أضف سؤال أو موضوع جديد          

ماذا تلاحظ عن الشراء في الموقع

up 1 down 1
سيب2010سيب 91
قبل 7 سنه



السلام عليكم ورحمة الله وبركاته
باختصار البيع والشراء في الموقع اصبح محبط محبط محبط محبط اللي معه كسره يبي سعر فووووق ولاهو ببياع مخلي الموضوع لين يجيب موتره شي خيال على باله يضحك بالناس واللي بياع يقعدون يرددون عليه في الردود لين يكويهم في جباههم برد اخير تم البيع خارج الموقع ولله الحمد والسبب الشريطي المخرب وصغار السن المطقطقين . بصراحه كرهت الموقع اصبح جااااااااااااااااااااااااااامد ارض المعارض اهون بكثيــــــــــــــــــــــــــــــــــــــــــــــــــــــــــــــــــــر الله يعوض







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خلها على ربك 
بس لو الإدارة تجتهد شوي وتزيد المشرفين في الموقع 
ولو يكون فيه عقوبه على التخريب مثلا حظر عضوية 
ولو يخلون التسجيل ببطاقة الأحوال عشان لو صار غش في الموقع وأشتكى المغشوش للإدارة
تقدر تطلع الغاش بسهولة


up 1 down 0
allah_yslmny 23
قبل 7 سنه



هنا البلا انو المسيء لا يلاحق ليتهم ياخذون بيانات كل مشترك اقل شي ورقم هويته وينسحب منها


up 0 down 0
سيب2010سيب 91
قبل 7 سنه



الموقع ميزته مريح وانت في بيتك تدور لين تطيح في النظيف

اما المعارض والله صعب تلقى شي نظيف صعب جدا ومن خلال خبرتي بالمعارض اكتشف ان كثير يغير الكبوت ويلعب

على المستخدمين على انه وكاله وماجاه رش وتعرفون ان رشه الكبوت لها اضرار وتطيح نص السعر

ولهذا فرصه الشريطيه ياخذون من المعارض موتر رايح فيها ويرقعونها ويعرضونه على الموقع على انه نظيف بمبلغ خيالي


up 3 down 0
فنان زمانه 227
قبل 7 سنه



للامانة قد بعت واشتريت 
وكل مرا اقول يارب سترك. والحمدلله اتوفقت 
لكن بحكم انو لي في الموقع ثلاث سنوات
واشوف الردود من محبطين ومخربين واطفال وشريطيك
وشي صعب انك تشتري. بس اقرا واخرج
وجهة نظري. اذا بشتري مستعمل. يشدني عرض 
الاسلوب والتفاصيل ويكون واضح للامانة انك كان انسان صادق او لا 
على سبيل المثال. بشتري سيارة ماشية ٥٠ الف كم
موديل ١٢ او ١٣. ويقلي صيانات الوكالة ويوضحلي كل شي 
هنا ماعندي مشكلة اخذ ميكانيكي واروح افحص 

الخوف تنعرضلي سيارة ٢٠٠٦ او ٠٧. ماشية كثير
ويقلك المالك الرابع ويقلك رش في مدري وين ومدري وين
والقى السيارة بدون طاسات فاكها. وواضح انو استعمال
طالب. صراحة مااتشجع. وممكن القى ممشى بسيط وموديل 
قديم وصيانات الوكالة وامور كثيرة تخليني اصدق
قبل الكشف طبعا. لكن برضو يبغالها طولة بال وواحد جدا
مفتح


up 2 down 0
ابو امااني 2067
قبل 7 سنه



أنا  لى أكثر من شهر ونا شبه 24 ساعه بالموقع أدور سيارةنظيفه بسعر معقول  ماحصلت كلها أسعارها فوق سعرها الطبيعى
 بالموقع حصلت أكترس مديل 2006 بطاقه جمركية منفذ الحديثه وهو اخيس منفذ حادها راعيها ب 170؟
رحت المعارض حصلت أكترس  2009 منفذ جدة ب185 
سعر الموقع جدا جدا مبالغ فيها
 المفروض السلعة المعروضه إذا كان مبالغ فيها بشكل كبير يتم حذفها وحضر العضو لعدم جديته في الطرح 
وكذلك الإعلانات القديمه لازم يتم حذفها اتوماتكيا 
وكذلك بعض المعلنين  ثقلاء الدم اللى تحصل له  رد فى إعلانه أنه تم البيع وجارى تحويل العمولة للموقع  وللأسف لاحول عموله ولاشئ ولا تكرم بحذف إعلانه  



up 3 down 0



انا اشوف لو الموقع يضيف فكره السعر نفس cars الأمريكي
تحط تبي جديد او مستعمل كم ميزانيتك بدون ذكر موديل ويبحث لك
وتقدر تبحث في عضويات معرض او اشخاص عاديين

هنا المشكله ماتقدر تفرق بين عضويات المعرض والعضويات العاديه لشخص يبي يبيع
وبعض اخوانا الشريطيين هداه الله ينزل موضوع بيع ويدخل بمعرفاته يرفع السوم فتلاقي الوضع لخبطه يصير
لكن نقول ان شاءالله الموقع في تطور للأفضل وعسى الله يصلح "النوايا"


up 1 down 0
enfield 38
قبل 7 سنه



سبق ان اشتريت وبعت بالموقع 

سيارات و غيرها 

وبصراحه انا من النوع اللي اذكر اي شيء اعرفه عن السياره 
و ابين كل شيء عنها حتى لا اسأل عنها يوم العرض الاكبر 
يوم ماينفعني فيه لا حراج ولا حديد مابينفعني الا ان صدقت وبينت 


