أضف سؤال أو موضوع جديد          

هل غسيل السيارة من المحافظة عليها ؟

up 4 down 4
أبو أحـــمد 2433
قبل 6 سنه و 2 شهر



أسعد الله أوقاتكم جميعاً ،،


أرى بعض الشباب يقول : (أنا أحافظ على السيارة، لدرجة إني أغسلها كل يومين) !!


السؤال /
في رأيك هل ترى أن غسيل السيارة من المحافظة عليها ؟

عند تغيير الزيت اللي يمشي 10 الآف كيلو عند 3 آلاف كيلو، هل هذه من المحافظة ؟
اللي يغير البواجي - زيت القير - ماء الرديتر - .....إلخ، هل هذي من المحافظة ؟

أم فقط من باب الإسراف والتكاليف اللي مالها سنع ؟



وفقكم الله ورعاكم لما يحبه ويرضاه، ورزقنا وإياكم ووالدينا بالجنة ،،





صور للتسلية :











































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


كل يومين اغسل السيارة ؟ هذي وسوسة طال عمرك ماهي محافظة 
وبالنسبة للزيت اي شخص يحط زيت يمشي مسافة طويلة ويغيره على 3000 ياليت يعطيني اياه 
وبالنسبة للبواجي وزيت القير وماء الرديتر هذا شيء اساسي ولابد من تغيره ماهي من باب المحافظة فقط لكن في وقتها المناسب 

وفي بعض الدلوخ في المنتدى يقولك اذا خرب شيء اصلحه 
ممكن خراب شيء واحد يجر لك خرابات غيره وتبلش بالتصليح 
مثل زيت القير لو ماتغيره اول ب اول حيسبب لك مشاكل عرفت وشلون 
يعني بدال ماتدفع 3000 في قير تشليح ادفع كل 40 الف حق زيت قير وفلتر مابتتعدى 200 الى 300 ريال ..
بكذا تحافظ على القير ويخدمك لاطول فترة ممكنة.

المحافظة مطلوبة لكن ماتصل لحد الوسوسة .. ذي السيارة ممكن في اي وقت تخبط في اي وقت يصير لها حادث وعلى التشليح 
انا شاريها عشان تخدمني موب انا اخدمها كل شوي واوسوس واشيل هم ليش ؟ ماتسوى.




up 4 down 3
fx2y -207
قبل 6 سنه و 2 شهر



يقوللك النظافه من الايمان ناس يحب يطلع شكله مرتب سيارته لبسه بيته  وناس ماتفرق معاه 




up 6 down 4
قودزيلا -63
قبل 6 سنه و 2 شهر



بنسبة ليه تبغى تعاقبني قولي روح غسل السيارة. 
والسبب ﻷن المغاسل في الشرائع زحمه واقل شي ساعه وربع لين تخلص من الغسيل  وانا عدوي اﻷنتظار


up 2 down 1
محمد عايض معوض -48
قبل 6 سنه و 2 شهر



فيه مثل يقول : *الشي اذا زاد عن حده انقلب ضده

المبالغة في المحافظة على السيارة اعتبره وسسوسة والاهمال ايضا ا
بالغ فيه اعتبره جهل وعدم مبالاات بمعنى :

يعني اللي يخلي لي موتره شهر ولا اسبوعين مايغسلها وتشوف الداخلي كله شهاب وتراب في وجه العدو والموتر رفارفه طين ومبقع سواد على الرفارف من تغييرت الزيت ويخليها هاذا اهمال وجهل لأن الوسخ هاذا يدمر عليك البوية ويبقع ونلاحظ بعض الناس عنده الرفارف فيه سواد ولا قالبه والسبه انه كان فيه وسخ وخلاه فترة وبقع على البدي وصار ماعاد يروح ، يعني بعضهم تلقى موتره 2010 تشوفه تقول 2002 مافيه لمعة مافيه لكر مايبهرك اذا غسل ، انا ما اقول لك كل يومين غسل ولا اقول لك خله لين يتجمع الوسخ

