كيف اطلع راس مال تجاره

ريادة يعطوك ٣٠٠ الف مع المحل وتقدملهم سي في 
كامل. لكن فعلا ماينفع لازم يكون عندك دخل
عشان تسددلهم. والله شوف مشروع من الحين صعبه جدا 
لكن ابدأها حبة حبة. بيع واشتري. عندك مبلغ اشتري
بطايق وبيعها. كد بسيارتك. 

عندي دخل شهري جيد 
وش البطايق الي تقصدها 

هذا سؤال حاليا صعب
خاصة مع التضييق الحاصل من الأنظمة ع المواطن في كل شئ
أجور إقامات
رفع أسعار تأمين
البيع الإلكتروني ممنوع لازم لك سجل تجاري ...
ممنوع تكد بسيارتك
ممنوع وممنوع ........الخ


بينما كل واحد من المعازيب ملياردير وعنده تجارة خاصة فيه ..

احنا لا يسمح لنا بالتجارة ...وتعقيدات

أبوبكر رضي الله عنه ..حينما قال دلوني على سوق المدينة !!!!!

هاذه رسالة بان البيع والشراء للجميع وليس لناس دون ناس
من احتكار للشركات والمحلات ورفع أسعار العقار وغيرها ....


بالاخير
أنصحك بمطعم أو مغسلة ملابس إذا توفر سيولة ....

شف ياخوي انا كنت مثلك في يوم من الايام 

اولا وقبل اي شي اذا عندك شريك امين ونيتك ونيته صافيه من البدايه اقول لك هذا احسن شي ممكن تسويه في حياتك لانك راح تمر بظروف تحس وقتها انك خلاص ودك تهون وتترك كل شئ
وترجع زي اول ولا موظف وقتها اذا كان معك شريك بيساعدك تستمر ويدعمك ويشيل عنك نصف الهم ولو كنتو 3 احسن بعد
والي يقول لك قدر الشراكه مايفوح قل له بلى النار الي تحتها خبيثه صف النيه وتمشي امورك 

اذا بتبدى من الصفر وتبحث عن الحلال اذا كان مشروعك ناجح جدا تبي تبدى تشوف خير بعد خمس سنوات على الاقل قبل هذا الوقت انت ومشروعك عباقره زمانكم

شريكك لازم يشارك نفس الفكره ونفس الفكر ويفهمه كامل مثل ما تفهمه ولا لا تشاركه 

راس المال بالعاده يجي من المستثمرين وليس من تجميع رواتبك ولا تتسلف من هنا وهناك وتصير مديون بالعربي فيه ناس مستعده للمخاطره بفلوسها اذا شافو فيك اصرار وتحكم كامل بالفكره ومستعد بنفسك تديره ولا تروح تتوظف ولا تسلمه لاحد ثاني

شوف هذا المقطع مع اني بكل صراحه ما احب شخص هذا الانسان لكن عنده افكار احيانا مفيده 

http://www.youtube.com/watch?v=HaT_CmqY30M


اول شئ التوكل على الله
 الفكره الصحيحه 
شريك مناسب
البحث عن مستثمر
عدم الظلم او الغش
الجديه وتحمل الضغوط النفسيه والجسديه التي ستأتي مع بدايه كل شئ
لا تستعجل الارباح اذا كنت تقدر تطلع لك مبلغ يسكر مصاريفك فإنت رائع
لا تاخذ راتب مرتفع لان المستثمر راح يحس انك جالس تسرق فلوسه بطريقه نظاميه دائمه خل راتبك انت كمدير اقل راتب بل خله قليل لدرجه تكفيك للعيش اول كم سنه مع الشرط على المستثمر انه بعد ما ينجح المشروع تاخذ حقك المستحق
كون المستثمر اعطاك المال لا يعطيه الحق في اخذ نصف المشروع دائما العب في مجال 20 الى 35% فقط لا اكثر واذا رفض ابحث عن اخر ولا تقلق هناك الكثير يبحث عن طريقه للاستثمار
عندما تبحث عن شريك ابحث عن شريك يملك علاقات عامه كثيره وبالتالي بالامكان الاستفاده من هذه العلاقات لمشروعكم او للبحث عن مستثمرين

وكونك طالب اول شئ خلص دراستك بعدين ابداء المشروع لا تبداء وانت تسوي شغل ثاني لان صاحب الصنعتين كذاب وهذي اصدق مقوله راح تخسر واحد من هالشغلتين يالدراسه يا مشروعك وكونك طالب راح يمنع المستثمر انه يستثمر معك لانك مازلت تدرس وعامل الخطر كبير بالنسبه له

بالتوفيق

mrx15 يعطيك العافيه استفد كثير من كلامك