دفعت 51000

بينما لو حسبناها مثل حسبتك بدون دفعات يعني قسط 2250 رح يطلع لنا خلال شهرين 4500 ريال

فلو حسبتها بهذه الطريقة الى مدة سنة او سنتين او تثلاث رح تلاقي ان أبو الدفعة 50 الف دفع اكثر من اللي بدون دفعة يعني لو فكر يرجع السيارة شي طبيعي يطلب مبلغ اكثر من اللي بدون مادفع دفعة


up 0 down 0
chevrolet zr1 611
قبل 6 سنه و 11 شهر



الحسبة الصحيحة من وجهة نظري تعتمد على باقي الاقساط والدفعة الاخيرة
مثال كامري 13 صاحبه دافع 50 الف دفعة اولى ودافع 20 الف اقساط على 20 شهر والدفعه الاخيرو 20 الف
وقيمته الان 70 الف 
الحسبة كالتالي 
ادفع لصاحبه 30 الف+ 40 الف اقساط+ 20 الف دفعه اخيرة = 90 الف 
يطلع عليك الموتر ب 90 الف وبكذا يكون مخارج معك ومخارج مع راعيه وحتى المشتري دفع زود بسيط 
وكل سيارة لها حسبة خاصة لان فيها سيارات تطيح قيمتها بقوة والدليل فيه اعلانات معروضة للتنازل بدون مقابل لانها
بمجرد ماتمشي 10 الاف كم تنزل من قيمتها ا حوالي 25 بالمية 
وجهة نظر


up 0 down 1
أأبو نوااف 1641
قبل 6 سنه و 11 شهر