أضف سؤال أو موضوع جديد          

موضوعي مع مكيف السياره وحقين مكيفات وورش السيارات

up 13 down 1
سيب2010سيب 91
قبل 6 سنه و 11 شهر



السلام عليكم ورحمة الله وبركاته
انا لي شغله بموضوع الكبس لليات في المكيف باعطيكم تجربتي وانتو احكمو
كان عندي قراند شيروكي كل شوي اكبس لياته عند حقين الفريون بحيث اخليه عندهم وارجع له بعد وقت يكون وداه للمكبس ويقعد له كم شهر ويهرب اخرها
ضاق صدري وكنت عند عمي في اجازه في جده وكان له بالسيارات والاصلاحات بشكل عام
قال لي ترى يكبسون لك من اردى الليات عشان توفي معهم بالسعر يغشونك يعني
اخذني ووداني لحقين فريون السيارات وقال لهم طلع اللي اللي يهرب وفكه لي وبنرجعه لك بعد شوي وبتركبه وخذ حق فك وتركيب وكان حقهم رخيص لانه فك وتركيب بس
واخذنا اللي ووداني عند محلات الليات والكبس وطلبنا لي حق غاز ضغط عالي اصلي ايطالي
وكبسناه على وصلة الالومنيوم حق الوكاله كان اثنين ورجعناه لحق الفريونات وقلنا ركبه والله يا خوي يا مكيفي صار ماشالله مركزي ثلج ولاعاد خرب حتى بعته ولاادري وش صار فيه استمر معي تقريب سنه وعليها وكانت التكلفه قليله لاني انا اللي اخترت الليات والورشه ورحت وجيت ماتفرق معي بس شغل تمام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

المشكله لي الغاز رخيص ماهو غالي ولكن المحلات يدورون الارخص والاردى مثل ما قلت عشان يوفي المبلغ

والا 3 او 4 ريال فرق ما تسوى


up 2 down 2
ابراهيم التركـي 1067
قبل 6 سنه و 11 شهر



قيد بعت السيارة خلاص وش تبي بالحل !!!


up 1 down 8
ryyan555 703
قبل 6 سنه و 11 شهر



ريان

واضح انك ما تدري وش السالفة


up 3 down 1
ابراهيم التركـي 1067
قبل 6 سنه و 11 شهر



شكرا لمن شارك ومر حياكم ولايك للجميع طبعا لي الغاز انواع مو بس حق غاز الطبخ لالالا فيه انواع غازات كثير لدرجة بعضها تجي من جوه بعازل من السلك المعدني جوة مطاط اللي عشان يدعم الضغط
والضغط العالي له درجات انت خذ اعلى ضغط لك وللزمن لان فيه لي غاز ضغط عالي وفيه ليات سوائل للضغط العالي والسائل الساخن والبارد كله تلقاها عند حقين الليات والكبس وفيه امريكي وايطالي وانواع احسنها الايطالي للغاز


up 2 down 1
سيب2010سيب 91
قبل 6 سنه و 11 شهر



ماش حاولت اعطي لايك نقاط قليله المعذره


up 6 down 2
سيب2010سيب 91
قبل 6 سنه و 11 شهر



بارك الله فيك وجزاك كل خير.

لي تجربة في سنة 1427 في ميزان العضيب بفرع العليا طريق الملك عبدالعزيز بالرياض، والسيارة لومينا 2000 6 سلندر والكبس لي فريون المكيف صار يهرب بعد ما انقطع السير وضرب فيه.

أخذوا مع تعبئة فريون وكل شي تقريباً 300 ريال.

والمكيف رجع ممتاز واستمر لحد ما قبعت عليها هههه


up 1 down 0
وليد م ع الدخيِّل 490
قبل 6 سنه و 11 شهر