أضف سؤال أو موضوع جديد          

انخفاض اسعار الكفرات لدى الموزعين

up 7 down 3
xpoldx 1432
قبل 6 سنه و 10 شهر



السلام عليكم

انبهكم يا اخوان مثل ماسمعنا سابقا ان الكفرات نزلت اسعارها

و البناشر لازالوا يبيعون بالاسعار القديمة

البارح ابي اركب طقم هانكوك للكابرس 
سألت عند مجمع بناشر والقى الكفر ب٦٠٠
سعر قبل اكثر من ٦ اشهر

تركته و اروح لمركز الجملة بالبطحاء

و القط طقم هانكوك بفرق ٢١٠ ريال ف الكفر الواحد
يعني ب٣٩٠ ريال
(( ممكن يكون اقل بعد لو دورت بس استعجلت شوي ))

ولكن ٣٩٠ ارحم من ٦٠٠


احرصوا على الموزعين بالجملة فهم ارخص من البناشر بكثير 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موب لذي الدرجة ياخوي مستحيل شكله باعك تاريخ قديم البناشر ترا اغلى من السوق ب 30 الى 50 بالكفر موب اكثر 


up 2 down 0
benz lover -78
قبل 6 سنه و 10 شهر



البناشر كفراتهم مخزمة واعتقد مالها ضمان افضل شيء من الوكيل لان تاريخ الكفر جديد وعالضمان وفرق السعر


up 1 down 0
ryyan555 703
قبل 6 سنه و 10 شهر



وأزيد من الشعر بيت قبل سنة تقريباً رحت للغرابي ابي ابدل

كفراتي وكنت باخذ تويو فريت السوق أغلب الي لقيته قديم ويحاول

البنشري يصرفه علي ولقيت كم واحد يبيع جديد لكن رافع السعر

قلت تدري مر الوكالة وامرهم والقى عندهم جديد بنفس سعر الغرابي واخذه


up 1 down 0
بسكوت اوريو 230
قبل 6 سنه و 10 شهر



صدقت والله فرق كبير بالسعر .. بس ياليتك مااستعجلت وتأكدت من 3 اشياء :

1/ تاريخ الكفر ؟ بالعاده اي كفر عليه عرض تلقى تاريخه قددديم واحتمال يكون نهايه 2012 وبدايه 2013 وماعليه ضمان لان تاريخ صناعه الكفر عدت سنتين 

2/ وش صناعه الكفر ؟ هل هو هانكوك كوري او هانكوك اندونيسي انتبه ، لان اغلب الناس اذا سمع هانكوك ركبه بدون مايناظر لانه يحسبه مايجي الا كوري فقط

3/ هل الكفر جديد واصلي ؟ ولا كفر اماراتي مغشوش مستعمل معاد تصنيعه  ؟ وهذا تكشفه بطريقتين الاولى انه يجي بدون تغليف او قراطيس ( وبعض البناشر يجمعون القراطيس من كفرات ثانية ويلصقونها عليه فإنتبه اذا بغى يركبه لايكون الغلاف ملصق بالشطرطون الشفاف خصوصا من داخل )

الطريقه الثانيه تكشفه من مواصفاته ، مكتوب ان التركشن والتحمل AA وبعض الكفرات AB  لكن الاماراتي المغشوش تلقاهم حاطين علامه نجمه زي كذا  (***) وبدون حروف ، وهذي بالغالب تحصلها بكفرات دانلوب لان الغش فيها كثيرررر جدا 


up 2 down 0
ابو هيثم 7 2254
قبل 6 سنه و 10 شهر



التاريخ الاسبوع ٣٣ من ٢٠١٤
والمواصفات AA والسرعه ٢٤٠

هذي مواصفات اللي اخذتها وتاكدت منها قبل يركبها

والبنشري قايل له تبيعون بالسعر القديم ماقدر يرد انبلم وسكت 



up 1 down 0
xpoldx 1432
قبل 6 سنه و 10 شهر



وكوري متاكد منه ميه ميه 


up 0 down 0
xpoldx 1432
قبل 6 سنه و 10 شهر