أضف سؤال أو موضوع جديد          

قصتي مع المرور السري

up 11 down 5
سكودر 14891
قبل 4 سنه و شهر



السلام عليكم  

 وقفني المرور السري  كامري 2012  فضي بعد مامرمطت فيه  وش اسوي له ياشر لي ببرقات والدائري زحمه قلت خله يجي وراي لين اخش الخدمه واوقف  حتى هو قالي ليه ماوقفت ياصاحب السمو قلت ياابن الحلال زحمه وانا ماابي اسوي زحمه بشارع ولا ابي اوهقك قال معليك منهم انا معي برقات 

 المهم بعد ماوقفني كاعاده بدون اخلاق  رخصه واستماره  قلت ابشر واجيبها له وقالي مضلل سياره قلت تضليل عادي ماهو قوي وانا سالت شخص بمرور وقالي عادي 

 المهم قالي تدري ليه وقفتك قلت لا قالي ليه تكبس  لناس قلت وش اسوي راعي تريله ودينه حق مويه ماسكين المسار الوسط واليسار وكبست لهم النظام يمسك اليمين قال  ماربطت حزام ولا وقفت لي على طول  ومضلل السياره وتكبس  هذي اربع مخالفات قلت سو الي تبيه انا قلت لك الي عندي والله فوقك عطني الي استحقه ولا تضلمني 

 قال انا ابي  اشوف اسلوبك قلت اسلوبي عادي اذا انا بنظرك اني مخالف عطني مخالفه وانا بسددها قالي انا ماضلمتك  لو ابي اضلم ناس كان سويت تفتيش وانواع  مخالفات ولا ابي ريال حرام بجيبي قلت بيض الله وجهك وقال هذي مخالفه ربط حزام اقل  قسيمه وانتبه  قلت اوكيه حصل خير وبتوفيق  ومشى 

 الزبده  انتبهووو اليوم متشددين بالمره  ومخالفات  كل عسكري معه اربع دفاتر   وقالي بعد المرور قال بحرف الواحد اليوم متشددين انتبه وبلغ اخوياك والي معك وترا اي غلطه سرعه تكبيس تلحيم تضليل ربط حزام مكالمه بجوال كل شي  

 وعلى قولت المثل المصري امشي عدل يحتار عدوك فيك 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ابشرك كل مخرج تفتيش بالخدمة حتى اماكن بعيدة ماتخطر بالبال مثل حي الصحافة داخل الطرق الداخلية وانواع كرات التظليل بالارض واسوأ الاماكن الروضة عبد الرحمن الخافقي ونقطة الغرابي جنب شرطة البطحاء انواع السطحات هناك النقطة هناك ماترحم انتهبو ياشباب والله اذا جيت امشي ابتعد عن النقاط كلها واغير طريقي عشان التظليل ياخوي الخصوصية ضرورية الناس ماتمشي وتناظر بطريقها لا عيونها على سيارات خلق الله 


up 6 down 1
benz lover -72
قبل 4 سنه و شهر



الحمدلله انا مطبق هالمثل 
ولا اخذت الا تظليل وسددتها وشلت التظليل
ممشاي نظامي والموتر نظامي ومرتاااح ومريح راسي
وبإذن لله مايشدون ريال مني  

وشكرآ على التنبيه 


up 3 down 0
السيدالمحترم 552
قبل 4 سنه و شهر



أي صح منتشرين في كل مكان امس محصلهم في الحاره مسوين تفتيش المرور مستنفر الميزانيه فيها عجز 152مليار عشان كذا يبون فلوووووووووووووس فلوووووووووووووس ياحبيبي ادفع يافلان


up 10 down 2
قودزيلا -62
قبل 4 سنه و شهر



واضح التظليل خفيف عشان كذا بالليل وشاف الحزام كيف شافه والسياره مظلله بس عباطه فيه
بس حلوه تكبس حطها مخالفة والله من الفضاوة ويقول ما ظلمتك بعد
يظلم الخط كامل يسبب زحمة زيادة يقول عادي معي براقات وش يعني براقات صارت جسر تفتح مجال للناس
براقات او غيرها تسبب زحمة بوقفتك بالخط


اليوم نازل من الباحه رايح من المطار وما تعديت 100 المهم قدامي تفتيش
طبعا رابط الحزام وواثق انه بيمشيني الا ويقول رخصه واستمارة اعطيته ابتسامه
وقلت تفضل قالي اكيد تعرف وش سويت قلت لاوالله وش السالفه قالي سرعتك 140 جنب
قلت يابو الشباب ماني مجنب والسرعه ماعديتها 100 المهم جاء كامري نفس موتري قالي اسف
مو انت اعتذر منك قلت الحمدلله والشكر واخذ اثباتي وامشي
ابتسم بالله سلملي معك على ابو عبدالعزيز واعتذرلي منه ههههههههههههه


