سلمت سيارتي للصيانة

ههههههههههههههههههههههههه مصدق انه في ضمان في السعودية ؟ عشان تستمر معهم في الصيانة 
يابوي حتى لو عيب مصنعي يعلعلونك الين يعوضونك او يصلحون موترك يعني مافي شيء يجي في الساهل من الوكالة 
انا نظامي من عرفت السيارات مادخلتها على الوكالة اطلاقاً اتبع جدول الصيانة الدورية اللي في الكتالوج وانتهينا والضامن هو الله سبحانه.
اجل اربع على تغير زيت وسيفون!! 

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

المشكلة ياخوي كيف امشي بدون سيارة

واذابستاجر اسعار الايجارات نار

عطني حلول

اها .. انا شطحت فالاخير ماشفت قصتك اللي قبل 
عموماً لا تأمل كثير ترى وكلاء السيارات في السعودية هم الاسوء في الشرق الاوسط في خدمات مابعد البيع 
يعني عادي تلقاهم حاكين بالموتر قبل ماتطلعه 
عادي تستلمه وهو مغبر
ويمكن تستلمه وهم عادمين شيء ثاني عليك 
ويمكن بعد يقولون حنا غيرنا قطعه وهم نصابين ماغيروا لكن مافي رقابة قوية 

مره واحد مطلع فورتشنر المهم من ضمن الصيانه انهم يغيرون فلتر الهواء حط على الفلتر القديم علامة 
يوم دخلها الصيانه وطلعها شيك على الفلتر لقى هو نفسه ماغيروها وخذوا قيمة الجديد !!
بعدها ماعاد دخل عليهم !

اتصل نصل 
اتصل على 1900 رقم وزارة التجارة واستفسر عن احقية اعطاءك سيارة بديلة 
او تستاجر على حسابهم المهم يعوضونك عن هالاربع ايام 

الله يعينك , صراحة شي تعجيزي وش الي اذا فوق 15 يوم نعطيك سيارة بديلة , هالايام وش اسوي ؟ تأكد من شروط الصيانة بهيونداي الام لان الوكيل يكون ملتزم فيها وماظن هيونداي تقولك 15 يوم
في صيانة تويوتا اذا السيارة تحتاج تقعد فوق 3 ايام او قعدت هالوقت يعطونك ورقة تستاجر على حسابهم بأي مكتب تاجير نفس فئة سيارتك

والله ما ادري وش اقول لك!!
عندنا شيء يسمى "لجنة حماية المستهلك" وهذه الله يسلمك مثلها مثل "مكافحة التسول"
ههههههههههههههههههههههههههههههههههه
تسمع فيها ولا تشوفها
المفروض يكون فيه سيارة بديلة.. لكن ماعندنا احد يحمينا من جشع التجار ونصب الوكيل!
مو بس في السيارات في كل شيء!
مثال الكهرب تقطع بدون انذار ويقول لك عندنا صيانة!
النت يقطع ويقول لك في تحديث ولا يعطونك خبر اصلا!
واشياء كثيرة من هذا القبيل ولا لنا غير الله نشتكي له!
لكن أفضل حل لك انك تتصل على الادارة وتزعجهم كل يوم وكل خمس دقايق!
قول لهم انا متعطل واخذ سيارة من عندكم والحين ما تعوضوني؟ وين صارت هذه؟
انا عميلكم وتعطوني سيارة معيبوبة؟ وين الضمان؟ وووو الخ أقعد هاوشهم خخخخخ خلهم يقولون وش النشبة ذا عطوه سيارة وفكونا منه!

قرار التجارة واضح

تقول اول مايستلمون سيارتك يعطونك بديلة الاسبوعين مهلة القطع والاصلاح

قد لانتفاؤل كثيرا بسبب تعامل الوكالات معنا نحن المستهلكين
لكن مايمنع ترفع شكوى الحين على وزارة التجارة عن طريق تطبيق بلاغ على الهاتف الجوال ... جرب منت خسران أتوقع 
تتصل عليك الوكالة وتتفاهم معك بخصوص الموضوع بعد الشكوى

امس وزارة التجارة مقفلين الحمراني في جدة .. وللحين فيه ناس يقولون مانت محصل شي خلك > للمعلوميه ماراح تنال عزة النفس الخياليه اللي تطمح لها
وانت كل ماضاع حقك قلت محد عندي .. ماعندي واسطه قوم عليهم وانشب بحلوقهم ورح لوزارة التجاره واشتكي او اتصل .. الربيعه موجود حسابه في تويتر
والوزارة كمان .. فيه مية طريقه لاتقول مايمديني او مافي احد يعطينا وجه قبل ماتجرب