أضف سؤال أو موضوع جديد          

ماهي أفضل طريقه للحفاظ على السيارة الجديدة

up 3 down 1
dr.xl 248
قبل 6 سنه و 8 شهر



نبي الشي الوسط يعني فيه ناس ما يستمتعون بسيارتهم من
كثر الاكياس والوسوسه ، وانا ضد الحمايه الي تجي على البودي 
لن اشوف اغلب الي مركبينه تصير صفراء مع الوقت 

انا اشوف اهم شي 
تلبس الارضيه وخاصه اذا صارت سوداء
وتلبس المراتب قماش خفيف ومو مهم بس كذا 
ووش فيه اقتراحات ??







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خلاص هذا كافي والسواقه الراكده والصيانه اول باول


up 1 down 0
الشمري 1414 224
قبل 6 سنه و 8 شهر



تلبس المراتب ليش طيب
تلبسها قماش خفيف شكله غبي وش الفايده ما تستمتع حتى بشكل المراتب وتقسيمها وطريقة خياطتها



up 2 down 0



الشمري كيف صيانة اول بأول
يعني تغير قطع بالسياره وهي باقي ما خربت


up 2 down 2



اهم طريقة للحفاظ ع السياره الجديده
توقفها تحت المظله ولاتحركها  ابدا
وتشتري سياره خرده  وتروح وتجي عليها واذا طفت فيك تدفها وتمشي فيها وتصلحها
والجديده  لاتحركها  ابدا مهما كان  وأين كان  ابدا  ابدا  لو تمشي رجلي ،،،

 بعد  سنوات طويله   بتجد  سيارتك جديده وكأنها لسى مطلعها  
  واستمرررررررر  كما   وقفها  بالمضله  حتى  تصير ورث  ،،، وممكن  تبيعها  تراثيه  بدبل قيمتها  3 مرات ،،  وهذا مكسب


up 8 down 4
اسلطان -40
قبل 6 سنه و 8 شهر



لا تغسلها كل يوم يحافظ على البودي

حافظ على تغير الزيت = عمر مكينة مايقل عن نص مليون كم




up 1 down 0
albroker99 742
قبل 6 سنه و 8 شهر



شاكر مروركم

وياأخ سلطان انا ماقصدت كذا واضح من صياغه الموضوع


up 0 down 0
dr.xl 248
قبل 6 سنه و 8 شهر



انا انتقد الاهتمام الزايد او الوسوسه بمعنى اصح 

اهم شئ اشوفه تلبيس الارضيه 

المراتب المفروض الواحد يتمتع فيها وريحه الجلد الجديد اما البس المراتب قماش هههه

عاد بعض الناس يدفع زياده عشان الجلد ويروح يلبسها قماش


up 2 down 0
منخشق 674
قبل 6 سنه و 8 شهر



الصيانه اول باول يعني تغيير القطعه اول ماتشتكي
ﻻن اﻻهمال راح يكفلك اكثر من حاجه مستحيل تهمل حاجه
وماتتطور مع الوقت وايضاء التشييك بين فتره وفتره
يعتبر من الصيانه وايضا تغيير الزيوت والفلاتر تعتبر صيانه


هذا قصدي ..


up 1 down 0
الشمري 1414 224
قبل 6 سنه و 8 شهر



قبل كل شيء سواقتك

وتلبيس المراتب اشوفه تشويه للسيارة وش الفايدة تحافظ عليها للي بعدك ! ونفس الشيء تلبيس الأرضية ما أشوف لها داعي 
يكفي تلبس الدواسات بس 

وعن نفسي السواق يمسح السيارة يومياً وكل شهر المعها في البيت وترجع مثل قبل 


up 1 down 0
shecoo 565
قبل 6 سنه و 8 شهر



اوافق كلام العضو اسلطان .. 
المغزى من كلامه الوسوسه الزايدة ماهي زينه !! بغرض المحافظة 
يابوي الموتر بينعدم بينعدم .. بتقول ماهو البودي ماهو المكينه ماهو القير .. الخ 
لكن العضلات مستحيل ماتنعدم وانت ف السعودية يابوي تمشي ماتدري الا وطالع لك جبل (مطب) قدامك 
يوم تدري وانت موخر عن حفرة تطب فاللي اخس منها !!! 

عموماً استخدم استخدام طبيعي وم قدامك الا الخير ان شاء الله .. 


up 1 down 0
fx2y -206
قبل 6 سنه و 8 شهر



يعني تحط بلاستيك هنا وهناك 
وتغلف هذا وهذاك 

علشان اذا جيته تبيعها يجي ا لي بعدك يستمتع بها وانت حارم نفسك منها 
ليه ياخوي استخدمها مثلما يريدك المصنع ان تستخدمها 

يوم حط لك وطايات ومراتب يبيك انت تنبسط بها وتحس براحتها موب تغلفها 

اما الامور المهمه في المحافظه الي هي الصيانه الدوريه تقيك مشاكل مستقبليه قد تكلفك الاف مهمه جدا الصيانه الدوريه 

الشي الوحيد الي ممكن تسويه واشوفه مهم التظليل الحراري اعلى درجه عزل هذا افضل شئ ممكن تصرفه على سيارتك راح يحافظ لك على الطبلون وعلى المراتب من الحراره

ايضا انتبه من انك تحط ملمعات على الطبلون اذا حبيت تنظفه قطعه قماش مبلله بالماء فقط وامسحه لا تحط ملمعات ومن هالكلام تسبب بعدين في تشققات في الطبلون بسبب اشعه الشمس

انتبه انتبه انتبه تخلي عامل يغسل سيارتك شهريا هذا الي تتفق معه يجي البيت ويحك لك البويه بسفنجه مليانه رمل سطل واحد غاسل فيه ميه سياره غسيل السياره في المغسله فقط ولو تغسلها انت في البيت احسن


up 0 down 1
mrx15 237
قبل 6 سنه و 8 شهر



أفضل شيء 

لا تسرع امش سرعة الشارع او اقل مثلا سرعه الشارع 120 امشي 100
اهتم بتغير الزيت والسيفون وتنضيف فلتر الهواء
بين فترة 6 شهور افحص عن سيارتك ووش ينقصها



up 0 down 0
mr.mlam7 5
قبل 6 سنه و 8 شهر