افضل حل لسياره لكزس مصدوم الرفرف الخلفي

وجهة نظري سمكرة أفضل

التغيير راح يفكون حتى الديكور الداخلي للكتف الخلفي
و ديكور السقف وراح يضبطون الرفرف و يخربون الأجزاء الداخلية

والله انا شايفها بسيطه سمكرها افضل بس وديها عند افضل ورشه ويكون تركي ﻻن شغلهم نظيف

سمكره والسمكري الشاطر يظبطها وماكأن جاها شيء
وخصوصآ العماله الاتراك والفلبيني 
وابعد عن ابو نسافه (باكستاني) وابو فسيه(الهندي) شغلهم فاااشل

تعليقك ياللي فوقي معاكس تماما لاسمك الله يهديك

للاسف يالسيد المحترم اسم على غير مسمى .. 
ابو نسافه وابو فسيه على قولتك .. يشتغلون من عرق جبينهم
ماهم متبطحين مثلك من ورى الشاشات وينتقدون خلق الله وانت ولا تعرف تسوي نص شغلهم .. 

اخوي انصحك تبعد عنرالسمكره ولعب الورش 
روح الوكاله يا طويل العمر و السلامة واطلب القطع و خلهم يركبونها ويضبطوها
السمكره ترى بتندم بعد ما تروح من عندهم من تجربه

ورشة الشباب في الصناعية القديمة 

راح يفرق عن أسعار الورش الثانية لأكن شغله لا يعلا عليه 
تجربه شخصيه 

fx2y
أنت شخص تفكيرك عقيم وضعيف بنفس الوقت
حنا بالسعوديه نسمي بعضنا مثل من جازان ابو يزن واللي من القصيم
قصمنجي وحضري وبدوي 
يعني اذا انت هذا فهمك شيء راجعلك 
ماقصدت سبهم بشخصهم لكن شغلهم اكثره فاشل ادري فيه رجال يشتغلون وابرك منك 
لكن هذا كلام دارج
والتبطح لك ولشكالك مو لي 

يالسيد الغير محترم .. 
قال تعالى ( ولا تنابزوا بالالقاب ) 
وانت تحلل هالشيء وتشوفه شيء عادي انك تنادي شخص ما ب (قصمنجي او جيزاني او جداوي او حضري او بدوي او خضيري او 110 او 220 ) 
كل ذا تشوفه عادي ؟ 
اذا تشوفه عادي فانا وتفكيرك العقيم ماهو انا .. 
لكن انا قد تجادلت معك واخرتها قمت تسبني مثل المطلقة 
عموماً عارف مسبقاً ان النقاش معك عقيم .. لكن وش نسوي الله خلقنا عشان نعلم ونفهم اشكالك المتخلفين ..

fx2y
اسلوبك فاااشل ولو كنت على خطأا لزدت اصرارآ على خطأ ي من أسلوبك العقيم
وكيف سبيتك!! وبعدين لاتدخل الحرام والحلال ولاقلت التنابز بالالقاب حلال
لكن مو كل لقب معناه مسبه او تقليل 
من باب الضحك والكلام الدارج درجو رأسك بالملعب
قرأت لك ردود كثيره تحاول أن تظهر بمظهر الفاهم بينما أنت شخص جاااهل  سفيه
وبما أنك جبت طاري المطلقه فهو ينطبق عليك تمامآ لأنك تفتحك فمك ولاتسكت مثلها 

ولو فيه باكستاني أو هندي لعتذرت له 
وأستغفر لله وتوب اليه 
فحاول قدر المستطاع تغير اسلوبك الساذج  ردك علي ليس فيه قصد إلا الشجار والجدال
ولو كان غير هذا لنصحتني وكنت بموقع الفاهم العاقل لكن بعيده عن الدبيجه اللي تدودلها بين كتوفك
ياااامتخلف  انت ولله العالم عندك عقدة نقص وتبي دكتور نفسي يكشف عليك 
عندك عقده اسمها المعرفه الامنتهيه
أنت مثل اللي يدعون التطوع ويخرج بفتوى غريبه لا فائده منها فقط يريد الشهره والجدال
والشخص اللذي يسب المشايخ ويدعو للفجور وهذا إيضآ يريد الجدال والمشكله يحصلون على 
مرادهم والشره علي لأن فتحت المجال لمتخلف ان يبربر ويثرثر 
يحسب نفسه السوي  وانت العكس تمامآ 

بربر وثرثر واطرح افكارك وأظهر نفسك بالفاهم ولو أحلف انك لاتعرف غير الزيوت
يااااااامتخلف اشكالك كثيرره  

(((انتهى النقااااااش ياااااافااااااشل )))

السيد المحترم وfx2y شكرآ ع الرد والله يهدي الجميع

باقي الشباب اللي ردوا ع الموضوع الله يعطيكم العافيه انا رحت لكذا ورشه مشهوره بالشغل الزين بس احترت اللي يقولي نسمكرها واللي يقولي غير رفرف افضل وانا احترت والله وماهمني المبلغ اللي بياخذه شغل يده كثر حرصي ع الشغل النظيف ويوم السبت بروح لورشة الشباب بشوف وش يقولي فيها والله يكتب اللي فيه الخير ويبعد عنكم شر الحوادث

غير الرفرف لان الصدمه عادمه الطرف الي بين اسطب النور
لو سمكرت الرفرف بيصير فيه فراغ واضح في حواف الرفرف والاسطب صعب يرجع مثل الوكاله 

مشكور ع الرد اخوي حسوف