تجربتي لنور led على الواطي
2
2
إضغط هنا للإخفاء
السلام عليكم
اول تجربة لي لنور ليد على الواطي لاني شفت اعلانات عن هذا النور وقلت اطلبه من امازون واضمن لي من حيث ضمان وجوده طبعا شريته من امزون و وصلتني للرياض وقلت اركبها بنفسي على سيارتي الالتيما 13 وطلبت نفس مقاس الواطي H11 ركبتها على شمعه و الثاني خليتها مثل ماي هالوجين النور سريع في التشغيل ولا يبيله تحميه ابد وقوي لكن مداه مب ذا الزود على العدسات لكن على العاكس مداه افضل من الهالوجين اول ماشفت مداه مب بعيد قلت شكلي بفكه و ابيعه رحت كلمت اخوي قال رح للغرابي يمكن احد يعرف له رحت للغرابي الاغلب قال انه ما ينفع للعدسات و رفع العدسه ماراح ينفع بعد لانه ما ياثر عليه رفع العدسه مثل تأثير الزينون اذا ارتفعت العدسه مريت على محل في الغرابي عنده ليد لكن مب نفس الي معي حقي امريكي والي عنده صيني محل يبيع زينون بالجمله سواليف انا وياه وقال لي ان هاذا يركب على الكشافات مايركب على الواطي قلت لا انا شايف اجنبي في اليوتيوب مركبه على الواطي وزابط معه بس انا مدري وش المشكله وقال هاته اشوف النور عندي يوم شاف النور اشوف الرجال مستغرب من قوة النور لاني انا قلت له ان قوته نفس قوة الزينون لان مكتوب عليه
الشمعه الوحده = 3200 لومين و الثنتين تصير 6400
قال غريبه الي صاير عندك بس الي اعتقده انه ماينفع للعدسات وانا ارجع للبيت وكلمت ابوي اليوم قلتله بركبه على موترك تاهو 2010 بحكم انه نفس المقاس h11 ورحت لمحل وقلتله يركبها و ما قدر يركبه لان ورى الاسطب الامامي حديده و الشمعه عليها مبرد في حال الحراره العاليه تشتغل و ماركبت و انا اعلنتها الحين في الحراج مع خصم قيمة الشحن الي يبيها بحط الاعلان في الموضوع و كاتب في الحد
الخلاصه : ان النور ممتاز جدا وقوي لكن مداه على العدسات مب قوي ابد وبالنسبه للعواكس مداه ممتاز و الاضاه كذالك كتبت هذا الموضوع علشان محد يغلط مثل غلطتي وقبل ماتشتري شي غالي دايم استشر وهاذا انا الي غلطت فيه طبعا انا اعلنتها اذا جابت السعر المطلوب ولا كلمت امازون اني استرجع السلعه
هاذا سعرها من امازون و مواصفاتها
http://www.amazon.com/New-Brights-LED-Headlight-Conversion/dp/B00MOR4CFQ/ref=pd_sim_sbs_e_1?ie=UTF8&refRID=03RCXXDR5N62SJF3R7S3
وهاذا رابط اعلاني
http://haraj.com.sa/116255508
إبلاغ
الردود
0
0
الليد يصنعونه الشركات غالبا : للاضائة النهارية + الكشافات + الاشارات او الاسطبات الخلفية
لو انك مبّدل العدسات اوفر لك بكثير
تجربة مفيدة لك وعشان محد يطيح بنفس غلطتك
شكرا
1
2
أهلا بك أخي عبدالملك وكل الشكر لك على طرح تجربتك ولو أنك لم توفق معها.
نفس التجربة بالضبط مريت بها وقبل سنة ونصف أو أكثر، ياليتك طرحت موضوع هنا لكنت أفدتك.
للأسف كل اللي ينباع في المواقع ماركات وصناعات غير أصلية لا ينفع.
الليد الوحيد اللي يصلح للنور الواطي والعالي هو النور اللي تحطه مرسيدس وبي إم وأودي في سياراتها من المصنع.
1
0
1
0
ترجعها لهم بحكم ان الشحن كان من خلالهم لذلك عند شحنها لهم راح يرجعون لك قيمتها + قيمة الشحن
2
0
0
0
حبيت اوضح لكم اكثر لراعي الاعلان وولغير. انا شغلتي في الانوار LED بوضح لراعي الاعلان ان الانوار اللي يتكلم عنها في اعلانه صينية وليست امريكية كما يعتقد.
صحيح انك
0
1
السلام عليكم.
حبيت اوضح لكم ولراعي الاعلان اكثر بخصوص انوار LED. انا شخص اشتغل فيها وفي نفس النور اللي في الاعلان.
اول شي حاب اوضح ان الانوار اللي في الاعلان صينية وليست امريكية. انا عارف انك طلبها من امزون الامريكي بس هذا ما يعني انها امريكية.
انا جربت عدت شركات للنوار ال LED وتوصلت لشركة الافضل وهي نفس اللي موجوده في الاعلان هذا. جميع اللي الانوار اللي في الغرابي انواع تعبانه جدا ورخيصة وما تنفع ابدا.
الشركة الام المصنعة لهذا النوع صينية وموجودة في الصين وانا شخصيا اتعامل معها لانها الافضل.
الان وضحت لكم عن الشركة نتكلم عن الانوار الان:
هذي الانوار تصلح وممتازة جدا لنور الواطي وبعض السيارات زي اليوكن له مقاس عالي وواطي وجميعها افضل من حق الوكالة. وفيها مقاسات تركب للعالي ما انصح فيها لانها ما تعطيك نور كافي.
وللمعلومية الانوار هذي ما تناسب كل سيارة على حسب المساحة خلف النور لان معها مروحة. والسيارات اللي تجي عدسات ما تنفع لها ابدا. فقط مناسبه للسيارات اللي فيها عاكس.
واللي قال لك يا صاحب الاعلان انها للكشافات ماعنده سالفه هذي لنور الواطي. الكشافات شكل مختلف تماما.
انا لي اعلان عن هذي الانور تقدرون تشوفونه وعندي كميات. ان شاء الله اني افدت الجميع عن هذي الانوار لان الاغلب ما يعرف عنها ويعتبر شي جديد
1
1
0
0
الله يرزق الجميع
0
0
0
1
قبل 9 سنه و 10 شهر