سؤال بخصوص المدارس

الله يسهل امرك ارجع ادرس افضل لك

ارجع ادرس انا كملت دراسة ثاني وثالث ثانوي والحمد لله نجحت وان شاء الله ناوي علی الجامعة

كمل ثانويه ليلي وشفلك وظيفة حلوة وكانك تبي الجامعه فهو خير وبركه 
واذا تبي معاهد عندك المعهد الصناعي 
الله يوفقك 

واذا ماتبي تتوظف وتدرس بنفس الوقت شوفلك معهد زي
المعهد المهني او الصناعي تدرس وبالمره خبره ومكأفاه ماليه
استفسر منهم والله يوفقك ويرزقك 

إذا تقدر ثانوية أهلية امورك تمام و حتى الليلي ماهيب مشكلة و العمر و الله ماله دخل فالدراسة 

اطلب العلم من المهد إلى اللحد 

و الله معنا في الجامعة شياب و الله اشنابهم و شعورهم بيضاء و لهم تقديرهم و احترامهم ولا عليك من اللي يقولك فاتك و شد و اجتهد و أطلب العلا بطاعة الله و سترى العجب العجاب 

الله يوفقك و ييسر أمرك 

احد اقاربي كمل ثانوي بمدرسة اهلية و تخرج و الحين بوظيفة حكومية , افعل السبب يأتيك رزقك من الله و بالتوفيق

إذا قدرت تدخل معهد حاسب آلي وتحصل لغة إنجليزية كويسة فالقطاع الخاص راح يرحب بك حتى بدون ثانوية عامة

مع أن الرواتب ليست بعالية مرة

بين 4 آلاف و 5 آلاف لكن بداية جيدة وأثناء الوظيفة تقدر تخلص ثانوية وكلية حتى لو تبي

وفي فترة 5 إلى 8 سنوات ممكن راتبك تعدل إلى 8 آلاف ريال وتكون في نفس الوقت حصلت شهادة ممتازة

وأي حاجة تدرسها راح تفيدك أهم حاجة العزم والإستمرار والله يوفقك...

There is no knowledge without power

وتذكر أن العلم خير من المال، المال تحرسه والعلم يحرسك، المال ينقص بإلانفاق لكن العلم يزيد الإنفاق، وأنت تأتي بالمال لكن العلم يأتي بالمال

والله يوفقك 

يرجال توك مافاتك شي 

كمل الثانوي ويمديك  ع الجامعه لو انتساب اهم شي الشهاده 

والله يسهل عليك 

ذكرتني بواحد معنا في العمل 
كمل ثانوي وعمره نفس عمرك 

والحين ماشاءالله توظف وطلع قرض وبيتزوج قريب الله يبارك له

حبيبي ترى عمرك لسى صغير يمديك على الثنوي والجامعة بعد شوف كمل الثنوية خلاص وبعدها رح الغرفة التجارية فيه واسأل عن دبلومات مدتها ستة اشهر او سنة بالكثير دراسة بفلوس طبعا وبعدها رح قدم وتوكل على الله وصدقني ربي ما يخيبك ولا يضيع تعبك يعني كلها اربع سنوات كأنك خصلت الثانوي ودخلت الجامعة تقعد اربع سنوات والله يوفقك ويسدد خطاك 

يمديك تكمل 

اذكر في الاختبارات يوم كنت بالمتوسطه.. 
يجون طلاب انتساب يختبرون  
وانا يميني ويساري ووراي  شياب انتساب يغشون مني ههههههههههههههههههههههههههههههههه 
ويوم اناظر فيه اللي  جنبي يقول نقلني هههههههههههههههههه  المهم اني فطست ضحك يوم قالي
والمراقبين يناظرون في يحسبوني مجنون 
وفوق هذا واحد ثالث متوسط وواحد ثاني وواحد اول متوسط
مخربينها الشياب كنت احسبنهم دوافير 

يا رجال يمديك تكمل

لكن يكتب لنا و لك الخير إن شاء الله

شوف ياطويل العمر انت خش لك معهد زي ماقالو شباب معهد مهني صناعي سنتين وتتخرج دبلوم  ومنها تكمل الثانوي ليلي ترا كويسين ليلي ويدفونك  كلها 3 سنوات تصير معك شهاده ثانويه ودبلوم مهني يعني تتوظيف اي مكان تبي يقلون لك تعال بس نوظفك شهادتك ترفعك بتوفيق 

دراسه نهاري مايقبلونك 
لاكن ادرس ليلي بمدرسه اهليه السنة 4500 
ماتداوم الا اسبوعين الاختبارات فقط  

توكل على الله وخذ الثنوي .. ولو كملت الجامعه افضل وافضل ..
وترى الوضع اسهل مما تتوقع توكل على الله بس ..

خش الجيش بعض الأحيان يطلبون المتوسط وكمل ليلي وصفها مع المتوسطه اللي معاك بس لو تبيها العسكريه جيب معاها فيتامين واو

طبعا هذا مجرد اقتراح عليك عشان لا يضيع العمر أكثر مما راح ولو ما تبي العسكريه شوف لك شركه وكمل ليلي

والله يوفقك ويسهل أمرك  

يارجال صديقي موظف بمطار الملك خالد بالكفاءة وعمره 24 ونهاية السنة يتخرج من الثانوي
أنا 33 وتوني مستوى 4 جامعة انتساب يعني لو أنت تكمل الثانوي تتخرج عمرك 31 وهو أصغر مني بسنة لما سجلت الجامعة
من سار على الدرب وصل
وأنت تصل متأخرًا خير من ألا تصل
والأهم، أن تندم على شيء فعلته خير من أن تندم على شيء لم تفعله
أرجوك أكمل دراستك

انا انصحك بالمعهد المهني تخصص رسم معماري يتبع للهندسه او كهرباء او شبكات او مكانيكا لان هاذا المهن صنعه في اليد وامان من الفقر بعدين حاول تكمل الثانويه لليلي وكمل الجامعه اذا فيك حب للعلم والله عندي جده عمرها 60 سنه مشاء الله عليها كملت للجامعه واسالها خلاص ارتحت تقول لا وين ارتاح ان قالها الله اجيب الماجستير والدكتوراه اذا الله طول في عمري بعد كلامها عرفت ان الطموح ماله اخر مع العزيمه والاصرار مثل ماقيل اطلب العلم من المهد الى اللحد

يمديك تتخرج من الجامعه وعمرك 35 حلو نسبيا واذا ماتبي على الاقل كمل ثنوي بسسس