التصوير عند الدوران لليمين من الاشارة

تصورت ثلاث مرات وما تسجلت علي

البدايه يكون تحذير عشان يعودونك توقف بعدين يبدون في تطبيقه
المشكله كل الثلاث مرات اللي تصورت فيها سببها اللي وراي ازعاج بالبوري
البشر ما عندها صبر لكن لو بدا تطبيق المخالفه لو يضرب بوري منه الى بكره ماني محرك الا بعد 10 ثواني

أسهل طريقه لحساب عد الثواني
قل ألف قبل كل عدد
ألف واحد . ألف وأثنين . ألف وثلاثه إلى ألف وعشره بعدين الله معك

والله ياليت لو يحطون اشارات مثل الي في الهيئة الملكية في ينبع والجبيل!
اشارة خاصة للدوران لليمين واشارة خاصة للي بيروح سيدا
وكذا أريح وأكثر تنظيم ما احد يجي ويوقف في اليمن وهو يبي يروح سيدا ويسبب زحمة!

لا ماراح تجيك ,,
وحتى لو جتك ترا الاعتراض مفتوح وبيراجعونها ويشوفون

بعدين نفس مدخل البيانات بينهبل من كثر المخالفات ويعرف انه فيه غلط خخخخخ

ما ادري اذا حصل لأحد وشاف هالنوعيه من الاشارات
وهي انو الاشاره يكون بجانبها لوحه توقف فقط معناها لا تلف
اما توقف عند الاشاره الحمراء قبل الانعطاف بس دق فلشر يمين واحسب 7 ثواني او 10 وامش ماراح يصورك
وفي اشاعه طلعت انك تجي من اليمين وتدق اشاره انك بتلف يمين وبعد ال10 ثواني تقدر تقطع الاشاره وتكمل سيده وماراح يصورك لكن للأمانه ماجربتها مجرد حكي مجالس وواتساب

دايم اشوف في اشارات الرياض لوحة لازم توقف ثم تلف يمين 
المهم فكرت فيها ليه هذا النظام ؟؟؟
طلع الجواب السبب في المشاة لانه يا طويل العمر مرة قطعت اشارة و انا امشي وهي حمرا طبعا 
المهم سوم وصلت اخر الاشارة الا وواحد يشطفني من اللي يلفون يمين 
والحمد لله على سلامتي 

مابتتسجل عليك مره لفيت يمين وشفت الفلاش لمع مرتين ، ولها الحين اكثر من اسبوعين ومانزلت ،،،

شخصيا أنا أتفادى أدخل يمين من ها الاشارات اللي عليها كميرات ، وكمان أتفادى المزعجين بأني أوقف في الحارة الثانية اللي قبل الاشارة 
ولا فتحت الاشارة أروح يمين وأنا مطمن
أوقف شوي زيادة ولا اني أتغرم على شيئ ماله داعي

انا باشارة شارع الجامعة مع كلية المجتمع وقفت قبلهم ونزلت نبتهتم على ذا الموضوع لان واحد ماسمع الكلام مشي وطقته فلاش اللي وراه قلي والله ما امشي هههه 

بخصوص فلاش لف يمين مره كان في مقابله يتكلمون عن نظام ساهر وكذا وقال مسؤول انه اذا ماوقفت ولفيت وصورك هو فلاش تحذيري يعني من الاخير تخويف مافي مخالفه 
ومن يومها وانا يوميا يصورني صورني الحين ولا فوق ٢٠ مره ولا مره نزلت !!!