كيف اعرف اذا السياره ترتفع حرارتها قبل ما اشتريها

كثرة التحايل على الانمبير حق الحراره بس اوعا يابني من المتحايلين لاكن مالك الا طريقه تاخذ على الموتر مشوار 10 كيلو والمكيف على اخر شي وبعدين اذاء وقفت افتح الكبوت وامسك بيدك الخرطوش حق الماء اذاء كان حار وقاسي بالحيل اعلم ان الموتر فيه حراره واذا كان لين وحرارته وسط فاعلم ان الحراره كويسه هاذاء  والله اعلم  

مثل ماقال اخوي جني جبله وفي طريقه اللي هي شغل المكيف والسياره واقفه وعينك على الانمبير

من البداية تأكد ان المرواح اوتو يعني مو مشبوكة دايركت مع السلف وتجئ مروحتين مروحة للرديتر ومروحة للتكييف 
شغل التكييف والسيارة واقفة وخلها نصف ساعة .

تبي تتأكد خل السيارة شغالة لمدة ٢٠ دقيقة أو أكثر بدون ما تحركها ولا تشغل التكيف ( التكيف يشغل مراوح أضافيه وتبرد السيارة ) وشوف أمبير الحرارة وأفتح الكبوت وشوف ضغط الخرطوش الطالع من الأديتر إذا هو قاااس مثل الحجر السيارة فيها حرارة إذا فيه قساوة خفيفه مع حرارة هذا طبيعي   وتأكد من الأديتر أنه مايهرب ماء  وأخيراً إذا طفيت السيارة أجلس حلو الكبوت إذا سمعت صوت مثل غليان الماء فهذا أكبر دليل علي أن السيارة فيها مشكلة (قد تسمع صوت أنخفاض الظغط هذا طبيعي)

اكنس للموتر 20 او 30 كيلو على سرعه 120 140 و احكم مافي الا كذا

بسم الله في البدايه الحراره تبين في حالتين الاولي اذا كانت السياره واقفه تتركها مع المكيف شغاله

لمده 15 دقيقه وتشيك علي الخراطيش والساعه واذا كانت ماهي طبيعيه ممكن تكون من المراوح او الاديتر او البلف

والحاله الثانيه لازم تمشي علي السياره وسرعه مرتفعه شوي لمده ثلث او نص ساعه وتلاحظ انبير الحراره اذا ارتفع ممكن يكون الاديتر او روس المكينه فيها مشكله ومشكله الروس ممكن انك تعرفها اول ماتشغل السياره وهي بارده تروح عند الشكمان بتلاحظ اذا فيها روس مكينه ان حراره الشكمان علي طول ترتفع ولاكن افضل شي امسك خط ولا حظ الحراره

ذكرتوني بسالفة واحد تورط له مع شريطي

وراح يفحص السياره " عند ميكانيكي وليس مركز فحص "

المهم يقول كل مانزلت من السياره يقوم راعيه جنبي يطفيها

ومشاها قال يمكنه خايف عليها

وشوي يقول وقفوا عند اشاره بعز الصيييف قام الشريطي طفى المكيف قال الجو براد

والمشكله المسكين مشاها

بعد ماتبايعوا قام اخذها صاحبها الجديد وهي التخبيطه لان السياره كانت روس المكينه مدموره


وعاش الشريطي واخذ الفلوس وشرا سياره ثانية عشان ينصب عالخلق

والمسكين هذا يطق راسه بالجدار :( ماحد بينصفه

مشكورين اخواني 



والله يا اخوان انا راح اسوي الي قلتو عليه 



ولكن يعني مو دايما هذا الكلام يأتي بنتيجه ولكن يعني راح نجربه ويصير خير 





مشكورين ما قصرتو في موازين حسنتاكم بإذن الله

افحص السيارة كمبيوتر  

بقلك طريقه سهلة جدا

شوف طرمبة الموية....اذا لونها صافي ابيض او نظيفه تكون تمام...اما اذا لونها متغير او بني يكون فيها حرارة

الحرارة ي اخوي لها اسباب كثيره ... و انصحك بالكلام الي قالوه الشباب و برضوا افحص كمبيوتر و ارتاح

.. بالتوفيق