السلام عليكم ابي رايكم شباب وين الافضل الاكورد او الاوريون

حبيبي خذها نصيحة مني تبي تعرف الافضل خذ لك فرة على موقع حراج وشوف الاكوردات المستخدمة كم ماشية والاوريونات المستخدمة كم ماشية وعموما الاوريون فيها مشكلة بالجيربوكس دايم يضرب عليهم لان الماكينة اقوى من الجيربوكس بعكس الهوندا قيرها من اقوى القيور بالعالم لو حافظت على زيته

ماكسميا2008 !!! مو انت اللي نشبتلي فالخاص تبيني اشتري سيارتك وتمدح فيها ههههههههههههههههههههه

يب صح كلمني مكسيما مثلك ياشاقح لكن الرجال ااانا عرفت ليش يبي يبيعها لانه يبي قير توماتيك الرجال مو راع مقاومات علشان كذا يبي توماتيك مريح وحتى لو حصل زي سيارته قير اوتوماتيك بيزيده ويبدله

يارجال الدنيا رمضان وكنت حتار مثلك بين الاريون والاكورد والحمد لله اخترت الاكورد للاسباب التي ذكرت واخترت الفل كامل وابشرك السياره كانت ماشيه ا40 الف ورحت فيها خط على الاردن ورجعت ومكه والمدينه والشرقيه ماشاء الله سياره حتى قطع الغيار قليلة الصيانه بشكل كبير واسعار القطع معتدله جدا واترك عنك من يقول قطعها غاليه والله قارنتها بالكورولا 2011 مافي فرق يذكر والسلام عليكم

الاكورد سيارة يابانية حقيقيه ( اصليه )
الاريون تجميع تايوان على صين على استراليا  مافي مقارنه

رأيي طالما أنت بتأخذ مستعمل خلك دائماً مع النظيف ومع الممشى القليل , نظافة السيارة هي اللي تحكمك. وكلها سيارات طيبة ومشهود لها بالقوة.

اوريون وجه نظر موتر يمسك سعره

اذا تبي تحمل اكورد
تبي عزل اكورد
تبي رساوه على الخط اكورد
تبي وسائل سلامه اكورد
الاكورد افضل
وماقريت احد مواضيع زملائنا شركة هوندا حصلت المركز الاول سبع سنوات متتاليه كافضل سيارات متانه 
ومن واقع تجربه الاكورد سيارت تستاهل كل ريال ينحط فيها

اكورد ولا تشاور الاريون كامري فقط زيادة بعض الاكسسورات والشكل عزلها وبديها بدي كامري نصيحه خذلك اكورد 6 سلندر فل كامل افضل بكثير واذا بتنتضر الاكورد بتنزل بعد كم شهر وبيتغير شكلها للافخم 

ماركيز ملك الخطوط ................................. يفصل 195 امريكي . 2007

اكورد وعيش :)

مشكورين على الردود الحلوه  بس وش اخذ 4 سلندر او 6سلندر
واتمنى لكم صياما مقبولا وافطارا شهيا

4 سلندر افضل اذا انك راعي خطوط اما اذا انك راعي قومات مهايطه خذ 6 سلندر

نصيحه ابعد عن الاوريون سمعتها سيئه جداَ وسبب قيرها فاشل ومايتحمل وانفرط بسرعه

الدليل على كلامي ادخل منتديات تويوتا قسم الاوريون وادخل الصفحات شووف المشاكل والبلاوي عن قيرها 

اكورد افضل 

والله مو عقله الفاشل إلا انت ، قير الاوريون مافي أحسن منه ، وللعلم قير الأفالون واللكزس es والاوريون قير واحد وكانت المشكلة المزعومة بسبب جهل الناس ذاك الوقت لإن الأوريون سبقت الافالون بالقير التبترونك بدون عيار وكانت الناس مو متعودة عليه ولا تعرف له وفوق هذا تفكره نظام القير القديم لو غيّر زيته بعد 200 الف المسألة طبيعية ههه عشان كذا طاحوا بمشكلة بسبب جهلهم ،ماشاء اله الاوريون 2007 بعده يخدم والاكورد راح تشليح ليتكم كنتو ناصحين للرجال ههههه