المثبتات النابضية للكبوت والشنطة والأبواب لماذا اختفت

8 14

لايمكنك التصويت حتى الحصول على 20 نقطة على الأقل
إضغط هنا للإخفاء

وليد م ع الدخيِّل 490
قبل 9 سنه و 9 شهر

بسم الله الرحمن الرحيم

إذا فتحتوا باب سياراتكم اللي موديلها فوق 2000 - باستثناء فورد كراون فكتوريا وميركوري جراند ماركيز ولنكون تاون كار وبعض طرازات MG الصينية - ما تلاحظون بأن بين المفصلات الإثنين يوجد قطعة معدنية وتجي في بعض السيارات مغلفة ببلاستك أسود طرفها مثبت ببدي السيارة وطرفها الآخر مثبت داخل الباب، وعند الفتح والإغلاق يتحرك دخول وخروج.

القطعة هذي ما تكمل سنتين أو ثلاث إلا وتنمسح منها مواقف ثبات الباب، وتصير كأنها غير موجودة والباب إذا أطلقته يتسكر على طول من نفسه حتى وهو مفتوح لآخره، وأعاني من هالشي في سيارتي.

السيارات الأمريكية القديمة (التسعينيات وما قبلها) كلها كانت تجي بطريقة غير أقوى وأذكى عمرها طول عمر السيارة، وهي قطعة حديد فيها مثل البكرة تدور على حديدة وماسك فيها من الطرف الآخر ياي أو سبرنج قوي.

لكن العجيب إن الصينيين أخذوها واستعملوها في MG، أتذكر طراز 550 كذا أبوابه وكان هالشيء من ضمن الأشياء اللي أعجبتني بالسيارة.


أيضاً الكبوت والشنطة، كانت السيارات الأمريكية تتثبت عند فتحها بنظام نابضي معدني ويدوم العمر كله ما يخرب.
الآن كل السيارات الأمريكية صارت شنطها وكبابيتها تتثبت بمساعدات - تقليداً للسيارات الآسيوية والأوربية - إذا جلست 5 سنوات صامدة نقول ممتاز.


السؤال:

ليش تخلوا عن الطريقة القديمة هذه؟

- هل لأنها ما تخرب أبداً وبذلك ما يحتاج راعي السيارة يشتري جديدة منهم ؟!

- أم لأن صناعتها وتركيبها أكثر صعوبة ؟!



الصور أدناه توضح المقصود.

وبالأخير صور لبعض جوالات زماااان المشهورة.

إبلاغ

الردود