انخفاض اسعار السيارات

ما عندي خبره اقتصاديه و الله لكن تحليلي المتواضع ان انخفاض البترول يأثر على الدول المصدره للنفط و تنخفض اسعار السيارات

لكن الدول المستورد للنفط ينخفض عندها سعر البترول و ترتفع قيمة السيارات 

يعني النفط مرتفع = البنزين غالي = قيمة السيارات رخيصه
النفط سعره منخفض = البنزين رخيص = قيمة السيارات مرتفعه

و فوق ذلك النفط يأثر على انتاج السيارات لأن في اشياء كثيره من مكونات السياره تصنع من النفط

ان بغيت الجد ملينا وحنا نسمع هالكلام قالوا الحين بعد قرار مؤسسة النقد اللي هو تدفع 30% من قيمة العقار اذا بغيت تشتري من البنك


قالوا انه مقصدهم عشان يندق سوق العقار والله لا ادق ولا قاله الله وبالعكس استفادوا هالتجار الطماعين قاموا يأجرون شقق كبر عيني على 25 وعلى 30 الف ويقول لك تبي ولا اطلع فيه غيرك الف ، لأنه عارف انك على قد حالك ولنتاب قادر تشتري بيت ولا قادر تأمن 30 % من قيمة العقار اللي بتشتريه


يعني يا اخوان بالعقل قيمة الفلة اللي بشتريها مليون مثال 1,000,000 يعني يبي لك توفر 300,000 الف عشان تقدر تشتريها يعني بالله ذا المواطن ابو راتب 4000 ولا 5000 وين بيجيب 300 الف منه وغير قصد سيارة عليه وظروف واجار بيت واكل وكل شي غالي




ما نقول الا حسبنا الله ونعم الوكيل

السكن اهم شي من السيارات جعلي امشي بكرسيدا مكربنه لكن اهم شي يحلون ازمة السكن الناس ماتت حرام ، مقصرين على انفسهم في كل شي لا يسافرون ولا يشترون مواتر جديدة ولا يسوون اي شي كله بس عشان يدفعون اجار هالبيت نهاية السنة ولا كل 6 شهور يعني هذا مهب حرررام


الله يفك عوق كل مواطن

شوف اتوقع ترخص بالعالم كله


الا السعوديه ترتفع ماتنقص


لانهم نصابين الوكلاء وماحد محاسبهم

سمعت من موظف في ارمكو يقول يبنزل سعر البترول وهذا يقول مبشر بالخير لن كل شي بيرخص والله اعلم 

شوف يا abo511  صحيح كلامك لزاد الراتب ترتفع الاسعار وهذا ضلم  وش فايده يزيد راتبي والاسعار نار 

أنا أتوقع بعض الوكلاء ممكن تنزل أسعار سياراته شوي ..

عندي أمل كبير في وكيل مازدا مثلاً ، يوم نزل سعر الين الياباني ، نزل من قيمة سياراته ..

فممكن مع هذا الانخفاض تنزل أكثر ..



لكن أغلب الوكلاء - إن لم يكن كلهم أصلاً - بيزيدون في الأسعار لأن أغلب الناس ما تدري عن هذا الانخفاض أصلاً ..

اذا كان فيه انخفاض في اسعار السيارات محا يكون قبل 5 سنوات لان المصنع جالس اكثر من 5 سنوات يشتغل بالغالي ودحين يبا يعوض

اذا اتفقتوا ولقيت حل جذري عطوني خبر عشان ارفعه للديوان الملكي وينزل فيه قرار ملكي

السعر اللي يتحكم فيه العرض والطلب
العرض قليل والطلب كثير = سعر مرتفع (بسبب اقبال الكثير علي شراء السيارات)
العرض كثير والطلب قليل= سعر منخفض (بسبب عزوف الكثير عن شراء السيارات)

ماراح ينزل من اسعارالسيارات الا الشئ الطفيف وبوقتنا الحالي تلاحظ إن اسعار السيارات المستعمله هزت شوي والسبب الناس تورطت في قروض عقاريه وغيره وينحدون انهم يبيعون مواترهم وصار العرض اكثر من الطلب ولاالنفط وسعره ماله شغل ولا المفرزض اول ماينزل اسعار الزيوت اللي كل شهر مرتفعه وبالنسبه للوكالات مارا ح تتأثر  بالعربي ماراح تنزل اسعار جميع السلع الا بنزول الرواتب 

الوكيل ليس منتج للسيارات 
ماعلاقة الوكيل بانخفاض تكاليف الانتاج
راح تنعكس عند منتج السيارات لكن الوكيل سيتحفظ باسعار السيارات 
لانك بكل بساطه عايش بين تجار شجعين وهذه اكبر فرصه لهم لتحقيق الارباح 

موديلات 2016 راح يكون فيها الانخفاض

مافيه انخفاض وذا صار يمكن الفين الى اربعه الاف فى الخليج السيارات منخفضه واكبر دليل الهايلوكس تنباع عندهم بنقص تعدى 20000 الف عن السعودى وينطبق على حميع السلع يعنى مافيه رقابه والتجار ﻻحسيب وﻻرقيب الحل بيد المستهلك مقاطعه

من الطبيعي ان يؤثر سعر النفط على تكلفة انتاج السيارة بشكل عام 
ولكن هذا اثره سيكون بسيط .. لان سعر النفط ينخفض ثم يعاود الارتفاع .. اي ان الانخفاض امر طارئ
ولكن لو استمر هذا الانخفاض بشكل ثابت اي ان سعر النفط بقي على مدار عام مابين 50-60 دولار سوف تلاحظ هذا الاثر 
-----------------------

والله ماتدري 
قبل كم اسبوع باليوتيوب واحد مصور شايب واسم المقطع هامور عقار ويقول بينخفض
وبالثامنه جابو المحلل العمري الاسبوع اللي راح وقعد يقول كلام ياخي ماتدري تصدقه والا تكذبه 
اصحاب العقار بما معناه بيجي وقت مع الانخفاض الموجه ذا لدرجة انهم يشحذونك عشان تشتري 
يعني بالله بالله بالروابي مثال يعني فيلا 280 وبشرق الرياض يعني وسط الرياض بالروابي تسوى مليون وست؟ مين اللي بيقدر ع كذا اذا حسبتها تطلع اغلى من عشر ل 13 سنه
اللي بيشري بيت بيدور شمال الرياض شارع سلمان وورا شف كم عاد كم الاسعار تصير هناك
التوقعات تقول انخفاض

انسى سبقوك فيها وكلاء السيارات من يوم ماحطو ايجار منتهي بالتمليك
ومن يوم نزل التامين على السيارات وهذا يختص بقيمة قطع الغيار
والشراء من الشعب ماشي وكل مالو يزيد
المشكلة في ثقافتنا ماعندنا مقاطعة للمنتجات والسلع والسيارات 
اما العقار كله وهم اعلام رغم ان السوق واقف فيه لكن عباطة الهوامير مثل 
ماهي مافي تغيير ويتحدون النظام 
وماعندنا حنا الشعب الا التفاؤل والتوكل على الله
حقيقة مؤلمة 

انسى عندنا يرخص اي شي