أضف سؤال أو موضوع جديد          

شاور الصغيروشاور الكبير وارجع لعقلك.

up 14 down 3
badalfa -36
قبل 4 سنه و شهر



نصيحة لاحد يشاور وهو نفسه بسيارة معينة.
لاتحاول توفر على حساب رغبتك.

الفقر اهون بكثير من الكآبة.
يوم تاخذ سيارة وتندم عليها 
وتبيعها كارهها بخسارة قهرت نفسك مرتين.
مرة يوم شريتها ومرة يوم بعتها.
 الكثير وانا منهم يحتار ويشاور هل السيارة
تصرف..هل القطع رخيصة..هل..وهل.
وهو عنده رغبه بسيارة معينة..ينزل لسيارة
عشان يوفر ولكن للاسف..بدل مايوفر
يخسر نفسيته وماله.

اول خيار يتبادر الى ذهنك هو بالعادة افضل خيار.
هذا احدث درس تعلمته 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وبعد الواحد وانا خوك

ياخذ سياره من مستواه وقدرته على صيانتها

مهب يروح يدربي راسه للمعارض ويشوف السيارات الالمانيه

تنباع برخيص ويجي يفحص ويقول نظيف

ويستخدمها فتره ولابغى يشيك درى انه مهب في مستوى السياره اللي شراها

لان اللي بياخذ زي هل الفئه عنده القدره الماليه وماعنده مشكله لو ينق 10 الاف على تشييك

او صيانه دوريه

مد يدك على قد لحافك

شغل المهايط بالسيارات ماياكلها الا اصحابها والناس مالها الا الظاهر

ولك جزيل الشكر على طرحك

وتستاهل + 1

وبالتوفيق للجميع


up 5 down 0
amear 1335
قبل 4 سنه و شهر



كلام سليم 
وانا بصراحة استغرب من بعض الشباب يوم يكتب موضوع ويشاور بلون السيارة 
اختار على ذوقك سيارتك انت الي بتسدد اقساطها وبتدفع فيها من فلوسك 
تذكرت عام 2007 كان نفسي في اكورد اسود 
يوم شاورت اخواني وعيال عمي وخوياني كلهم يقولو خذ كامري شكل جديد ولك وللزمن وحاولو لين طفشو 
ويوم صملت على الاكورد نشبولي باللون خذ لؤلؤي قايلهم اسود يقولو متعب ويتوسخ بسرعة صملت على رائيي 
والحمدلله توفقت فيها  لين بعتها وانا مرتاح باختياري وبعتها بسبب دين والحمدلله على كل حال 



up 3 down 0
ابو يزن 09 504
قبل 4 سنه و شهر



يا امير فعلا بعض الرغبات نزوات.
لكن يوم يكون خيارك جيد لكن تبحث عن التوفير هنا المشكلة.
مثلا انا رغبتي هايلوكس دبل ولو تتابع ردودي تحصلها تأييد هالشي.
لكن باللحظة الخيرة قالولي وفر فلوسك ان . ماعندك حلال ولا تطلع كثير البر.
خذ لك سيارة صغيرة ووفر الباقي..
قدر الله وماشاء فعل..والان هذاني عارضها للبيع
ولاودي اشوفها واقفه عند البيت.
بابو يزن اهنيك على احترامك لرأيك برغم الضغوط
والله يعوض عليك.


up 3 down 1
badalfa -36
قبل 4 سنه و شهر



موضوع رائع بل واكثر من رائع
والشي هذا حصل معي صراحه تعبت تعب خاصة اني مهتم ومهووس في السيارات مو زي العالم المهم سيارة تودي وتجيب


up 2 down 0
al_orainy 49
قبل 4 سنه و شهر



وانا ما انتقد الناس أو أنهم على خطأ ..
بالعكس أتمنى اصير زيهم بس ماقدر !!


