هل أسعار السيارات بموقع حراج مبالغ فيها ؟

الموقع لايهتم بالمشتري الغلبان ..
كل همه العمولة وهل دفعت العمولة وهل عندك نية ماتدفع وهل وهل ..
عشان كذا الشريطي اخذ راحته وسيمت بالخاص بمليون 
وماطقها الشاكوش

كابرس 2005 و نظافته عاديه وماشي فوق 200 الف
راعيه يقول مسيوم 49 الف ونطلب من الله الزود

والشباب يطقطقون عليه يقولون يجيب سعر لا تبيع بأقل من 100 الف

يعرفون مستحيل يجيب المبلغ هذا وهو مصدق نفسه

المشكلة مو هنا 
المشكلة لما تكون السومات مثلا 
10 ، 11 ، 13 
ويجيك واحد مدرعم ويسوم ب 20 والسيارة اصلا ما تسوى 

والمشكلة ما تشوفه مرة ثانية 

صاحب السيارة يجلس معلق على السومة 

تسوم باقل يقلك انسامت ب 20 

اصلا السوم الجاد يكون بعد معاينة السيارة وتجربتها مو بس مجرد صور و كلام فاضي

يارجال انت شوف السيارة اللي تعجبك و قابل الرجال و اعطيه سعر السوق و رح يبيعك

انا ماخذ سيارة من الموقع محدوده ب 48 و اخذتها ب 38 و كان عليها سوم 45 على فكرة في الموقع

و السيارة اصلا سعرها في السوق 35 لاكنها نظيفة و عجبتني عشان كذا زدت عن سعر السوق

المشكله بعضهم يسوم سومه فوق حقها
بعدين يرجع بعد ساعه او ساعتين يقول اسحب سومتي توني انتبه انها مرشوشه او توني اشوف الممشى
يعني يسوم على عماها

كابرس قبل فترة موديل 2007 المكينه مخبطه ولا يشتغل
جاء واحد سامه 25 وهذا سعر النظيف منه وهو شغال

ورجع بعدها بكم ساعه قال ما انتبهت انها مخبطه يعني على اي اساس يسوم

ابليس حاط يده ع راسه وهو يشوف الاسعار .. فورد 97 يقلك مسيوم 33؟؟

والا كابريس 96 طالب فيه 20؟؟

والا ددسن مصدوم ومقلوب وطالب فيه 20؟؟

انزل للمعارض او الحراج لفة صغيره وتعرف ان اللي هنا نصابين مو بس بحراج السيارات
حتى حراج الاجهزة قبل فترة طلبت صاعق اللي ع شكل عصا من هنا ويقولي مسيوم 900 !!!
اصلا مو حق سوم هذا قيمته جديد لو تبيه ماتتعدى 300 قلت له باخذه 200 زعل وقال جاي تلعب علي ههههههههههههههههههههههههههههههههههههههههههههههههههههههههههههههههههههههههه
والثاني منزل اعلان عن اصغر سماعه بلوتوث يستغل الوقت ذا طالب فيها 2500 وهي والله اني شايفها بأمازون مع الشحن وكل شي ماتتعدى 150 ريال

لاتاخذ شي من هنا نهائيا

انزل وخذ فره تحت المكرفون شرط ان تلقى نص السيارات المعروضه بموقع حراج موجوده هناك تحت المكرفوون وماتجيب له 16 الف على بعضها بينما بموقع حراج كاتب السوم وصل 24 الف والبيت قريب

ياحبيبي اليوم واحد عارض كراون ٢٠١١ ماشي ٦٨
وشكلها نظيف. يقول مسيوم ٧٥ وابغا ٨٠ او ٨٥ نسيت والله
معليش معليش هي في سنتها كانت ٢٠٠ الف ريال !!!

في منهم يستخدمون صور من الكاتلوجات جديدة تقول عروس تروح تعاينها وتسوقها**
 تتندم على ضياع الوقت اللي صرفتو عليها فكيف اذا دفعت فلوس **

معروف سعر السيارات في السوق والي ينزل سعرها
1- الممشى والمكينة والعضلات
2- الرش والتعديل
3-الداخلية والديكورات
وأغلب السيارات في الموقع لاتخلو مما سبق!
يعني سيارته ما جابت له شيء في السوق وجاي يعرضها هنا وكل يوم باعلان ويقول مسيومة^_^
مثال :- قبل فترة في الحراج(السوق) شفت كامري 2009 أبيض قير عادي البدي فيه رشوش والمكينة عمر كامل خخخخخ
وحسها مثل دينا ايسوزي ههههههههه ومافي احد حولها وقاعد يحرج عليها 23 ألف
المهم أذن المغرب وسحب سيارته!
وسبحان الله آخر الليل شفت له اعلان في الموقع ويقول مسيومة ب 34 ألف ولا أحد يسوم أقل من كذا!
وذا احد سامها ب25 يقول له خاف ربك لاتبخس سلعتي مو حقها!!
الله أكبر ههههههههه ما شفتك قلتها للمحرج الي حرج لين طفش ولا احد جا يمها وسحبت سيارتك وغبرت!
والي يضحكني انه كثير هبل يدخل بحساباته الثانية ويرفع السوم
حتى تتأكد ابحث في الاعلانات عن اعلان بدون صور!
تلقاه مثلا كاتب أفالون 2007 ماشي 300
وشوف السومات تحت!
بالله كيف تسوم شيء ماشفته ولاحتى فيه صور؟
إما أن الادارة ترجع تنظم موقع حراج وتعطيه مصداقية!
ولا تسكر الموقع أبرك لها ولنا

الاغلبيه لما يشوف اي اعلان. يفكر انها صييده.  ويقول في نفسه ياولد خلني ادفع زياده بس اهم شي نظييف.  وهو ماشاف الا صوره فقط للسياره ويرفع السوم ويسدح وفي الاخير يتعلق صاحب السياره يدور الصامل ولا يلقى احد  ويجلس متعللللق على السومه ومل شوي منزل اعلان جديد وكاتب التفاصيل في الاعلان السابق علما ب انها سيمت بالاعلان السابق ب 55 وهي ماتسوا 30

قبل يومين جتني رساله ع الخاص من واحد سبق وعرض النترا للبيع قبل 5شهور وكاتب في الاعلان السوم 37 الف.  وجيته وشرحت له اننا نبيها لاخوي وبناخذها ب 32 وسحب علي

وبعد 5 جايني تقول ها موافق ببيع ? هههه

مايدري اننا شرينا له سياره  من زمان وهو باقي يدور مكسب 700 و 800 ريال

هل أسعار السيارات بموقع حراج مبالغ فيها ؟


نعم، مبالغ فيها بشكل ملحوظ.

نعم مبالغ فيها والمشكله ماهي المبالغه المشكله النجش الي تعدا حدوده بالموقع

و عليكم السلام و رحمة الله و بركاته
البائع من وراء الشاشة يتجرأ و يستهبل و يضع حد مبالغ فيه
و المشترى من وراء الشاشة يضع سومة و يسحب عليه

ايه نعم مبالغ فيها جدا جدا جدا

حراج متخلفين اجل فرق السوم ٢٠٠٠ و ٥٠٠٠ ههههههه