استفسار عن استخراج اللوحات الطويلة

في المرور 

اول شي تصور الاستماره و بعدين تسدد عن طريق الصراف 100 ريال و تودي لهم الايصال مع صورة الاستمارة و هم يقولون لك متى تراجعهم

طيب لازم سذاذ القسايم

انا ببريدة ابشرح لك الي زينته 
1 - رح مركز الشرطة قدم بلاغ فقدان لوحة وياخذ الاستمارة واثباتك وينزل البلاغ بالكمبيوتر 
2 - رح المرور 
3 - صور الاستمارة والتامين
4 - ورح الصراف تسديد اصدار لوحة بدل فاقد 100 ريال خذ الايصال معك لانه ممكن يسال يقول وينه واحيانا لا يطلع بالكمبيوتر عنده 
5 - بعدين يعطيك ورقة تعبيها بياناتك وتبي لوحة ولا لوحتين وعبها وعطه اياه تبيه ملكية ولا عادية نقل ولا خصوصي 
6 - يعطيك ورقة بلاغ فقدان لوحة اذا مسك تفتيش او دورية تعطيه الورقة ولا يخالفك 
7 - تنتظر 15 يوم لمين تطلع اللوحة وتروح تستلمه 
وبس .. بالرياض تنتظر نص ساعة بس 

للمعلومه بعد كل هذا اذا تتاخر شهر من صدورها يتلفونها وتعيد الشغله من جديد ورسوم جديده

وهذا صار معي انتظرت 15 يوم وراجعتهم قالو العسكري اجازه تعال بعد شهر ولما رجعت قالو اتلفناها


+1 لايك للجميع

تسدد 100 ريال في الصرافة وتروح للمرور وتطلب لوحة علي حسب اختيارك ملكية او عادية طبعا لازم يكون ما عليك مخالفات اهم شي احذر تبلغ الشرطة عن اللوحات بسبب انة راح يسبب لك مشاكل كبيرة في برنامج تم ولن تستطيع لو حبيت بيع سيارتك ان تنقلها عن طريق المعارض بل لابد من ان تنقل عن طريق المرور

مو لازم تسدد قسائم ابدااااااااا انا قبل شهر طلعت لوحتي الملكيه و علي قسائم حول 2000 و لا احد سالني عنها ابداااا 

بخصوص اللي يقولك عشان تغير لوحه تسوي بلاغ فقدان ! مايحتاج ابدا تسدد ١٠٠ ريال بالصراف استبدال لوحات وتروح تقدم طلب ويقولك راجع بعد ٥ ايام اذا مرور ناصريه وتستلم لوحه جديده وتعطيه لوح قديمه 

مرور ناصريه متشددين من ناحيه استماره ساريه ! تامين ساري ! فحص دوري للسيارات اقل من ٢٠١٣ 

رحت قبل اسبوعين وشوي اطلع لوح بدل فاقده ومعي كل شي الا فحص ورفضو واكثر من شخص بيغير لوحه فقط وموب بدل فاقد لازم فحص اقل من ٢٠١٣ وتامين وسريان الاستماره