شريطي محترم ... اقراء القصه الى النهاية .. ان بعض الضن اثم
41
7
إضغط هنا للإخفاء
السلام عليكم ورحمة الله وبركاته. وبعد مشتاق لكم لي فتره م كتبت موضوع
قصه حصلت ل ولد خالتي مغرم بسيارات الألمانية ب خاصة البي ام دبليو
كان في عام 1430مقبل ع شراء بي ام الفائه السابعه ...
توجه الى طايف ولا حصل نصيب والى جده والى شرقيه ... جلس حوالي اسبوع
ثم توجه لرياض من معارض الشفا الى معارض النسيم .. وجلس 3ايام
ورجع يوم الجمعة الى معارض الشفا طبعا الولد طايش وينضحك عليه بكلمتين
يقول قابلت شريطي ع بي ام 2008 فضي وأعجبتني ...
يقول سلمت عليه وشرحت له وضعي ان ادور بي ام وسافرت ولا حصلت الي يعجبني الا موترك
قال الشريطي اركب وركبت معه وقام يسولف ان سياره كانت لصاحب سمو
وماشيه 30الف ونا اترزق ويقول انه حلف لي ع البودي وعلى المحركات
وسياره عجبتني لدرجه مع زحمه المعارض والناس م اسمع الا صوت الرجال
عزل ممتاز يقول قلت ي نشمي كم تبي في الموتر رد عليه الشريطي ب 160
حاولت فيه قال السعر ثابت .. قال ولد خالتي ان شاء الله تعالى انها من نصيبي واخذ رقم الشريطي
اليوم الثاني .. الساعه 9 واعدته واكتتبنا ورحنا البنك وكتبت شيك ونقلنا الملكيه ...
واستلم السياره بعد يومين .. وشحن ع البسامي لطايف وجاني مبتسم ومشخص
مهراس بارك لي باركت له وشفت الموتر .. قلت له وين فحصتها قال م فحصت
انا وقف شعر راسي .. كيف م فحصت يمكن مصدومه او فيها بلا او غرقانه
زادت شكواك ولد خالتي وتحسف وقال الرجال حلف لي قلت واذا حلف تصدقه
راح مغبون وزعلان وجاني اليوم الثاني الصبح قال امششش معي جده قلت ليه قال بفحص عند الناغي
بعد 3ساعات خط لين وصلنا لجده دخلنا قسم الصيانه بوكاله الناغي قلنا بنفحص قالو لازم رقم الهيكل
عطينهم رقم الهيكل دخلو السياره قعدو ساعه وحنا عند المدير جاء الموظف قال
روحو لصيانه ... رحنا قالو ماشاء الله تبارك الرحمن الرحيم .. كانها جايه من المصنع
هنا ولد خالتي طاااار من الفرحه ... واستفسرنا عن صاحبها السابق طلع سمو الأمير
وكان الشخص او المسمى بشريطي رجل شريف وصادق وبعد فتره 3 اشهر
كلمت ولد خالتي وقلت ابي مرسيدس .. قالي اذكر ان رقم الرجال معي قلت كلمه
وبلفعل كلمه وطلع عنده مرسدس بس من فئه 600 كحليه لون سافرنا لرياض وحكينا له القصه
اننى ضنينا فيه ضن السوء .. ضحك وقال لولا اني ماني صادق م كان الله سبحانه وتعالى
رازقني رغم انني لست موظف ولا معي الا المتوسط ... ولحمد لله مستوره
وفحصت السياره وتفقنا ع 80 الف ريال كانت ماشيه 37الف .. وشكرته ودعيت له
فعلنا المظاهر خداعه قد يكون شكله انه نصاب ولكن اتضح معدن هذا الرجل
ان بعض الضن اثم .. اسف ع الاطاله محدثكم الرسمي مهراس الزهراني
ا
إبلاغ
الردود
فيه شريطية مايتاجروا بأي سيارة مثل البعض ، لا . يختاروا سيارات نظيفة ويزيدوها نظافة وجمال
ويبيعوها بسعر مناسب ، مع ذكر كل العيوب ان وجد للمشتري
ومازال الخير في امة محمد صلى الله عليه وسلم
1
1
+1
قبل 9 سنه و 10 شهر