أضف سؤال أو موضوع جديد          

الطريقة الصحيحة والمناسبة لقيادة سيارتك وسلامتك

up 10 down 2
abofarah 1044
قبل 4 سنه و 3 شهر



اسعد الله صباحكم وايامكم يا اخواني ، قبل ايام كنا نتكلم عن مشكلة الشباب هاليومين اللي يجيك حاط زينون ب200 ريال ومعمي خلق الله والاخير لاهو مستعجل ولا شي بس اذية خلق الله في ارض الله فقال لنا احد الاخوان على كلام ضابط في مرور الخبر انتبهوا انتبهوا لا تحاول تتحدى مع اي احد في الطريق بالعكس اي احد يحاول يضايقك حاول تهدي الامور لان اغلب الشباب هاليومين (الشباب الطايش) يصدمك بونيت والا هايلكس ولايهتم يقول راس مالها تامين بيصلح موترك وانت تعبان على سيارتك شاريها وكالة لكزس والا عاد حتى لو كورولا ماترضى احد يصدمك باستهتار . 
فانصيحتي لكم ياشباب حاولوا تتجنبون اي سوء تفاهم او مضايقه خلال قيادتكم سواء كنت لوحدك او مع اهلك تحاشوا الناس الهمج اللي يجيك يشطف ويحد ويكبس النور خل اعصابك بارده عشان توصل سالم والسلام . 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انا مع اهلي امسك نفسي و لا ارد على احد 

و اللي يصدم سيارتي متعمد و الله لانشبه في اقرب عمود عشان اذا ابوه ما رباه نخلي العمود يربيه 


up 12 down 1
ابو ناشي الزهراني 548
قبل 4 سنه و 3 شهر



ابو ناشي ههههههههههههههههه

ياصاحب الموضوع مشكور وجزاك الله

والله ان الضابط صادق في كل كلمة

خلك في حالك

بس وش نسوي للناس اللي نشبة يعني يبي يحدك بالقوة ويبي يوقفك بالقوة 

وكل شوي جاي فوقك ع البيبان ويوقف في وجهك

وش الحل معه ؟؟؟؟


up 3 down 0
coco13 849
قبل 4 سنه و 3 شهر



هذا من همج بعض الناس اللي يصفون كل متهور اثناء القيادة انه شباب طائش

انا امس الساعة 10:45 وصلت مستشفئ عسير عندي اختبار الساعة 11
ويوم دخلت تذكرت ان الورقة اللي ملزوم اجيبها للاختبار نسيتها بالبيت
كان صاعقة ضربتني

والحمدلله ان الكبااااااس معي .. حبتين ههههه

وررجججلككك يا ولد
شغلت النور العالي وفصلت التراكشن وشغلت الباور وولعت الفلشر .. والى خميس مشيط

قسم بالله اني تهورت تهور ملعوون والدين

اللي ابغى اوصل له
ان بعض الناس يبعد من طريقي فااهم اني مستعجل بقوة بقوة

وبعضهم يحسبني خبل ومستهتر وتشوفه يعاند هذا الززززه في اقرب صبه لاني بااايعها بتبن
عندي اختبار ولو فاتني اعيد الترم كامل
غصب عنك تبعد او بادفنكككك بالطريق


يعني الناس اللي تمشي بالطريق
اكيد فيه ناس جاه خبر ابوه متوفي قريبه .. حريق ببيته .. اختباار .. زوجته تصيح بالبيت لوحدها
مثلا خرج من عمله علشان يوصل ولده للبيت حصل المراقب جاء لعلمه يسال

الزبده فيه اكثر من حاله وعذر

لكن اللي يجيك زنون وتغبيره ورقم البيبي ورى .. في الارجح انه طائش




up 10 down 14
صبي بني بشر 474
قبل 4 سنه و 3 شهر



احيانا يجيك واحد ينرفزك
البارح بمواقف حقت مول ضيقه 
ابي اطلع من الموقف وفيه واحد واقف بالسياره وراي عند الصف الثاني
يعني صعب اطلع لازم اقدم وارجع 6 او 7 مرات عشان اطلع
وهو واقف يكلم بالجوال بالسياره ويشوفني داق الريوس ولا اهتم
نزلت عليه قلت له قدم او ارجع شوي عشان اطلع
يقول يمديك تطلع
طيب يمديني اطلع ليش اقدم وارجع كم مره واحشر نفسي والغبي هذا واقف وراي
وجالس بالسياره يعني يقدر يقدم عني
ودك بالحالة هذي معاك شاص او همر تدق ريوس عليه تصدمه كأنك ما شفته وتمشي وتخليه
جالس بالسياره ومتعمد يتعبني ارجع واقدم
وشافوه كم واحد من الناس وشافوني اتصايح معاه قالوا له قدم وتراك غلطان ليش ما توخر عنه
المهم وانا راجع دقيت باب السواق متعمد على خفيف وهو مطلع يده من الشباك يدق على الشنطه ههههههههه
مشيت وخليته معاه اكسنت