up 2 down 0
al_orainy 49
قبل 4 سنه و شهر



جزاك الله خير 
+1



up 0 down 0
توسان 2011 1931
قبل 4 سنه و شهر



badalfa

هاذي المشكلة ان الموتر الي في بالك اول يبقى في الذاكرة وتقول ياليتني اشتريتة
 والله يعوضك والحياة تجارب ودروس والله ينولك الي في بالك 

al_orainy
 
والله وانا اخوك الدنيا ماتستاهل وكل واحد يتمنى الافضل لة اذا انسان مقتدر اشتري الي يعجبك 
واذا فلوسك تمشي الحال خذ شي يمشيك والقناعة كنز لايفنى 


up 1 down 0
ابو يزن 09 504
قبل 4 سنه و شهر



هذا الكلام.
طالما بالحلال..لاتضيق على نفسك .
والفلوس تروح وتجي..اهم شي الصدقة خل لها من مالك نصيب.


up 2 down 1
badalfa -36
قبل 4 سنه و شهر



ل حرف كتبته جا بمحله

تجربه سابقه مريت فيها

عشان اسمع كلام الناس وشورهم

واخر شي من الضيقه اللي جاتني بعتها بكلب سرق اهله وخسرت

واتحملت لي دين بدل الخساره واخذت اللي ابغى 

وبعدين ندمت ندمين 
بدل الخساره خسارتين

فعلاً خذ شي لك انت تبغاه ماهو تاخذه عشان ترضي الناس

ولك لايك يحبه قلبك


up 0 down 1
ابو-لانا 185
قبل 4 سنه و شهر



هالشي صار معي انا بعد أول ماتوظفت جمعت لي مبلغ وجلست ابحث عن السياره الي تتحمل الكرف والقطع رخيصه وصملت على ماركيز والكل ما ايدني الي يقول كبير الي يقول عايلي الي يقول لاجيت تدور موقف مابتحصل لانه كبير ويصرف بنزين
المهم دورت وخذته 2008 وهذا هو معي من سنه وشهر تقريباً ويالله لك الحمد


up 0 down 0
am.an.com 415
قبل 4 سنه و شهر



كلامك عين الصواب 

1+


up 0 down 0
عبدالحميدد 606 44
قبل 4 سنه و شهر



السياره وسيله وليست غايه 
الانسان مايملي عينه شي, حتى لو اشترى السيارة الي يرغب فيها مصيره يطفش منها ويدور غيرها لو طاوع رغباته, مسأله وقت فقط. 

واكبر مشكله تواجهه الناس هي التعلق بالممتلكات والأشياء السطحيه وينسون نفسهم الي لهم عليها حقوق وفلوسهم الي راح يسألو عنها
ويجيك واحد توه متوظف ويسحب له قرض بمبلغ وقدره عشان يشتري سياره غاليه بس عشان يتمتع فيها وبعدها يجلس طول عمره يسدد ديون ويعض اصابع الندم

الزبده وانا اخوك (القناعه كنز لا يفنى)




up 2 down 1
majed112345 856
قبل 4 سنه و شهر



واحد من أجمل المواضيع في الموقع واللي تمس موضوع منتدى السيارات. رأيي في الموضوع أن الضغوط بالذات من الناس القريبة منك من الصعب مقاومتها لان الواحد فينا يخاف يأخذ القرار بنفسه، فيحاول لو صارت مشكلة يقول فلان قال...
أنا عن نفسي رضخت للضغوط والحمدلله مبسوط من السيارة وأحس أن إختياري السابق كان بناء على عاطفة، وسيارتي الحالية ممتازة وراضي عنها.


up 0 down 0
abassam10 199
قبل 4 سنه و شهر



فيه ناس تجهل فالسيارات ويحتاج مشوره من اهل الخبره والمجربين
قبل فتره لقيت واحد فموقع حراج يسئل وش ياخذ جيب لكزس ولا قراند شيروكي
الاغلب اشار عليه بالقراند شيروكي والباقين مابين اللكزس والقراند شروكي

رحت بحثت عن القراند شيروكي وتجربه لحسن كتبي وجدت ان السياره مليانه عيوب وفوق هذا حسن كتبي يمدح فيها كيف مدري ؟

فاوقات الواحد يميل لسياره لكن ماجربها ولا يدري عنها ويحتاج ناس مجربين يفيدونه
وانا اشوف افضل طريقه الواحد يدخل منتديات ويتابع مواضيع من المجربين ويسئلهم شخصيا 

فمثلا انا بحثت عن القراند شيروكي وجدت انه كله عيوب لدرجة ان حسن كتبي يقول مركب فتحه فالكبوت عشان مشكلة الحراره
ومجرب 2015 ويقول حرارة القير ترتفع بس عشان دعسله دعسه قويه اجل وش بيسوي اذا جى الصيف

هذا مثال بسيط للسؤال والمشوره بس خذها من مجربين 


المشورة او الاستشارة في جميع امور الحياة مثل( شراء منزل ، شراء سيارة ، الخ.....)