up 2 down 4
الرفاعي33 13823
قبل 4 سنه و شهر



جزاك الله خير علي التنبيه 
+1 


up 1 down 1
توسان 2011 1931
قبل 4 سنه و شهر



وين المرور هذا يوم طحنا بزحمة الدايري الجنوبي بالرياض امس !! 
تخيلوا ياشباب من الساعه 6 الصباح ل12 الظهر والناس واقفه بالدايري !! 
ماشفنا هياط المرور والتنظيم ! ..
تركونا نواجه مصيرنا والناس اكلت بعضها ..
من العطش سرقوا سيارة ديانا .. 
لدرجة ناس تصلي الظهر فوق حراج بن قاسم !! 
مافيه حركة وقف الخط وجاهم احباط ..
مع العلم ان حادث التريله الساعه 4 الفجر


up 1 down 2
faisal_fahd -65
قبل 4 سنه و شهر



هههههههههه يا ساتر اما مع العطش يسرقون وهم بالسيارات وشتاء


المشكله الناس هنا 

تفك التظليل وتوقف عند الاشاره تلقى المواتر الي جنبك قالطه معك تحس انك مفصخ 

وماتقدر تاخذ راحتك في اي شي

انا بالنسبه لي ساكن في الشرق واطلع للجامعه بعد الفجر على طول بيصير فيه ساعتين فاضيه انوم في السيارة

والصراحة منب مرتاح والموتر بدون تضليل والموتر كتم له سنه ونص ,, مخالفه فك التضليل سدد رح ضلل وعلى هالنظام شغالين الله وكيلك


up 7 down 2
طالب متعذب 15
قبل 4 سنه و شهر



ما ترتاح بدون تظليل والناس قالطين معك
شكلك موسوس او تشك بنفسك يعني مافيه بالاشارة الا انت يطالعون فيك الناس
تعالج الله يشفيك من الوسوسة اللي عندك


ما فيه احسن من مرور ودوريات المدينه 
هجدو شياطين الليل اللي يتجمعون وصارو يمشون كذا_____________________________

وهم كانو كذا~~~~~~~//+.,،:؟"؛ـ)(

:)


up 3 down 1
sehly11 643
قبل 4 سنه و شهر



عجبتني انك ماوقفت في الزحام ولايقدر يخالفك لان لو وقفت بيقلك عرقله سيرماعليك منه
ثانيا التكبيس اكيد انك مزعج الخلق والا انه شافك كل شوي تكبس مايعطيك من مرة او مرتين انا ياما كبست لدوريات ماشيه ع هونها ماعطوني انت اكيد مزعج
وهذي يسمونها مخالفه تشغيل انوار التلاقي موجوده بالنظام وعليها 300 ريال كاي مخالفه وتدبل لكنها منقرضه رغم اننا محتاجينها لبعض الناس

حزام الامان معروف انه مخالف التظليل ياخي خلاص كم مرة واحد يتخالف فيه يعني افهموا ممنوع كليا لاخفيف ولاثقيل ليش تاخذونها عناد وانتم في النهاية تاكلونها؟

هذا تعليقي وبس


up 0 down 2
جاسم 12 -252
قبل 4 سنه و شهر




كبست لدورية وماسوى لك شيء ؟ ليش الدورية يمسك يسار ويهدي بكيفه ويعطل مصالح الناس ؟ 
وثانيا اتحدى دوريات ولا مرور ولا اي قطاع من قطاعات وزارة الداخليه ملتزمين بانظمة المرور والسير على الطرقات عند قيادة السيارات الرسمية 
خلاص راكب سيارة رسمية محد يقدر يكلمني ؟ وين يا ابوي !!
وياكثر المخالفات اللي نشوفها على الدوريات والمرور من عدم ربط حزام على قطع اشارة على تجاوز خاطي على تعطيل السير وامور اخرى! 
ومفروض تقدر تشتكي عليهم او في ناس يعقبون عليهم ! لكن لاحياة لمن تنادي 
وتدري ياخي قوة العين والوجه المغسول بمرق يوم يوقفك عسكري وهو ماهو رابط الحزام ويتفلسف عليك ويعطيك مخالفة حزام هههههههههههههههه 
(شر البلية مايضحك) (: !!


up 2 down 1
fx2y -202
قبل 4 سنه و شهر



ايه اشوفهم كثروا الفتره الأخيره
امس اشطف من اليسار لاقصى اليمين على 160 وقدامي دورية هههه ضرب بريك عشان انتبه له الهطف دحدرت وراه لين اخذ المخرج وفركت انا كملت طريقي .. لو جيت قدامه مية بالميه بيوقفني .. لكن الحمدلله سلكت


up 0 down 6
al_orainy 50
قبل 4 سنه و شهر



كبس على الملك 
كبس على اي سعودي
كبس على هندي
مافيه مشكله
لكن على دوريه 
لا تلوم الا نفسك ☺:)


up 0 down 3
sehly11 643
قبل 4 سنه و شهر



شعب فاضي كبسة لحم نقطة تفتيش كبسة دجاج نقطة تفتيش


up 0 down 0
ابو حمد الماربي
قبل سنه و 2 شهر



شعب فاضي كبسة لحم نقطة تفتيش كبسة دجاج نقطة تفتيش


up 0 down 0
ابو حمد الماربي
قبل سنه و 2 شهر