ليس كل المستخدم .. ولكـــن ؟
3
5
إضغط هنا للإخفاء
عند الشراء السيارات الجديدة افضل فنياً وآمن نفسياً.
ولكن الغالبية قد يلجأ للسيارة المستخدمة بحكم محدودية المبلغ المتوفر القليل. فيبحث عن سيارة مستعملة ونظيفة من محركات وبدي سليم من الصدوم والسمكرة. وهنا مربط الفرس؟؟ ولنا تجارب مع الشريطية. التجربة 1- اشترينا هوندا من الدمام وصاحبها يقول سليمة وطيبة ولابها شئ وفحصناها مكينة وبدي في ورشة كبيرة والتقرير OK وبعد سنة تغير لون البدي وتقشرت البوية من رفرف خلفي كامل .واكتشفت ان ان تحت البوية لون احمر ( معجون بأجزاء كبيرة من البدي)
التجربة 2- زميلنا اشترى كورولا. شكلها يلمع ويلعلع ومبهرة وبعد تقريباً 8 شهور تغير لون البدي واصبح شاحب وشاهب من اثر الشمس. الخلاصة كلامي لايعني ان كل مستعمل ردي وسئ لالالالا اطلآقاً ولكني اقصد ان الامــــــــانة تبددت وتلاشت في هذا الزمن. والله المستعان. لذلك الجديد يطمن
إبلاغ
الردود
1
1
الحين تبي رشة فرن مثل الوكالة ماراح تلاقي أقل من 6000 ريال .. هذا اذا السيارة نضيفه
وبعضهم يتشرّط أنها ماقد تسمكرت من قبل ..
1
3
حسبي الله على الشريطية خربوا المعارض ونشروا الغش والتدليس وكرهوا الناس بالمعارض
0
2
بالنسبة للمعجون واضح جدا من يوم تحسسها بيدك يبين انها فيها معجون واذا ضربتها بيدك تسمع مافيها رنة
وفيه أنواع للرش!
في ناس يقول لك ارشها لك كامل ب 800 ريال بس!
لكن تعال شوف نوع البوية وطريقة الرش! كأنه راشها ب بخاخ
وهذا غالبية الشريطية يسوونها لانه يبي يرهم السيارة بأي طريقة ويبيعها بمكسب!
حتى أذكر في احد السنوات كان في سمكري سوري يتعاملون معه الشريطية
تدري وش يسوي الملعون؟ يخلط ربع كيلو لماع مع البوية ويرش
تشوف السيارة تلق وتلمع بشكل ملفت لكن البوية ماتكمل 8 أشهر وهي فاصخة وتقشر من حالها وتتفقع
مما يضطرك تدخل فرن من أول وجديد ترشها بما لا يقل عن 2000-4000 ريال
ونصحية لك اذا ماتعرف تفحص السيارات
خذ معك واحد فاهم ومو مشكلة أعطيه سعي وأتعاب بس تاخذ شيء نظيف
قبل 9 سنه و 10 شهر