امر ضروري وهام ولابد منه ان تشاور وتسأل الاهل والاقارب والاصحاب عن المميزات والعيوب .

ولكن كلمة الحسم والفيصل في تحديد القرار يجب ان تكون منك لانك اولآ واخيرا ان المستخدم للسيارة او المنزل او ............. اي شئ اخر


مع اهمية التجربة ان توفر لك ذلك .

والله اعلم


up 0 down 0
theuk1984 786
قبل 4 سنه و شهر



المثل يقول العدل اساس الحياة

الواحد لازم يعيش على الوسطية ، بمعنى لا تبالغ مرررة وتلبس ثوب مهب ثوبك ولا تنزل نفسك لسيارة ماتناسبك عشان بس ماتتكلف في صيانتها او تعتقد انها بتوفر عليك 200 ولا 300 ريال لكل قطعة


يعني مثلنا بعضهم تجي تقول له خذ سوناتا ولا اوبتيما يقول لا باخذ كورلا و الالنترا ارخص لي والفرق ترى بسيط يعني حرام اسوق موتر صغير مافيه عزم ولا عزل وشكل مايقارن بالفئة الثانية عشان اوفر

ريال فرق قيمة صدام اذا لاقدر الله دقشت ولا شي

الواحد يوكل الله واذا هو عارف نفسه وعارف استخدامه كويس ماتفرق معه السيارة رخيصة قطعها ولا غالية نوعا ما لأنك بتصينها بين فترة وفترة لكن وانت مسمتع بقيادتها ومركبها وتستانس انك صلحتها ورجعت في نظرك حلوة لكن تشتري موتر مغصوب عليه تصلح ولا ماتصلح يضل في نظرك مهب زين


up 0 down 0
a.ibrahem 3240
قبل 4 سنه و شهر



كلامك صحيح 
لكن ما يمنع أنك تاخذ المشورة لعلك تتنبه لشيء كنت غافل عنه 

+1 


up 0 down 0
starting 1042
قبل 4 سنه و شهر



شكرا للجميع على التفاعل والمواساة.
المشورة مهمة..لكن لاتحقر رايك وتروح تشاور
بشي انت مقتنع فيه قناعة تامة.
ماراح تستفيد الا التشويش..
ابغى اخذ اوريون.
يارجال جيرها يخبط خذ اكورد.
ابغى اخذ اكورد
يارجال الجديد صيني انصحك تشوف السوناتا توفر
ابغى اخذ سوناتا
يارجال كوري يتهربد بسرعة اذا تبغى توفر خذ شي يمسك سعره مثل كامري.
ابغى اخذ كامري
يارجال حرام تحط فلوسك باربع سلندر خذ اوريون اقوى واجمل.


هذا النوع من التشويش اللي اقصده


up 1 down 0
badalfa -36
قبل 4 سنه و شهر







اهنيك على الموضوع روعه وفعلا كلام مجرب
وزي ماقالوا لولاء اختلاف الاذواق بارت السلع قبل سته اشهر احترت في شراء سياره وفي نفسي افالون وكل ماسالت احد قام يفتي لك ويحاول يكرهك في السياره غاليه حرام عليك والوكيل تغير وخدمته زفت الخ الخ المهم اني صممت على رائي وايضا صممت على اللون عنابي وتعال تشوف كل واحد يحسفك وانا مكبر دماغي الي في نفسي واخذته والحمد لله توفقت في الاختيار و الغريب في الموضوع كل الي نصحوني مااخذ افالون اغلبهم شروا افالون اشكر صاحب الموضوع على الطرح الجميل تقبلوا تحياتي



up 0 down 0
googel103 3
قبل 4 سنه و شهر



badalfa

^ يارجال خذ اوريون
ما تستاهل سعرها و 6 سلندر تصرف بنزين 




up 0 down 0
feroo li 1817
قبل 4 سنه و شهر