أضف سؤال أو موضوع جديد          

ليش تحك سيارتي

up 6 down 5
t-m-d 443
قبل 6 سنه و 10 شهر



السلام عليكم 
انا اشتريت سيارة جديده وكاله قبل 8 شهور وساكن في حارة ضيقه نسبيآ 
في سيارة توقف يمين وسيارة يسار وتقريبآ بين السيارتين مسافة 3 متر 
يعني وسع الشارع 3 امتار تمشي فيه السيارة بالراحة 

وكل شهر اشوف حكة بسيارتي مرة في الباب ومره في الرفرف ومره في الصدام 
يأخي ليش تحك سيارتي ؟؟  وش سويت لك !!! 

والله انا مقهور على سيارتي صارت كله حكات اللي يشوفها يقول هذي موديل 2005 
مو 2014 

صار لي فتره اجمع القروش عشان اجمع واشتري موتر جديد وانت تجي تحكه !
اول كان عندي كرسيدا مافيها اي حكه ولا احد يقرب منها 
والحين السيارة الجديد اجلس 10 دقائق اوقفها صح وابعد قدر الامكان عن مسار السيارات 
ولا اضيق فيها احد 
ما اقول الا حسبي الله ونعم الوكيل على من خرب فرحتي بالسيارة 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مالهم ذنب اللي يحكون سيارتك انت اللي ساكن بحواري ضيقه
وتحمل وترا اكثر اللي يمرو من الحواري الضيقه هنود وعمال وغشمان يحكك ويمشي


up 2 down 27
i6rb_ 160
قبل 6 سنه و 10 شهر



مالهم ذنب اللي يحكون سيارتك انت اللي ساكن بحواري ضيقه
وتحمل وترا اكثر اللي يمرو من الحواري الضيقه هنود وعمال وغشمان يحكك ويمشي


up 1 down 22
i6rb_ 160
قبل 6 سنه و 10 شهر



يارجال انا ساكن بشارع وسييع لكن على لفه من شارع عام
والورعان واجدين يسوقون ويجون مع اللفات طايرين

واقعد موسوس اوقفها أحياناً طول وأدخل البيت واهوجس واقول شكلي ماوقفتها صح

وأطلع وأرجع اضبط الوقفه واناظر وأحسب المسافات مع اللفه

لان الورع ماهو مسؤول عن نفسه باقي كيف تقدر تحاسبه.؟؟؟؟؟؟

هذا إذا أصلاً وقف لك بعد ما يصدمك وغيره الشيبان والله مافكر فيك ماعلينا

المهم

أنت في حي ضيق

حاول إذا فيه موقف زين بعيد شوي وقفها

او حط درام وبرزه شوي عن سيارتك علشان اول مايحك فيه ينتبه قبل لا يحك بسيارتك


up 9 down 0
ألو مرحبا 1895
قبل 6 سنه و 10 شهر



ممكن واقف بمحل ضيق أكثر او على لفة بالحارة
لو ما كنت على لفة ما احد بيحك الرفرف أو الصدام
كان تجي بالمراية لو واقف صح لكن مكان ضيق
لكن الواضح وقوفك غلط


up 0 down 3
افتقدتك -62
قبل 6 سنه و 10 شهر



^^ موتري جيب رفيع 
يعني الحكات في الرفرف والابواب 


up 0 down 0
t-m-d 443
قبل 6 سنه و 10 شهر



اخي الكريم هؤلاء ناس في قلوبهم غل وحسد وما اكثرهم 

تجدهم يسابقون الصفوف الاولى في المساجد لكن قلوبهم ممتلئة غل وحقد 

يحقدون ويحسدون على من يلبس الجميل او يشتري الشيء الجميل او الجديد 

وتجد لديهم اموال ربما اكثر منك لكن لا يحمدون الله عليها فاذا سألته عن شيء لا يحمد الله عليه 

واذا شاهدوا نعيما على غيرهم حسدوه وحقدوا عليه فليس لك ضد هؤلاء سوى الدعاء عليهم او احتساب الاجر عند الله 



up 8 down 5
هيثم احمد 130
قبل 6 سنه و 10 شهر



الحمدلله انا ساكن في قريه وعندنى كل اساسيات الحياه 

ونعيش في هدوء ومافي ازعاج ومافي زحمه ولا شي 
اوقف سيارتي قدام البيت ولا اقفلها اصلا والحمد لله وضعي في 

