ابحث عن سياره بحدود 7000 مشورتكم

شوف لك كوري (2000-2004) رخيصة، أوبتيما، سوناتا، أكسنت، النترا، ريو ،، تلقاها بهالحدود وأقل أحيانا

خلك من الكوري كراسيدا 90 -96 بحدود السعر ذا 
وعملية وقطعها موجودة

أفيو موديل 2004 إلى 2007 ممكن تلاقيها بهذا السعر ، وقطعة رخيصة ، والله أعلم . 

ابو احمد الله يسعدك ياصديقي ومشكور عطيتني كم اسم سجلتهم بالنوته مع اني بحثت عن بعضها لقيتها تتخطى حاجز مبلغي

منوعات 2014 تسلم ع النصيحه بس وانا اخوك احاول ادور لي فوق الـ 2000

رعد 4 : والله ياصاحبي الأفيو لقيت والأوبترا برضو بس اغلب الي بحدود مبلغي تكون قير عادي

مدام انك مطفرن خذ قير عايدي نصيحه القير الاتماتيك يشتكون منه في السيارات الجديده فمابالك بسياره ب٧ الاف انت وحظك بس لا تغامر 

لو اني في مكانك اذا ماخذت كابرس 2001 فاني باخذ ماكسيما 99 او 2000

محمد الفهد : والله يالسمي زحمه البلد ابد ماينفع بها قير عادي لو اني بقريه ولا بمنطقه نائيه كان القير العادي عز الطلب لكن هالأيام مع هالزحمه عز الأوتوماتيك وهي ياتصيب ولا تخيب وانا اخوك

الشمري1414 : ان شاءالله باخذ رايك في الحسبان خاصه اني اعشق الكابرس عموما

كابرس او لومينا 2004 او 3 
اخوك جرب الطفرة باللومينا  ههههه
وتراها توافيق العزيز الحكيم بعض سيارة مليانه خرابات لكن تمشي امورك بستر الله سبحانه

طالب العنزي : ارحب والله وانا اخوك مشكله اللومينا والكابرس الحين موسم غلاهم اذا بغيتهم بسعري مالي الا انتظر الصيف
عشان حقين هواجيس الحراره يبدون يبيعون فتبدى تنزل الأسعار مير الشريطيه هداهم الله كلو السوق خلوة مثل الاسهم

كابريس ولا لومينا بحدود 7000 أنحش عنها دامك مطفر 
اخوي معه 2001 ماخذه بـ 6000 بهذله بالخرابات وقطع غاليه 
الرديتر التجاري بـ 300 ريال والاصلي بـ 500  طرمبة الماء بـ 700 ريال  وباعها بـ 3000 
وبعدين اي سيارة تاخذها بهالقيمة اعرف انك تبي تحط كثرها صيانه للسيارة  
شف عرض صني 2015 بدون دفعه ولا كفيل والقسط 777 بالشهر وتريح راسك من القرمبعات ونصب الورش تعبي بانزين وتمشي 

مالك الا السيارات الصغيرة
اكسنت-ايكو-يارس-افيو-تيدا-الخ من موديل 2000 إلى 2007
بالنسبة للقير ما اعتقد يفرق معك اذا عادي ولا تماتيك لان السيارة صغيرة
والسيارة الصغيرة الافضل لها قير عادي أهم شيء السيارة نظيفة ومكيفها شغال
خلاص تقضي مشاويرك فيها حتى الله يرزقك ان شاء الله وتاخذ سيارة متعوب عليها
لقيت لك اعلان شوفه لعل وعسى يعجبك
http://haraj.com.sa/116151557/%D9%84%D9%84%D8%A8%D9%8A%D8%B9_%D8%A7%D9%83%D8%B3%D9%86%D8%AA_2001/

w.asa : هههههه الله يسعدك , من ناحيه اللومينا او الشفر عموما قطعه نار وهي صيدات احيان تطيح في واحد من موظفي ارامكو ماشاءالله تبارك الله تاخذ سياره من تحت رجله زي اللوز واحيان زي ماذكرت وبخصوص الوكاله تبي الصدق جلست اهوجس قبل اسبوع في وكاله جيلي الصينيه اشوف الخلق طاحو فيها وقطعها بدت تنتشر ورخيصه مو غاليه حيل ..

نبيل110: ربي يسعدك ع هالخيارات ومن ناحيه القير العادي طال عمرك كما ذكرت سابقا موضوع الزحمه وبرضو عندي مشكله برجلي اليسرى عشان كذا اتجاهي للأوتوماتيك ومشكور على الإعلان المقترح ربي يسلمك ياصاحب

اخذ لك افيو انا معي افيو 2011 اخذتها بـ 10 الاف ماشاءالله هذا انا اكرفها وماشية معي زي الوردة

بسعر الي معك بتحصل ان شاءالله بموديلات 2009 الى 2010 باذن الله سعرها مناسب وقطع غيارها رخيصة جدااااااا

ليش ماتجرب الكابرس من موديلات 90 - 96 شكلها مقبول كمان تكد معك ماتطلب كثير 
دور واذا لقيت نظيف بحدود مبلغك لاتردد

صني موديل ٢٠٠٤ اتوقع انه تفي بالغرض

هواند سيفيك تلقى بسعركك 2001  والله انه سيارهه 

حبيبي الكرسيدا تبهذلك حراره في الصيف والمكاين ماهي حقت شد 
والكوري كوري علی اسمه مافيه خير 
خلك كامري 94 95 96 بحدود 10 إلی 11 وفي منها اتومتك
هذهي وجهت نظري 

شوف لك كابرس صابونة او فورد قديم
حديد ماحد بيقربـك باذن الله

السلام عليكم شف اعلاني عن لومينا 2006 او كلمني بحصلك موتر لقطه