شوركم بالموضوع

مايصير تعطيه كلمة وتسحب على الرجال ، 
ولو كلامك قبل تعطيه كلمة كان قلت لك لاتقسط ابدا" ، لان اخرتها ماتسلمون على بعض
وماتتواجهون الا بالمحاكم

اكون صادق معك
ما فيه فرحه تجي للواحد مثل سيارة أقساط منحد عليها

طالب جامعي ما يقدر يأخذ من الشركات ولا البنوك

وانت كنت فرجه الوحيد وافقت و انبسط و جالس باحلامه أسبوع

بعدين غيرت رأيك حطمته بصراحة

انت خلك قد كلمتك والرجال عند كلمته

انت ماعندك سالفه يادحيم وأعذرني وأنا آسف جداً لكن لازم اقولها


إذا ماني غلطان لك شهر او اكثر وانت مره اقسط ومره لا

انا انقهرت وانغبنت وانا بس أقرأ الموضوع

باقي كيف خويك اللي قلبه متعلق بالسياره وش تبي يصير فيه وهو ما بين الأمل والخيبه


يارجال الراي رايك والسياره سيارتك

بس نصيحه لا تلعب بمشاعر خويك عطه العلم الأكيد ياتبيعه او لا اما المعمعه ذي تراها ماهي بزينه

انت الي ماعندك سالفة 

بس انا اشاوركم برضاوة الرجال 
لاتجاوب على شئ ماسئلتك فيه يا ابو مرحبا 

انت الي ماعندك سالفة 

بس انا اشاوركم برضاوة الرجال 
لاتجاوب على شئ ماسئلتك فيه يا ابو مرحبا 

والله 6 سنوات طويلة جدا وهذا طالب والسداد هالايام صعب والوفاء به أصعب
وضعك محرج جدا لكن الله يصلح مابينك وبينه يارب

إذا ترى أن ما عليك ضرر أو غبن قسط على خويك طالما أنك أعطيته كلمة يمكن تكسب فيه أجره وإن شاء الله يعوضك الله خيراً من السيارة التي بعتها

عن ابن عمر رضي الله عنهما، أن النبي صلى الله عليه وسلم قال: أحب الناس إلى الله أنفعهم، وأحب الأعمال إلى الله عز وجل سرور تدخله على مسلم، أو تكشف عنه كربة، أوتقضي عنه ديناً، أوتطرد عنه جوعاً، ولأن أمشي مع أخي المسلم في حاجة أحب إلي من أن أعتكف في المسجد شهراً، ومن كف غضبه ستر الله عورته، ومن كظم غيظاً، ولو شاء أن يمضيه أمضاه، ملأ الله قلبه رضى يوم القيامة، ومن مشى مع أخيه المسلم في حاجته حتى يثبتها له، أثبت الله تعالى قدمه يوم تزل الأقدام، وإن سوء الخلق ليفسد العمل، كما يفسد الخل العسل

انت تبي راينا

في معلم فقه يقول أي شي بتسويه قيسه عليك حط نفسك مكانه راح تزعل ولا لا؟؟ اكيد بتاخذ بخاطره وترى تغير النيه موزين يمكن الولد نفسه في السياره وانت عطيته كلمه والرجل تمسكه من لسانه امااذا انت خرطي مع احترامي للك ماعليك شرهه قله يفتح الله غيرت راي وينتهي الموضوع ...حاجه ترفع الضغط

والله يحبيبي صعبة انك تخلي الرجال يفرح وبعدين تحطمه
وبنفس الوقت ترى 6 سنوات مدة جدا طويلة وعلى قولتك طالب جامعي
يعني الحين قول يسدد من المكافأة بس بعد ما يتخرج ما تدري يتوظف على طول ولا .. ؟
 لكن مافي حل الا انك تبيع سيارتك للي سامها وتساعد خويك باي مبلغ يقدر يكمل عليه وياخذ كاش 
ويسددلك فلوسك شهريا

السؤال هو هل هذا جائز ام لا

طبعا انتم ماتبايعتوا عطيتوا بعض كلام بس مافيه لفظ بيع وشراء يعني ماحصل بيع وكان الاولى بصديقك يحسب حساب هالشي

الامر الثاني اذا كان فعلا صديقك فمفترض انه يعرف صعوبة هالشي ويقدر تراجعك اما اذاا زعل عشان هالشي اسمحلي مايقدر الصداقه بقد مايقدر المصلحه

حياك اخوي والله ياصاحبي ماهي بزينه تعلق نفس خويك في الموتر
انا حصلت معي عطيت رجال كلمه وتعلقت نفسه في الموتر وهونت
وربي البيت ماكملت اسبوع الا وراح الموتر تشليح واحمدالله اني سلمت من ذاك الحادث
فانت حاول ترضي الرجال وتصارحه وفي الاخير صاحبك لاتخسره عشان موتر
وصدقني اذا صارحته بيعذرك والله يسر امورك

سبحان الله وبحمده سبحان الله العظيم 
+1