مواصفات وعيوب جيلي gc 6

خذ اللي اكبر منها ec7 عملية وأوسع ومنتشر اكثر وسعره معقول

اعرف واحد اخذها حول 27 الف ريال
وكالة
وماسمعت ان اشتكى منها بشي بالعكس يمدحها ويمدح سعر قطع الغيار رخيصه
الصدام الامامي بالوكالة 80 ريال
وهذا والله اعلم
بالنسبة للمحركات يقول من شركة سوبارو

طيب تكييفها خصوصا اذا السياره واقفه وصرفيتها للبنزين كيف
 

المحركات حسب ماشفت انها من ميتسوبيشي سوبارو مكاينها بوكسر مستحيل يركبونها عليها

انا ما قيد سقتها لكن ركبتها من جوه وسيعة عزلها الارضي سيء هذي الاشياء الي لاحظتها 

الشي الثاني السيارات الصينية شفتها حوادث تفخفس وتنعجن مثل اللعبة، بصفه عامة ما انصحك فيها. 

نصيحة. اشتر موتر معروف ابوه وجده. 
انحش عن الصيني
يالربع.من طلب شورك دخل بذمتك . اخوكم طلب مشورتكم 
انا ما اشكك برايكم. 
الصيني بختصار خايس
اشتر موتر معروف عندك اكسنت
انت. ما قلت لنا كم. معك
مثلا اكسنت. 2011الشكل الاول بتحصل نظيف ب20 ورده
موتر يكد. قطع غيار منتشر بالبيع لها زبووووون. ورغبه
معروف. تصليحها. وسهله

وش لك بالصيني وقلة حيا
موتر ماتشوفه ابد بالشارع
او. اذا فلوسك فووق 30الف
طق لك كورلا. وانبسط

نصيحه. اخويه.  لاتورط نفسك

الله يجزاكم كل خير كل من رد على الموضوع 
والله يكتب مافيه الخير

وعليك السلام ورحمة الله وبركاته
أهلا بك أخي :)
أنا لم أمتلك ولم أجرب أي من سيارات جيلي، ولكن حسب ما أقرأ وأسمع أن جودتها لا بأس بها وسوف تخدمك بنسبة 97.5% وسوف تخدمها بنسبة 2.5% خلال السنتين الأولتين.

سيارات جيلي مثلها مثل كل السيارات الصينية (باستثناء ماركة MG) لم تصنع بجودة عالية لذلك فلا تستبعد أن تواجه مشكلة أو مشكلتين أو حتى ثلاث خلال السنة الأولى من شراءها.

أنا فاك ونيت صيني من الوكالة، بعد أقل من شهر تفقعت مساعداته الأمامية، وبعد 3 شهور انقطع سير المكيف، وبعد 6 شهور بلف دفاية المكيف صار فيه فتحة صغيرة تهرب منها موية الرديتر، والآن بعد سنة ونصف ولعت لمبة البطارية ولقيت زيت الدرقسون يهرب على الدينمو لحد ما غرق زيت وصار ما يشحن البطارية.

فإن كنت مستعد لمثل هالمشاكل في سيارة جديدة وكالة فتوكل على الله.

أما إن كنت تبي سيارة وكالة ما يصير فيها أي خلل بإذن الله خلال أول سنتين أو ثلاث، فعليك بالتويوتا وإن لم تستطع فعليك بالهونداي.

انا عندي سيارة جيلي g6 الصينية موديل 2015 ماشاء الله خفيفة وجميلة ومكيفها بارد والسيارة فيها مواصفات جميلة


بعد ان تستخدمها تحبها لكن السيارة يبغالها سواقة شايب مايبغالها سواقة شبابية يعني شوي شوي عليها تمشي معاك زي الحلاوة لا تقسى عليها وان شاء الله انها احسن من الاكسنت انا مادري الناس كلهم اذا يبغى سيارة صغيرة على طول يروح باله على الاكسنت لين وصلوا سعرها 40 الف ليش مع ان سيارتي الجيلي سعرها 27 الف واحسن من الاكسنت

نعم انا عندي سياره جلي 6 ماشاء الله لها سنه ماخليت فيها مكان وثلاث علب زيت مع السيفون ومكيف اطلق من تايوتا اول مره استخدمها واعجبتني وسعرها تاخذ سيارتين بسعر كرلا واما عن السيارات الصينيه ماستخدمتها واطلق من اكسنت في كل شئ لاني استخدمة الاكسنت وجلي 6