up 5 down 2



صبي بني بشر 
العالم ماهي مسؤوله عن دلاختك واهمالك تنسى اوراقك وتنكب خلق الله بسرعة 
تلزه باقرب صبه اجل .. مالقيت رجل نزل واعطاك اعطاك الين قال بس ووراك الهياط اللي انت عايش فيه والهمجيه
بعدين ع قولتك اللي يسرع يكون عنده ظروف :
ابوه متوفي مثلاً يبي يلحقه بتهوره ذا ؟ ابو شخص ما توفى يوم يسرع وش يستفيد خلاص صار اللي صار ولا حق ان شاء الله
حريق ببيته ؟ وش عنده سوبرمان الرجل المنقذ !! يابوي يدق على الدفاع المدني وانتيهنا 
اما بالنسبه لاختبار نفس حالتك .. والله ماتسوى ادهور نفسي ولا غيري عشان اختبار دنيا ولو احلف ان عشان اختبار الاخرة (الصلاة) ماتسرع كل هالسرعه !




up 14 down 8
fx2y -202
قبل 4 سنه و 3 شهر



صبي بني بشر

مانتكلم عن الحالة اللي صارت لك

بعضهم كذا يجلس رايح جاي فوقك زي اللي يبي يصدمك والا يخوفك

لكن تشوف واحد داعس ومولع العالي وماتوخر له

هنا المشكلة

اكيد عنده شي 


up 1 down 1
coco13 849
قبل 4 سنه و 3 شهر



انا اكثر ما استغرب منه يجيك واحد يمشي مليون ويعميك بالنور حقه واذا عطيته مجال طلع مع اول مخرج ههههههه سبحان الله ناس ماتستحي تفعل ماتشتهي 


up 1 down 1
abofarah 1044
قبل 4 سنه و 3 شهر



شباب مره صار لي موقف ززمان للحين مانسيته هه

جاي من الديره انا وابوي واخوي الصغير وانا اسوق المهم حنا راجعين من الديره وداخلين تبـوك

قدامي دوار وزحمه من اليسار جدا بس يمديني اخش الدوار قبلهم 

الا ويجيك واحد من نصهم داعس وانا بنص الدوار يارجال تفل علي حسيت التفله وصلتني الله يكرمكم وانا توني معشق الثاني ابي اوخر عنه ههه

بغى يخش في جنب الموتر ويعدمني انا واخوي المهم اني طنشته وماديورت عليه

وحنا مروحين اخوي يقول لي يالرمه ههه الرجال تفل عليك وتركته ههه

ياناس انا فكرت بعقلانيه اول شئ انا غلطان وخاش بوجيهم وجايين من سفر وابوي معي وما ادور مشاكل

نصيحه اخويه اذا كنت ترى نفسك غلطان بحق شخص فلاتظهر شرررك لانه هو على حق والله معــــــه





up 9 down 0
منخشق 667
قبل 4 سنه و 3 شهر



الموضوع بسيط للغايه 

لو المرور يساعد هالشباب الطايش و يفتح لهم حلبات سباق مخصصه للسرعه 

لجل يفك عنهم شوي أفضل

بعض الشباب ماخذين الخط السريع سباقات و السبب مافي مكان يتسابقون فيه سوى الخط السريع 


انا اتضايق كثير من اللي يسوون كذا و خصوصاً اني بشكل يومي 200 كيلو و اشوف السرعه الزايده 

بس ما نبرر الخطا على الشباب 

معليش مثال سياره من الفئة الصغيرة ( يارس - اكسنت - ريو ) كلها مكينه ضعيفه مره من 1.3 إلى 1.6 

مو مخصصه للسرعه تلقاه ماشي بها 200 و هي كلها مثل الورق لو حصل حاجه لا قدر الله تفرتكت .... 


فياليت يكون فيه أماكن تبعد هالمتهورين على باقي المسافرين 


up 1 down 5
xxxthegiantxxx 366
قبل 4 سنه و 3 شهر



مشكله  لاصدمك وخربت موترك وشايل لوحاته  ولاتقدر تطرده الى اذا فيه  واحد بيفزع معك 


up 3 down 0
سكودر 14901
قبل 4 سنه و 3 شهر



اذا اهلي معي اكون مؤدب 
واذا محد معي في السياره تصير سواقتي السرعه و الغضب 


up 0 down 6
abo a7md017 35
قبل 4 سنه و 3 شهر



نصيحه ﻻتخطي على أحد..لكن أذا أحد اخطا عليك وعلى قولة من جدﻻن مدام تمشي مشها..وأذا تشوف أنها ماتمشي ﻻوالله أدبه تأديب ماينساه أذا تقدر واذا ماتقدر فالدعاء طيب..




up 2 down 0
أبو ظافر 52
قبل 4 سنه و 3 شهر



مايمدي يا اخوان واحد من معارفنا معه سوبربان ومعه اهله جاء واحد كذا طاير من وراه ودفه وانقلب هو واهله فإنتبهو يا اخوان من هالاشكال وتحسبه وقف راح وخلاهم


up 1 down 0
mrx15 237
قبل 4 سنه و 3 شهر