هل الورشة السبب 2003
1
1
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
كيف حالكم يا شباب
الزبدة خلونا ندخل فالموضوع
عندي برادو 2003 ماشي 550000 ألف 4 سلندر و كان بأفضل حال وقبل تقريباً شهر ولعت لمبة الزيت
و لفيت ع محطة و اتأكد لقيته محروق تقريباً كان ماشي 3300 بعد آخر تغييره المفروض اغير على 3000
بس نسيت الزبدة اني غيرت الزيت و طفت اللمبة ...
قبل أمس الوالد الله يحفظه خذا الموتر و طلع عليه و هو راجع ولعت اللمبة و طلع صوت من المكينة
مر على ورشتين قالوا انه المضخه اللي تسحب الزيت للمكينه يبغالها تنظيف وافق طبعا بعد مكاسرة الى 600 من 1000
هذا بعد العصر و بعد العشاء طلعنا السيارة و كانت اللمبة مولعة و قالوا انها التمست ...
و اليوم الصبح طلع عليها الوالد و يوم قده قريب من العزيزية طفت السيارة طبعاً ﻷن كبري الحراج زحمه و يحطها عالفاضي
و شغلها و اشتغلت و مشا بعد تقريباً 5 كيلو طفت بس داخل العزيزية عند اشارة وﻻ اشتغلت ماغير دفوه الدوريات بسبب الزحمه ...
بعدها حاول يشغل السيارة و اشتغلت و على طول رجع للدخل يوم قده عند مخرج 27 طفت السيارة و تطلع صوت فالمكينة ...
دق سوتش و هو معشق و جلس يمشيها الى ان طلع من الخط و وقف نزل يشيك اﻻ السيارة بدت تدخن
اتصل عالدفاع المدني جو وطفوها من تحت ﻷنها ولعت و الحمدلله هو سليم و شالها بسطحه و وداها للورشة و جلسوا يقولون انه الحرق
بسبب السوتش طبعاً المكينة ودعت قالوا ﻻزم تغيرها ...
طبعاً صحيح ان الحرق بسيط فالسوتش ... بس هل المكينة خربت ﻷنه ما سووها زين يعني تخيلوا ما كملت 24 ساعه من يوم طلعتها ...
و المكينة ارتفعت حرارتها قبل ﻻ يوقف السيارة ...
فا يا شباب وش الحل ...
هم قالوا بنركب المكينة على حسابنا بس انت اشتريها .
وش اسوي الله ﻻ يهينكم ...
و الورشة اللي جمبهم عطوني فيه 25 ألف
و اما المكينة لقيت 2003 4سلندر ب 7500 مستعمله
اخوكم / ابو داحم الدربي ( تحياتي )
إبلاغ
الردود
لو انه مو منهم كان ماقالوا نركب لك مكينة ببلاش وانت تتحمل قيمة المكينة
كل الشغله ضحك علينا
2
0
و صحيح ما يجي احد يستشيرني فالبرادو اﻻ محدته و قلتله على اللي عندي عن ممشاه و صبره و تحمله
و عن سالفة العين ( انا معي شباب كل يوم نداوم بسيارة و قبل أسبوع جاني ظرف وﻻ قدرت اطلع مع الشباب
و هذيت سيارت الوالد فورد بعدها و لحقتهم قابلني واحد معنا قال ابو داحم انت كل يوم جاينا بسياره ) هذي كلمته و الرجال
الله يهديه ما قال ماشاء و راح و الله انه نغزني قلبي و جلست اقرا و انفث عالفورد و استودعته الله و رحت
فيا اخوان اذا شفت شي يعجبك قل ماشاء الله تبارك الله .. ترا ما تكلفك شي .
2
0
1
0
ما مر اسبوع والا انصدمت السياره !!!!
ياخي ناس عليهم عين حتى لو قالو مشاء الله يقولها بدون نفس ههههههه
0
0
من زمان و انا اغير منه
1
0
و في نفسه حقد و حسد ...
و بعضهم سبحان الله كلمة ماشاء الله تبارك الله على لسانه ع طول و روحه طيبه و ذاكر لربه على طول
ماشاء الله تبارك الله
1
0
عشان كذا الناس يشترون من حقين الجمله
يجيك اصلي ويروح الوكاله وياخذ سيفون اصلي
ترا سيفون البناشر صيني
ويغيرونه عند اي بنشري بس يرفضون يغيرونه لك انت حاول فيه
1
0
صارت علي في سيارتي وغيرت الطرمبه وصلحت الاجزاء التالفه بسبب أني مشيت عليها واللمبه كانت تولع وتطفا فترات
ويوم اعاير الزيت القاه فل لين ولعت وعلقت بدا يطلع صوت فالمكينه
الورشه اللي رحتلها تتحمل جزء من المسؤوليه المفروض يستبدل الطرمبه ولابد يفك أقل شي راس المكينه يتأكد من الاجزاء اللي تضررت من المشي
بدون ما الطرمبه تضخ زيت فالمكينه
أنا غيرت ترس عمود تيمن وطرمبه وقطع قد نسيتها كلفتني مع الشغل ألف وعليها
0
0
عموماً قدم شكوى على الورشة أفضل
0
0
و بإذن الله اني رايح لهم اليوم .
0
0
0
0
المكينة اعطتك تحذيرات لكن انت وابوك م انتبهتوا
معروف لمبة الزيت لاولعت تسفط الموتر عطول وتطفيه وتشيله بسطحه لورشة
لكن انت ماشاء يطقطق وانواع الاصوات ولمبة الزيت شغالة وتمشي عليها وماتبي الموتر يخبط
0
0
كاسترول تجيك علب بلاستيك ابيض وتحت الغطا علامه كاسترول وفيه نوع يجيك اخضر كاسترول ماغنيتك
0
0
اشتكي الورشه لان هم سبب خراب السياره
او انت تتكلم قدام الناس سيارتي ماشيه نص مليون ومافيها شي وجتها عين
قبل 9 سنه و 11 شهر