ليش تحك سيارتي

مالهم ذنب اللي يحكون سيارتك انت اللي ساكن بحواري ضيقه
وتحمل وترا اكثر اللي يمرو من الحواري الضيقه هنود وعمال وغشمان يحكك ويمشي

مالهم ذنب اللي يحكون سيارتك انت اللي ساكن بحواري ضيقه
وتحمل وترا اكثر اللي يمرو من الحواري الضيقه هنود وعمال وغشمان يحكك ويمشي

يارجال انا ساكن بشارع وسييع لكن على لفه من شارع عام
والورعان واجدين يسوقون ويجون مع اللفات طايرين

واقعد موسوس اوقفها أحياناً طول وأدخل البيت واهوجس واقول شكلي ماوقفتها صح

وأطلع وأرجع اضبط الوقفه واناظر وأحسب المسافات مع اللفه

لان الورع ماهو مسؤول عن نفسه باقي كيف تقدر تحاسبه.؟؟؟؟؟؟

هذا إذا أصلاً وقف لك بعد ما يصدمك وغيره الشيبان والله مافكر فيك ماعلينا

المهم

أنت في حي ضيق

حاول إذا فيه موقف زين بعيد شوي وقفها

او حط درام وبرزه شوي عن سيارتك علشان اول مايحك فيه ينتبه قبل لا يحك بسيارتك

ممكن واقف بمحل ضيق أكثر او على لفة بالحارة
لو ما كنت على لفة ما احد بيحك الرفرف أو الصدام
كان تجي بالمراية لو واقف صح لكن مكان ضيق
لكن الواضح وقوفك غلط

^^ موتري جيب رفيع 
يعني الحكات في الرفرف والابواب 

اخي الكريم هؤلاء ناس في قلوبهم غل وحسد وما اكثرهم 

تجدهم يسابقون الصفوف الاولى في المساجد لكن قلوبهم ممتلئة غل وحقد 

يحقدون ويحسدون على من يلبس الجميل او يشتري الشيء الجميل او الجديد 

وتجد لديهم اموال ربما اكثر منك لكن لا يحمدون الله عليها فاذا سألته عن شيء لا يحمد الله عليه 

واذا شاهدوا نعيما على غيرهم حسدوه وحقدوا عليه فليس لك ضد هؤلاء سوى الدعاء عليهم او احتساب الاجر عند الله 

الحمدلله انا ساكن في قريه وعندنى كل اساسيات الحياه 

ونعيش في هدوء ومافي ازعاج ومافي زحمه ولا شي 
اوقف سيارتي قدام البيت ولا اقفلها اصلا والحمد لله وضعي في 

السمبتيك.لا حكحكه ولا صدمات ولا شي

لو رجعت بالموتر ورى بدون ما اطالع مافي الا العافيه هههههه 

.عيشة المدن ما حبيتها ابدد  الله يعينكم عليها

كان الله في عونك و انا و الله حاس في كل كلمة قلتها ،،

الله يحفظ لك مالك ي رب

ياخي ما يحتاج توقف في الشارع الضيق وقف في ارضيه فاضيه او برحه او شارع اوسع قريب من بيتك مو شرط اﻻ توقف عند باب البيت 

الله يعينك والله اخوي مالك الى تسوي زي اوقف اخر الدنيا وين ووين المكان بس راحه لدماغي وراحه لسيارتي ومنها اوفر موقف لسكان العماره خلها تتخدش سيارتهم وتتوسخ شيء راجعلهم  والله يعينك ابوي ابو حمودي ودي احرب واعيش فتره بالقريه معاكم عز الله فله عجيبه

شف ياطويل العمر هي على حسب سكان الحي انا وقفت موتري في عند بيت خويي يوم وحارتهم يعني ترقيبن نفس حارتك لقيت مساحات مفكوكه ولقيت مرايته مصفطه ولقيت فيها شخط خفيف 

 ولبقت موتري عند حي راقي  والله جيت موتري ماحصلت فيه شي ماشاء الله ولا كن احد قربه 

شيء يحزن والله
يعني عشان ساكن في حارة ضيقة تنحرم انك تركب سيارة جديدة!
والمشكلة ما تقدر تتهم احد وانت ماشفته يعني ماتقدر تقول انه حاقد عليك او غاير!
حتى ان بعضهم يجي ينزل أهل ويوقف جنب سيارتك حتى اذا انفتح الباب حك في سيارتك!
لكن والله مالك الا تشتري كاميرا وتسلطها على سيارتك واذا شفت واحد حكها خذ التصوير
ورقم سيارته وددها للمرور وخله يسويها وكالة..قسم بالله ماعاد يوقف أصلا اذا سيارتك موجودة

يا شباب في حالة الشكوي في الشرطة علي من يخدش السيارة هل يوقفونة وش يسوون
له الي يستخدم مسار ل حك السيارة

يارجل انا ساكن بحي ممتاز بالطايف ومعروف ام العراد الشارع قدامي 10 متر والثاني 20 متر 

اليوم نزلت من البيت الساعه 9 صبح واطالع والا القى ورعان معاهم كابرس موديل 2005 وركبو رصيف البيت ولا ورا سيارتي بالظبط 
وعرفت انهم كانوا يفحطون جيت قلت سلامات ؟؟؟؟؟؟؟؟ وش فيه قال حاست السياره قلت لا ياشييييييييييخ جا بيحركون ويشردون 
والا الكفر رجع ورا وصك بالرفرف الامامي والسياره ماتتحر كل مايجي يدعس السياره ترتفع من قدام والكفرات ماتتحرك قلت دقيقه دقيقه وين رايح ترا اللوحه معاي
وثاني شيء السياره ماتتتحرك وتجي تنشب خلق الله وتفحط بحواري وادق على المرور والا هم يتخدعون فيه يقولون تكفى والله سيارت الوالد والسياره قويه وحاست 
وقلت والله اللي تتقرشع الحجز انت واخوياك ولا انك تجيب ابوك قال خلاص اجيب ابوي وجاب ابوه وطلع شايب وضربه قدامي ولعن خيره واعتذر لي قلت له والله مابي منك شيء 
لكن حرام عليك تعطيه سياره وذا فكره اصلا تفحيط وماتفحيط قال والله العظيم مايشم السياره وانا اوريه 

الحال من بعضه 
على الله يا رجل

أي سيارة جديده لازم يحصل فيها كدا

لحد لما تطيب نفسك منها تبطل تنحك

غالبا ممكن بيكون عين صاحب المال نفسه عشان كدا لازم تذكر الله لما يعجبك شيء من مالك

والدليل الكرسيدا ماكان يجيها حكات 

اشتر ابو شنب والله محد يقرب حولك الله يعينك مالك الا تنقل من الحاره الى حاره اوسع