أسعار التأمين - إلى أين

ودي تكون اسعار التأمين 1500 رسوم ثابته 

بشرط يكون التآمين شامل + تسليم الشيك في غضون 7 أيام + تطبيق أشد العقوبات على الشركه المماطله



صدقوني مابتهمنا سعر التأمين لو مان لا توجد مماطله منهم وأكاذيب

لكن اللي يغبنك تصير مجبور تدفع تأمين والتأمين ماهو مجبور يسدد لك

يوم جيت أأمن   لقيت سعر التأمين 600 وشوي    

زودت عليها وأمنت شامل وريحت مخي     

التأمين شامل + سياره بديله  ب 1560 ريال 

وين حصلته ابو 1500 وايش سيارتك

رايح لسما عالي دام مافيه احد يراقبهم ويحاسبهم 

السبب كما سمعت رفع سعر الدية الى 300 الف ريال 
لكن ماهو مبرر الي يسمعهم كأن الي معاه تأمين له نية يذبح خلق الله
وغير كذا اغلب الشركات الحين ما تأمن للسيارات الي موديلها تعدى 5 سنوات 
وما يأمنون لكبار السن لان سواقتهم هادية وممكن تسبب حوادث 
واكثر شي الي ضحكني الوالد راح بيأمن على فورد فكتوريا وقالوا ب 1050 ريال سال الموظف وش السبب قال لان الفورد هجاته كثيرة وطارته خفيفة
وغيره وغيره من اساليب اللعب والاستخفاف بالعقول
اتمنى من مؤسسة النقد
 وقفة وقرارات حاسمة لهذه المشكلة الي تعبت العالم واستنفزت جيوبهم 

التاجر ماصار يملى عينه الربح القليل ومادام مافيه رقابه بيرفع السعر ويزود مكسبه من الشعب

التأمين سويته في شركة التعاونيه 

ضبطني فيه واحد من موظفينهم حاس لي شوي في النسبه وهالامور الين طلع علي ب 1500 وشوي  مع سياره بديله

وحط سعر السياره 45 الف 

طبيعي جداً الارتفاع وبتشوفون أكثر والسبب:

١- ما نظام موجود يكفل لكل الأطراف حقوقها ولو وجد فهو حبر 

على ورق والدليل شفوا أي وثيقة تأمين كل الشروط مصاغة بشكل

يخدم شركة التأمين ويحفظ حقها والمواطن ماله أي حق أو ذكر فيها

٢- الجهة المسؤولة عن مراقبة شركات التأمين الي هي مؤسسة النقد

ساحبة سيفون ونايمة وتاركة الشركات تنهش المواطن ولو اشتكى المواطن

ما راح يجيه حقه الا بعد تعب وجهد مقارنة بوزارة التجارة الي الشكوى عن 

طريقها سهل وحقك ان شاء الله يجيك بسرعة وبسهولة

الله المستعان ...أبغى اوصل نقطة أو فكرة للجميع
طماطم ارتفع ..وزارة تجارة تتدخل ...الأرز ...قطع سيارات ...التجارة
حلووو الكلام !!!

التأمين تابع لمؤسسة النقد ..لذلك التجارة تقول مالنا علاقة !!! إذا ارتفع
الطماطم مفترض تبع الزراعة مع ذلك تدخلتوا يالتجارة فيه !!!!

لعبة كبيره اللي مالهم فيه حطوه تبع التجارة واللي لهم فيه ابعدوه عن وزارة التجارة ....!!!
التأمين تنظيميا خله على وضعه تبع النقد !! أما اسعاره فهذه سلعة ومفترض تكون من مسؤوليات التجارة

ضايعة !!!!!

النظام المروري عندنا فاشل الي يتسبب في الحادث يخلونة يمشي والمتضرر يتبهدل هذا الشي خلا العمالة
الي عنهم سيارات كبيرة يطنشون ويمشون ويصقعون الناس مفروض اي طرف علية الغلط يدفع مخالفة
لا تقل عن 500 لانة تسبب في الحادث ونسبة من قيمة الملبغ الي من التامين للطرف المتضرر لا تقل عن 10%
عشان كل واحد يداري وهو يسوق