السمبتيك.لا حكحكه ولا صدمات ولا شي

لو رجعت بالموتر ورى بدون ما اطالع مافي الا العافيه هههههه 

.عيشة المدن ما حبيتها ابدد  الله يعينكم عليها


up 9 down 0
abo a7md017 35
قبل 6 سنه و 10 شهر



كان الله في عونك و انا و الله حاس في كل كلمة قلتها ،،

الله يحفظ لك مالك ي رب


up 4 down 1
panamira 1906
قبل 6 سنه و 10 شهر



ياخي ما يحتاج توقف في الشارع الضيق وقف في ارضيه فاضيه او برحه او شارع اوسع قريب من بيتك مو شرط اﻻ توقف عند باب البيت 


up 1 down 5
موستنج جي تي ار 3470
قبل 6 سنه و 10 شهر



الله يعينك والله اخوي مالك الى تسوي زي اوقف اخر الدنيا وين ووين المكان بس راحه لدماغي وراحه لسيارتي ومنها اوفر موقف لسكان العماره خلها تتخدش سيارتهم وتتوسخ شيء راجعلهم  والله يعينك ابوي ابو حمودي ودي احرب واعيش فتره بالقريه معاكم عز الله فله عجيبه


up 1 down 1
احمد شريف 3176
قبل 6 سنه و 10 شهر



شف ياطويل العمر هي على حسب سكان الحي انا وقفت موتري في عند بيت خويي يوم وحارتهم يعني ترقيبن نفس حارتك لقيت مساحات مفكوكه ولقيت مرايته مصفطه ولقيت فيها شخط خفيف 

 ولبقت موتري عند حي راقي  والله جيت موتري ماحصلت فيه شي ماشاء الله ولا كن احد قربه 


up 1 down 0
سكودر 14927
قبل 6 سنه و 10 شهر



شيء يحزن والله
يعني عشان ساكن في حارة ضيقة تنحرم انك تركب سيارة جديدة!
والمشكلة ما تقدر تتهم احد وانت ماشفته يعني ماتقدر تقول انه حاقد عليك او غاير!
حتى ان بعضهم يجي ينزل أهل ويوقف جنب سيارتك حتى اذا انفتح الباب حك في سيارتك!
لكن والله مالك الا تشتري كاميرا وتسلطها على سيارتك واذا شفت واحد حكها خذ التصوير
ورقم سيارته وددها للمرور وخله يسويها وكالة..قسم بالله ماعاد يوقف أصلا اذا سيارتك موجودة


up 1 down 0
نبيل110 329
قبل 6 سنه و 10 شهر



يا شباب في حالة الشكوي في الشرطة علي من يخدش السيارة هل يوقفونة وش يسوون
له الي يستخدم مسار ل حك السيارة


up 1 down 0
الشرقية ماركت 149
قبل 6 سنه و 10 شهر



يارجل انا ساكن بحي ممتاز بالطايف ومعروف ام العراد الشارع قدامي 10 متر والثاني 20 متر 

اليوم نزلت من البيت الساعه 9 صبح واطالع والا القى ورعان معاهم كابرس موديل 2005 وركبو رصيف البيت ولا ورا سيارتي بالظبط 
وعرفت انهم كانوا يفحطون جيت قلت سلامات ؟؟؟؟؟؟؟؟ وش فيه قال حاست السياره قلت لا ياشييييييييييخ جا بيحركون ويشردون 
والا الكفر رجع ورا وصك بالرفرف الامامي والسياره ماتتحر كل مايجي يدعس السياره ترتفع من قدام والكفرات ماتتحرك قلت دقيقه دقيقه وين رايح ترا اللوحه معاي
وثاني شيء السياره ماتتتحرك وتجي تنشب خلق الله وتفحط بحواري وادق على المرور والا هم يتخدعون فيه يقولون تكفى والله سيارت الوالد والسياره قويه وحاست 
وقلت والله اللي تتقرشع الحجز انت واخوياك ولا انك تجيب ابوك قال خلاص اجيب ابوي وجاب ابوه وطلع شايب وضربه قدامي ولعن خيره واعتذر لي قلت له والله مابي منك شيء 
لكن حرام عليك تعطيه سياره وذا فكره اصلا تفحيط وماتفحيط قال والله العظيم مايشم السياره وانا اوريه 


up 4 down 1
do8sh 208
قبل 6 سنه و 10 شهر



الحال من بعضه 
على الله يا رجل


up 0 down 0
starting 1043
قبل 6 سنه و 10 شهر



أي سيارة جديده لازم يحصل فيها كدا

لحد لما تطيب نفسك منها تبطل تنحك

غالبا ممكن بيكون عين صاحب المال نفسه عشان كدا لازم تذكر الله لما يعجبك شيء من مالك

والدليل الكرسيدا ماكان يجيها حكات 


up 0 down 2
rashidy 354
قبل 6 سنه و 10 شهر



اشتر ابو شنب والله محد يقرب حولك الله يعينك مالك الا تنقل من الحاره الى حاره اوسع


up 1 down 0
ahmadinh 2
قبل 6 سنه و 10 شهر