لي رأي ووجهة نظر ... ورأيكم يهمنا

المفروض وزارة التجاره تعاقب موقع حراج بعد

لازم يطبق النظام الجديد (أجبار وضع السعر على السيارات في المعارض)

وموقع حراج أكبر معرض بالسعوديه بس الفرق الكتروني

المشكله مافيه مصداقية
بعضهم ينزل صورة يقول شبيهه لسيارتي
وبعضهم ينزل صور قديمة لها 3 سنوات لسيارته مثلا وتجي تشوفها على الواقع تحصلها مختلفة شوي
وكثير من العارضين يخفي عيوب السياره
وبعضهم سيارته تحتاج صيانه او من وقفتها ما هي ذيك النظافة ويجي يقول شوف اخواتها على كم

أسعدني مرورك الكريم .... ولم العقاب عافاك الله ... موقع حراج اختصر على الكثيرين وقتا وجهدا ... شكرا لك ولهم 

شكرا لك أخي الكريم ... صدقت ... والمصداقية والقسم هو الأصل ... ولاعبرة بالقليل الشاذ .... ليت الجميع يستحضر الصدق والسماحة ....

المشكلة الموقع حراج صار كانه احدى مزادات مليئة الشريطية يبخسون شر البخس وانواع الغلاء والنصب لدرجة تخليك تروح دولة ثانية وترتاح من رخص اسعارهم

وين سماحة
لو كان بالمعارض على ارض الواقع فيه كذب كيف بمجرد صور

الله يصلح الحال ... إذن لم لا تطرحون مواضيع عن أخطاء البعض هنا ... وبعض سلبيات الموقع ... حتى يرتقي الموقع بطرحكم ونقدكم البناء ... أسعدكم الرحمن ....

فيه اسباب كثيرة و منها:
الواحد يعرض سيارته بس عشان يعرف سعر السيارة و ما عنده نية للبيع
او واحد يجيك و ناوي يبيع بس سعره مرتفع عن الواقع ...مثلا سيارة بسعر السوق تجيب 20 الاف تلقاه هنا طالب فيها 30 الف 
و على باله محد فاهم في السوق الا هو!!!
او شخص نزل للمعارض و ناوي يبيع السيارة بس انصدم بالسعر اللي جاه و جاك على حراج و يجلس يمدح في السيارة
الين ما يرفعها السماء و يصير عنده حجة انه يرفع سعره

+1

من وجهة نظري أن الكثير جاي هنا عشان ينصب!
مثل واحد عارض سلعة الكترونية قيمتها في السوق ب110 ريال
وهو عارضها هنا ب300 ريال!
ما ادري يحسبون الناس مغفلين!
ياخي شوف أمازون وغيره من المواقع!
بالفعل تشتري وانت واثق وفيه ضمانات والسعر ولا أحلى
من جد تقول لقطة يعني سلعة تشتريها ومع شحنها ماتكلفك قيمتها الحقيقية هنا!
تشتريها من أمازون+شحن+ضمان بسعر أقل من سعر السوق!
وانا قلتها في ردود سابقة البعض جاي يدبس الناس بسلعته الخايسة!(مافي رقابة)
أو يبغى يستخدم سيارة ويكرفها ويبيعها بقيمة وكالتها أو أنزل شوي بكم ألف بس!
الحل::::::::::::-
وجود لجنة هنا في حراج من شأنها تقييم السلعة بسعر السوق ولها عمولة من كل بيعة!
يعني مايجي واحد حاط لي سيارة موديل 2006 ويبي فيها 60 ألف!وهي بالسوق ماتسوى 18 بالكثير!
لازم الواحد يدرس تجارة ألكترونية ويتعلم كيف يكون له عملاء وكيف تكون له سمعة طيبة وكيف يربح بالمعقول!
والله يوفق الجميع

حراج اصبح وكرآ للشريطيه 
لو يجبر البائع لوضع سعر نهائي 
وتصوير السياره من جميع جوانبها مع فتح الكيوت ولو حصل تصوير بطن السياره
افضل يعني مايعرض سياراته للبيع الا بالخطوات هذي
وبالنهايه الفايدة للموقع قبل المشتري والبائع

اغلب الناس فاهميين التجارة غلط ، زي م قلت ربح قليل ، والبركة في القليل 
 -  ﻳﻘﻮﻝ ﺍﻟﺮﺳﻮﻝ ﻋﻠﻴﻪ ﺍﻟﺼﻼ‌ﺓ ﻭﺍﻟﺴﻼ‌ﻡ ﺻﻐﺮﻭﺍ ﺭﻏﺎﻓﻜﻢ (ﺟﻤﻊ ﺭﻏﻴﻒ) ﻓﺈﻥ ﻣﻊ ﻛﻞ ﺭﻏﻴﻒ ﺑﺮﻛﺔ

ﻓﻬﺬﺍ ﻳﺪﻝ ﻋﻠﻰ ﺍﻥ ﺍﻟﺒﺮﻛﺔ ﻓﻲ ﺍﻟﻘﻠﺔ
والله كنت اشتغل قبل 10 سنوات بنصف راتبي وسويت حاجات م اقدر اسويها براتبي الان .. السسوق الان.
نجش، تلقي ركبان ، تدليس ، بخس 

عاد الله يصلح الحال ، فكرة تفقيهه الناس بالدين في امور البيع يساعد في تقليل الغ ش

أشكركم جميعا ... يبدو أن الكثير غير راض عن بعض المخالفات التي ينتهجها بعض المخالفين للشريعة وعن الهدف المنتظر الذي وضع من أجله الموقع - هداهم الله  - هدفي من الموضوع وضع سقف للبيع ... وبهذا نحل الكثير من المشاكل ...مثل إبعاد المستهترين ... والشريطية ... ومعرفة قيمة السلعة فقط دون نية البيع ... والصدق في العرض والطلب ...بل وحتى الشراء  عند ذكر السعر الربحي المعقول نقضي على كل مافات ... ونحافظ على الكثير من الأوقات .... ونختصر الكثير من الحوار الذي يؤدي أحيانا إلى الخروج من الموضوع إلى مواضيع جانبية
إليكم بعض نماذج الحوار التي لا ثمرة منها :

س / كم سيم ؟
ج / ماسيم ... ( قد يأتي الجواب بعد دقيقة أو بعد شهر أو لا يأتي مطلقا )   !! 

س / كم حدك ...؟ 
ج / مالي حد ...من حد لد ... !! 

س / أسوم ب 10 ...
ج / مانت حولي ...!! ولاتبخسوا ....

س / قريب والا بعيد ...؟ 
ج / قريب ...

والمسكين المشتري يزاود بالسلعة ...والبائع يرد بعد فترة ..وفترة قريييب والبيع سمح .... 
وعلى هالسيرة ... 

وفي الأخير ماطلعنا بنتيجة ...