وين المراكز المعتمدة والموثوقة في مجال تسييخ الرديتر

وش نوع سيارتك وقير عادي او اوتوماتيك

بعدين ما فيه مركز كبير لتسييخ الرديتر كلها محلات عاديه بفتحه وحده ولا تحتاج قطع ولا شيء
ترجع لاحترافية العامل نفسه فقط ما عليك من كبر المحل

كامري 2010 اوتوماتيك انا عارف علی احترافية العامل نفسه بس ماعرف احد ثقة 
اعرف ميكانيكي اخصائي زيوت قير كهربائي 
لكن مسيخ رديتر ماعرف احد للحين

الكامري فك الرديتر حقها سهل ما يحتاج وقت حتى وفيه مساحه كافيه بين الرديتر والمكينه وصيانته ما تكلف
ولا يحتاج تخلي السياره عنده وتروح يكفيك ساعه تقريبا وانت عنده يخلص بحدود 100 ريال

مشكور ابو عبدالعزيز 
بس السيارات الي صار لهم مشاكل خلط الزيت بالماء من ابسط السيارات واسهلها مثل الفوردات موديلات التسعينات ودداسن وكرسيدا 
وراحت مكاينهم وبعضهم اخذ تعويض بعد الشكوی بالشرطة وبعضهم الله يعوض عليه 
والي قالي هالخبر كهربائي يعرف الوالد من 20 سنة وهو يشتغل بالصناعية نفسها وحذرني منهم 
خصوصا صناعية النسيم طريق الميه علی الخدمة عند محلات الزجاج وقبل محلات قطع الغيار مجموعة محلات يم بعض رديتر وشكامين وفريون مكيف 
شكلهم كانوا سباكين ولا مليص وجاي يتدرب علی سيارات الناس الي مالهم ذنب

ما اعتقد يخلط
ممكن تحصل مشاكل خلط الماء مع زيت القير لان مبرد القير لاغلب السيارات الاوتوماتيك داخل الرديتر
لكن الكرسيدا والددسن مافيها مبرد قير كيف يخلط الزيت والماء

مو زيت القير زيت الماكينه يعني توضيب كامل

ابتسم فليس هناك ما تخسرة 

انا كنت انظف مبرد القير في البيت بطريقة سهلة استمريت عليها سنة كل ثلاث شهور بحكم اني ادخل مناطق رملية وردميات 
كنت اجيب لي البيت واحطه على المبرد من فوق وتحت ويصير دفع الموية خفيف وكنت اشوف كمية التراب الي تطلع منه
مع الموية 

هالطريقة دلني عليها مكانيكي تركي يقول افضل من انك تروح لواحد يقعد يخترع عليك ويقول بفكه ومدري وشو

وموتري امريكي فورد F150

انا سيخت لديتر موتر بصناعية الدايري الجنوبي قبل يمكن خمس سنوات كان فورد ماركيز 97 عند واحد يمني الجنسية بس والله ما رحت من عنده وحتی الموية شاريها اصلي مع موية مقطرة وجيت وجلست واشوف شغله وما تزحزحت حتی خلص ورجع كل شي بلد والحمد لله بعدها يمكن بثلاث سنوات بعته وما شاء الله ما صار شي ولا عرف الحرارة
فنصيحتي خلك عنده وسوي انك فاهم وادخل معه حتی في الكبوت 
وموفق

إن كنت في الرياض
هناك ورشة صغيرة زي ما قالوا الاخوان في الصناعية القديمة الفني باكستان لكن اشتغل موتري لاندكروزر رقم جواله 0502603304
والله ينفعك..

بدل الرديتر و ريح راسك و جيبك

يعني لو السيارة اتوماتك و خلط الزيت مع الماء القير يتاثر و تدخل في مشاكل قد توصل الى توضيب قير