رأيكم ازيرا 2015 نص فل او فورد تورس سياحي 2015

التوورس من ناحية البدي والقوه والامان   الشكل انت احكم 

ولله من وجهة نظري ي اخوي ازيرا كونها فخمه وقطع غيار رخيصه وثلاث وكلاء ب المملكه يعني ماتبلش ب القطع والتورس حلوه كا ستخدام بس الامريكي لافتح حلقه ياكلك اكل 
والف مبروك حبيبي

ازيره اعتقد بيتغير شكله 2016  الكلام من عندي لان السوناتا الحين صارت افخم من الازيره .     (والله اعلم )..

فاعتقد ياانك تصبر . او  تاخذ تورس .

تبي امان خذ التورس

بس ترا حتى الازيرا حلوه 

بس الامريكي امان اكثر ويمدحون العزل بالتورس
بس تراها دبه هههههههه بس شعور رهيب يوم تسوقها

صباح الخير عليك وعلى الجميع راح أسوي لك مقارنه أو بالأصح توضيح بينهم من ناحية 
الأشياء الحلوة فيهم والأشياء الغير مناسبة فيهم نبدأ بالأزيرا من ناحية الأشياء الحلوة فيها
قوتها وفخامتها وأنسيابيتها وبصراحة الأزيرا مره عاجبتني كثييير بس مشكلتها والأشياء 
الغير مناسبة لي من وجهة نظري الشخصية من ناحية قطع غيارها بصراحة أنا أشوف إنها
غالية وأسعارها مبالغ فيها وهذا عيبها الوحيد بصراحة
أما من ناحية الفورد التورس فالأشياء الحلوة اللي فيها وتتفق أيضاً مع الأزيرا إنها قوية 
وفخمه وشكلها إنسيابي ومرغوب وخاصةً شكلها الخارجي مماثلة بشكل كبير من الكليسلر
وأما من ناحية قطع الغيار أخوي معه وحده موديلها 2010 القطع الأستهلاكية أو الميكانيكية
بصراحة أنا أشوفها أهون من الأزيرا في قطع الغيار الاستهلاكية بس فيها أشياء غير مناسبة 
من واقع تجربة من أخي ومن بعض الزملاء أول شيء غالية في قطع الغيار الخارجي مو مثل 
الأزيرا وثانياًأنها شوي حساسه واحد من الزملاء ضرب له حفره على الشارع وولعت عنده
لمبات مدري حقت إيش ولا أحد عرف وش علتها إلا بعد مادخلها للوكالة وهم اللي صلحوها
ثالثاً وأخيراً لو تآخذ الفل كامل راح تنبسط من فخامتها والفل كامل من التورس تتفوق على
الأزيرا ببعض المميزات والخدمات الفخمه والمريحة وأتمنى إني قد وفقت في مقارنتي بينهم وشكراً

اذا كنت تهتم بالعزل الارضي والعزل الخارجي والهدوء   فالتورس صناعه امريكيه تتفوق بمراحل من الازيرا الكوري

لكل سياره ايجابيات وسلبيات

راجع مواضيعي وراح تلقى مقارنه بين السيارتين

التورس تعجبني بس عليك باللون اهم نقطه

بوجهه نظري الابيض  احلى الالوان 

الازيرا حلوه لكن شكلها مستهلك 

يقول الشاعر ( لاتنهي عن فعل وتأتي مثله .. عار عليك إذا فعلت عظيم )

ياخي ابلشتونا قطع الازيرا غالي قطع الازيرا غالي ؟ على بالكم ان قطع غيار التورس رخيص يعني ؟

وكل من قلت له وش السبب قالك شف شمعات الازيرا الاماميه سعرهن 5 الاف ( طبعا اقصد شمعات الفل اوبشن اللي تختلف عن النص فل ) ؟ لكن وشرايك ترى شمعات التورس أغلى منهن بـ 500 ريال ؟ وش رايك ترى شبك التورس بـ 1400 ريال بينما شبك الازيرا بـ 950 ؟؟؟

ثاني شي شف حجم شمعات الازيرا ؟ هل هي نفس حجم شمعات الاكسنت عشان تقول غالي ؟ بعدين فيها ليد + محولات زينون نوع الهيلا ألماني الجيل الثالث + لمبات أوسرام D1S + خاصيه إلتفاف الانوار ( يعني الزينون لو بتشتريه لحاله بتطلع عليك قيمته 2500 جديد و 1200 مستعمل  .. فما بالك بالليد وإلتفاف النور )  

واذا بفكر زي تفكيره اجل بقول الكامري قطع غيارها نااااااااار ؟ والدليل ان سعر الفحمات الاماميه 260 ريال بينما فحمات الددسن بـ 85 ريال خخخخخخخخخخخخخ ؟ بالله عليكم هذي مقارنه 

بالنهايه اقولك ترى الازيرا بشكل عام قطع غيارها ارخص من التورس .. وعشان اكون واضح اكثر ترى اسعار قطع الازيرا متفاوته بحكم ان لها 3 وكلاء .. هذا غير الموزعين المعتمدين  

مثلا فحمات الازيرا الاماميه عند الوعلان من 450 _ 380 ريال وعند المجدوعي بـ 290 _ 270 وعند الناغي 250 _ 220 ريال حسب نسبه الخصم اللي يعطيك اياها .. وكلها اصلي وكاله درجه اولى .. وفيه اصلي كوري ( درجه ثانيه عند المحلات ) بـ 150 ريال 

ازيرا ولا تشاور

لقيت ازيرا 2013 اصفار لؤلؤي ولون الداخليه ماهو بيج لون ثاني مدري شسمه لكن رهيييب
مواصفاتها رادار ومساج و حفظ وضعية السايق وبريك اكتروني و اوتو هولد وتبريد وتسخين وشاشة ملاحه وارباقات جانبيه واماميه وستاير خلفيه
وجنط 19 وسعرها ب 105 طبعا وكيلها الناغي مو اردنيه

واحد من الشباب عنده  ازيرا 2013 نص فل بدون تبريد وتسخين بدون رادار بدون مساج اخذها ب 112الف !!!!

ليش سعر هذي ارخص ؟

بس انا استغربت من سعرها ب 105 وفيها كل هذي المواصفات

اشكركم على الردود جزاكم الله خير ...

مين المجنون اللي يقارن الازيرا بالتورس حت بالرساوة شف اليوتيوب مليان تمشي للفصله والعزل كيف والرساوة كيف صراحه شي خرافي والتورس هم حلوه بس الامريكي معروف لافتح حلقه ابلش به والازيرا شكل احسن نواصفات تحلى اكشخ ماضيها اقدم من التورس بكثير اشياء تتفوق 

التورس افضل بكثير انا مجربها