قبل كم يوم عارض لكزس ٤٦٠ وموضح كل شيء 
و كانت لشخص اعرفه ونشبت بحلقي زواجي باقي له حوالي ١٠ ايام
وماني فاضي له اتابع سيارته 
قلت بنزلها للنسيم ان جابت سعر راعيها ولا تصرفت 

جاني شخص ما اعرفه قالي هذي معروضه في حراج ؟؟

قلت صحيح انعرضت بحراج ولازالت معروضه 
وركب وشاف و قلبها وذكر الله عليها وقال نفس ماذكر بالموقع 


قلت الحمدلله 

ونزلتها بمعرض افتكيت منها لا يجيها شيء ويبلشني راعيها ماني ناقص له


up 1 down 0
xpoldx 1432
قبل 7 سنه



احسن مافي موقع حراج هو انك تقدر تستعمل موترك وانت عارضه عكس المعارض تظطر لتوقيفها وايضا في نظري له سلبيات ان مو كل من عرض موتره يريد البيع بل اغلبهم يضع سعر فلكي ويقولك جابت السعر بعت ماجابت خلها عندي طبعا بعد  مانزلها المعارض وانصدم من السعر طبعا بالنسبه لي ما عمري شريت ولا بعت فيه بصراحه 


up 1 down 0



المفروض فيه استبيان طويل عريض قبل تنزل اعلان 
اولا يضمنون جديتك في بيع السياره وثانيا اﻻداره تراجع
اﻻستبيان وتدقق على السعر المطلوب وهذا من صالح الحراج
او ع اﻻقل يكون فيه ناس عندهم خبره يقيمون السياره ويعطونها
حقها واللي يلتزم باستبيان اﻻداره وتسعيرتهم راح يعطونه مثلا مميزات
في اعلانه او عضويته وهذا من صالح الموقع والعضو ايضا 
فيه خيارات كثيره لكن ...


up 1 down 0
الشمري 1414 224
قبل 7 سنه



حتى اذا قضيت من المعلن تجيك الردود

يسومون هوا يسوم علطول ويرفع وهو مايدري احيانا المعلن ينزل صورة مركبة
بدون مواصفات واخونا في الله يبدا يسوم ويرفع وهو مايدري 

فلو ان المعلن حاط جميع المواصفات والعيوب لكان اي شخص يسوم وهو مرتاح 



بموقع نعم الاسعار غاليه
والنظيف تحصله لاكن سعر الوكاله
وبعض الناس يرفع السووووم فووق وهو في مكان يبعد عن الموتر1000 ك
مستحيله يشتريه
والصامل قليل ولاكن الصامل يجيك
انا عرضت موتر بالموقع
والسوووم. فوووق وعالي اتصل بهم اللي يطلع بالرياض والي بجده
ويقول. تعال اشوف الموتر
وبعته. لصامل باقل 3500  طبعا بموقع حراج
وكان صامل جدا. مع ﻻنه يبعد1000ك
لاكن ولد عمه. كان قريب مني وجا شافها وشراها


up 1 down 0



تلاقي المعلن كاتب بالأعلان الموتر مسيوم على سبيل المثال 45000 ومن شخص جاد
وبعد يومين تلاقي وضع الحد ب 41000 !!!!
السؤال ليش ما باع لصاحب السومه ولا انه بكذب وما في سومه ولا في شخص جاد


up 2 down 0
ابو فارس10 358
قبل 7 سنه



للاسف الوضع في حراج تعبان جداً 

للمشتري والبايع 

فيه بزران شكلهم عيال شريطيه مسوين بايبيعون ويشترون وهم خراب السوق 

تحصلهم ينزلون السيارات الي بمعرضهم ويزيدون ضعف سعرها ومو خسرانين شي 

والا تلقاهم يزيدون على السعر وهم مو شارين 

وبعضهم يسمو سكر في ماء , مثلاً واحد ينزل اعلان ناقص 

يكتب جيب تويوتا للبيع موديل 2011 نظيف 

يجي مطفوق ويسوم وهو مايدري هو برادو والا افجي والا فورتشنر 

مثل الاشكال ذي المفروض الاداره تحذفهم 

وبعض الاعضاء ينزل اعلان كامل وصور واضحه والسياره تسوى 50 للمستخدم 

يجي مطفوق يسوم 60 و ينحاش و يحط في راس المعلن ان السياره تسوى حول الستين 

لاهو الي خلك تشتري ولاهو الي شرا ,,

ولا انسى بعض الاشخاص الله يهديهم ينزل اعلان بصور ويختار افضل صور للسياره وافضل جهات 

ويوم تشوفها ع الطبيعه تحصل في دقشات وصدمات ماهو مصورها !!




up 3 down 0
mr-medo7 400
قبل 7 سنه



كل الي فوووق يهووون

عند واحد كاتب مسيومه ب77 والحد 78!!

هذي الي مالها مطاااار


والله مامثل المعارض تنزل وتشوف بعينك وتشتري بساعتها