لكن بالمعقول يعني انا غيرت زيت وطلع تراب على التنده من تنفيخ الهواء وبقع على الرفرف زيت ويدين العامل ولا توني مطلعها من الصناعية طبيعي بغسل عشان ما تخرب علي البدي ، بعدها ما احسبها بالوقت اطالع موتر انا طبيت في طين جانا موجت غبار بعد ثلاث ايام الى اربع ايام اغسله انظفه اهتم فيه يعني مافيه مدة محددة تقدر تقول بحطها لنفسي ، يعني خلال يومين يمكن انا كنت موقف الموتر في البايكة ولا رحت عليه كم مشوار ولكن ماطبيت في تراب والجو كان صافي ولا جاها غبار وشوله اغسل اخليه كم يوم لين توسخت او حسيت انها بدت تتوسخ غسلت وهكذا



up 0 down 0
a.ibrahem 3165
قبل 6 سنه و 2 شهر



مايعدم البودي ولمعته إلا كثرة الغسيل لأن الصابون المستخدم للتنظيف كله كيماوي


up 1 down 1
عربة للسيارات 1665
قبل 6 سنه و 2 شهر



بالنسبة للغسيل انا اغسل الموتر كل شهر ,, عشان احس بالفرق هههههه جربها والله متعة تحس ان الموتر رجع وكالة 

وتغيير الزيت والبواجي الوكالة حددت لك متى تغيرها مثلا زيت المكينة كل 10000 يعني ما في داعي للفلسفة وتغير كل 1000
بسيطة السالفة 


up 9 down 1
underground2 106
قبل 6 سنه و 2 شهر



فعلا الغسيل اليومي يشهب بالبدي ويضيع لمعته
انا من شهر الى شهر اغير زيت وفلتر ومعها غسيل مجاني
والباقي متى ماصاح وقال بموت رحت غيرته .


up 2 down 1
الشمري 1414 224
قبل 6 سنه و 2 شهر



بالنسبة للسوائل والبواجي وغيره ، انت ادرى بموترك متى تتغير ومتى لا


يعني بعضهم يقول لك لاتغير البواجي لين يتفتف الموتر وهذا غلط وايضا تغييرها قبل موعدها غلط


يعني انت تحسبها بحكم نظافة مكينتك موديل السيارة ممشى سيارتك الخ ...


وايضا موية الرديتر والسوائل بشكل عام وهاذي سهل انك تعرفها يعني مجرد مايتغير لون موية الرديتر سواءن بعيداً عن الممشى وحسيت انها صارت سوداء او بدت تقلب اسود غيرها وهكذا جميع السوائل وكل شي وله ميزانه


ترى الدعوة مهيب مسألة او حل رياضيات الدعوة بديهياً ومعرفة منك سابقاً


بالتوفيق للجميع


up 1 down 0
a.ibrahem 3165
قبل 6 سنه و 2 شهر



بالنسبه لي اغسلها مره في الاسبوع واتاكد طبعا اذا المويه حلوه او لا علشان البدي والصدا والتغير على حسب الزيت او 5000 او 10000 بس اهم شي تكون منتظم في غيار زيت المحرك علان تدوم معك السياره في الاستخدام اما البواجي والغير كل 100000 وفلتر الهواء كل 50000 والله الموفق .


up 2 down 0
عاش بو علي 500
قبل 6 سنه و 2 شهر



السيارة مثلها مثل أي شئ من مقتنياتك لازم تعطيها أربعة أشياء :

1- إهتمامك
2- وقتك
3- مالك
4- جهدك

وبالطبع كل شي منهم يجب أن يكون بقدر بحيث لا افراط ولا تفريط.


up 1 down 0
raselny 222
قبل 6 سنه و 2 شهر



انا سيارتي اذا غبرت مره لدرجه القزاز يقلب بني وقتها اغسلها 
او كل اسبوعين اما كل يومين ما تستفيد شي كانك قاعد ترمي فلوسك 



up 0 down 0
i6rb_ 160
قبل 6 سنه و 2 شهر