أضف سؤال أو موضوع جديد          

مشكلة حصلت للوالد مع راعي الورشه

up 26 down 5
hassanaa 161
قبل 4 سنه و 4 شهر



السلام عليكم ورحمه الله وبركاته

هذي سالفه صارت للوالد قبل فتره طبعا سيارة الوالد يوكن 2009

سافر الوالد للديره المهم يوم وصل الا وتخبط عليه المكينه الظاهر ان طرنبه الزيت عيت تشتغل قال الشكوا لله ويوصيله راعي صطحه قال ابيك ترجعها للرياض قال ابشر واخبر لك ورشة مضبوطه بصناعية النسيم قال ممتاز المهم يوم رجع الوالد للرياض واستلم الموتر جلس معه فتره الا ويرجع يخبط ثانيه طلع السوري راعي الورشه زارف قطع من السياره ولا صلح الطرنبه زين مدري هو متعمد مايصلحها عشان يرجع ويوضب ثانيه المهم رجعله الوالد وقاله انت المسؤل قال لا مالي شغل تبي توضبها مره ثانيه ماعندك مشكله قال لا ابطت عليك ويروح لشيخ الصناعيه ويقوله السالفه ويجيب هالسوري قاله توضب موتر الرجال غصب عنك والقطع يتكفل فيها هو يوم شاف السوري السالفه كذا ويجيك يعطي الوالد فاتوره وش طولها كلها قطع غيار مير يرجع الوالد للشيخ ووراه الفاتوره قام الشيخ ورفع القضيه للمحكمه يوم شاف السوري الوضع وصل المحكمه دق عالوالد وقعت يتأسف منه قال ابشري السياره على تخبيطها ب60 الف وهالقيمه زينه على التخبيط والمشاكل الي بها قال الوالد لا منب تارك القضيه لين اصكر ورشك
بهالفتره اكتشف الوالد ان به راعي كامري لعبو عليه هالسوريين قالوله بنركبلك مكينه جديده اثر المكينه الي ركبوها له من التشليح قاله الوالد ابيك تجي معي للمكمه قال ابشر   
المهم مالكم بالطويله الي وصلت له القضيه ان هالسوريين يشرون السياره ب80 الف و اذا جت قضيتين غير قضية الوالد تصكر الورشه
والحمد لله اخذ الوالد هـ80 وزادها 55 وطقله يوكن وكاله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تصرف سليم ويجب التشهير في هكذا مواقف لئلا يقع اخ لك في نفس محنتك


up 2 down 2
ibh.x976 718
قبل 4 سنه و 4 شهر



يعطيك العافية وبصراحة الحين الواحد يخاف يودي سيارته اي ورشة والله على موضوع انك تروح ل صاحب ورشة ماتعرف صدقني 50% رح يطلب منك اغراض مالها داعي بس لجل تحرق فلوس


up 2 down 1
ehhab 45
قبل 4 سنه و 4 شهر