أضف سؤال أو موضوع جديد          

وين المراكز المعتمدة والموثوقة في مجال تسييخ الرديتر

up 2 down 0
flower47 299
قبل 8 سنه و شهر



السلام عليكم ورحمة الله وبركاته 
ياشباب هل في مركز أو ورشة معتمدة مثل ميزان العضيب لها سمعتها الطيبة بين الناس وشغلهم المضمون في مجال تسييخ الرديتر في مدينة الرياض لأن المحلات الي بالصناعية الي اغلبها باكستانيين حذروني منها كذا سيارة سيخوا عندهم وبعدها تسبب مشكلة في خلط الزيت بالماء ولا حسيب ولا رقيب عليهم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وش نوع سيارتك وقير عادي او اوتوماتيك

بعدين ما فيه مركز كبير لتسييخ الرديتر كلها محلات عاديه بفتحه وحده ولا تحتاج قطع ولا شيء
ترجع لاحترافية العامل نفسه فقط ما عليك من كبر المحل


up 4 down 1
أبـو عبدالعـزيز -141
قبل 8 سنه و شهر



كامري 2010 اوتوماتيك انا عارف علی احترافية العامل نفسه بس ماعرف احد ثقة 
اعرف ميكانيكي اخصائي زيوت قير كهربائي 
لكن مسيخ رديتر ماعرف احد للحين


up 1 down 0
flower47 299
قبل 8 سنه و شهر



الكامري فك الرديتر حقها سهل ما يحتاج وقت حتى وفيه مساحه كافيه بين الرديتر والمكينه وصيانته ما تكلف
ولا يحتاج تخلي السياره عنده وتروح يكفيك ساعه تقريبا وانت عنده يخلص بحدود 100 ريال


up 3 down 0
أبـو عبدالعـزيز -141
قبل 8 سنه و شهر



مشكور ابو عبدالعزيز 
بس السيارات الي صار لهم مشاكل خلط الزيت بالماء من ابسط السيارات واسهلها مثل الفوردات موديلات التسعينات ودداسن وكرسيدا 
وراحت مكاينهم وبعضهم اخذ تعويض بعد الشكوی بالشرطة وبعضهم الله يعوض عليه 
والي قالي هالخبر كهربائي يعرف الوالد من 20 سنة وهو يشتغل بالصناعية نفسها وحذرني منهم 
خصوصا صناعية النسيم طريق الميه علی الخدمة عند محلات الزجاج وقبل محلات قطع الغيار مجموعة محلات يم بعض رديتر وشكامين وفريون مكيف 
شكلهم كانوا سباكين ولا مليص وجاي يتدرب علی سيارات الناس الي مالهم ذنب


up 1 down 0
flower47 299
قبل 8 سنه و شهر



ما اعتقد يخلط
ممكن تحصل مشاكل خلط الماء مع زيت القير لان مبرد القير لاغلب السيارات الاوتوماتيك داخل الرديتر
لكن الكرسيدا والددسن مافيها مبرد قير كيف يخلط الزيت والماء


مو زيت القير زيت الماكينه يعني توضيب كامل


up 0 down 0
flower47 299
قبل 8 سنه و شهر



ابتسم فليس هناك ما تخسرة 

انا كنت انظف مبرد القير في البيت بطريقة سهلة استمريت عليها سنة كل ثلاث شهور بحكم اني ادخل مناطق رملية وردميات 
كنت اجيب لي البيت واحطه على المبرد من فوق وتحت ويصير دفع الموية خفيف وكنت اشوف كمية التراب الي تطلع منه
مع الموية 

هالطريقة دلني عليها مكانيكي تركي يقول افضل من انك تروح لواحد يقعد يخترع عليك ويقول بفكه ومدري وشو

وموتري امريكي فورد F150


up 1 down 0
naac 2 2722
قبل 8 سنه و شهر



انا سيخت لديتر موتر بصناعية الدايري الجنوبي قبل يمكن خمس سنوات كان فورد ماركيز 97 عند واحد يمني الجنسية بس والله ما رحت من عنده وحتی الموية شاريها اصلي مع موية مقطرة وجيت وجلست واشوف شغله وما تزحزحت حتی خلص ورجع كل شي بلد والحمد لله بعدها يمكن بثلاث سنوات بعته وما شاء الله ما صار شي ولا عرف الحرارة
فنصيحتي خلك عنده وسوي انك فاهم وادخل معه حتی في الكبوت 
وموفق


up 1 down 0
ابوخلوودي1 5070
قبل 8 سنه و شهر



إن كنت في الرياض
هناك ورشة صغيرة زي ما قالوا الاخوان في الصناعية القديمة الفني باكستان لكن اشتغل موتري لاندكروزر رقم جواله 0502603304
والله ينفعك..


up 2 down 0
abdullah md 21
قبل 8 سنه و شهر



بدل الرديتر و ريح راسك و جيبك

يعني لو السيارة اتوماتك و خلط الزيت مع الماء القير يتاثر و تدخل في مشاكل قد توصل الى توضيب قير


up 2 down 0
ameen ghanoum 163
قبل 8 سنه و شهر